ಬುಡಾನ್ (ಉತ್ತರ ಪ್ರದೇಶ):ಇಲ್ಲಿನ ಬುಡಾನ್ ಜಿಲ್ಲೆಯಲ್ಲಿ ನಡೆಸಿದ್ದ 50 ವರ್ಷದ ಮಹಿಳೆ ಮೇಲಿನ ಸಾಮೂಹಿಕ ಅತ್ಯಾಚಾರ ಪ್ರಕರಣ ಸಂಬಂಧ ರಾಷ್ಟ್ರೀಯ ಮಹಿಳಾ ಆಯೋಗದ ಸದಸ್ಯೆ ನೀಡಿರುವ ಹೇಳಿಕೆಗೆ ಇದೀಗ ತೀವ್ರ ಅಕ್ರೋಶ ವ್ಯಕ್ತವಾಗುತ್ತಿದೆ.
ಆ ಮಹಿಳೆ ಸಂಜೆಯ ವೇಳೆ ಹೊರ ಹೋಗದಿದ್ದರೆ ಈ ಅತ್ಯಾಚಾರ ತಡೆಯಬಹುದಿತ್ತು ಎಂದು ರಾಷ್ಟ್ರೀಯ ಮಹಿಳಾ ಆಯೋಗದ ಸದಸ್ಯೆ ಚಂದ್ರಮುಖಿ ದೇವಿ ಹೇಳಿಕೆ ನೀಡಿದ್ದಾರೆ. ಸಂತ್ರಸ್ತೆ ಕುಟುಂಬಸ್ಥರ ಭೇಟಿ ಮಾಡಿದ ಬಳಿಕ ಮಾತನಾಡಿದ ಅವರು, ನಾನು ಮತ್ತೆ ಮತ್ತೆ ಮಹಿಳೆಯರಿಗೆ ಹೇಳುತ್ತೇನೆ, ಮಹಿಳೆಯರು ಸಂಜೆಯಾದ ಮೇಲೆ ಯಾವುದೇ ಕಾರಣಕ್ಕೂ ಹೊರ ಹೋಗಬೇಡಿ ಎಂದಿದ್ದಾರೆ.
ಉತ್ತರ ಪ್ರದೇಶ ಸಾಮೂಹಿತ ಅತ್ಯಾಚಾರ ಕುರಿತು ಮಹಿಳಾ ಆಯೋಗದ ಸದಸ್ಯೆ ಹೇಳಿಕೆ
ಆಕೆ ಸಂಜೆ ಮನೆಯಿಂದ ಹೊರ ಹೋಗದಿದ್ದರೆ ಅಥವಾ ಕುಟುಂಬದ ಒಬ್ಬರ ಜೊತೆ ಹೊರ ಹೋಗಿದ್ದರೆ ಬಹುಶಃ ಘಟನೆ ತಡೆಯಬಹುದಿತ್ತು. ಆದರೆ, ಈ ಕೃತ್ಯ ಪೂರ್ವ ಯೋಜಿತ. ಆಕೆಗೆ ಫೋನ್‌ ಕರೆ ಬಂದ ತಕ್ಷಣ ಆಕೆ ಹೊರ ಹೋಗಿದ್ದಾಳೆ, ಇದರಿಂದ ಈ ಘಟನೆ ನಡೆದಿದೆ ಎಂದಿದ್ದಾರೆ.