ಸ್ವಚ್ಛತೆ ಮಾಡುವಾಗ ಸಿಕ್ಕ ವಜ್ರಗಳನ್ನು ಮಾಲೀಕರಿಗೆ ಒಪ್ಪಿಸಿದ ಸಫಾಯಿ ಕರ್ಮಚಾರಿ!

ಪಂಚದೇವ್​ ಎಂಬ ಕಾರ್ಖಾನೆಯಲ್ಲಿ ಸ್ವಚ್ಛತೆ ಮಾಡುವಾಗ ವಜ್ರಗಳಿದ್ದ ಎರಡು ಪ್ಯಾಕೇಟ್​​ಗಳು ಸಫಾಯಿ ಕರ್ಮಚಾರಿ ವಿನೋದ್ ಭಾಯ್​ ಸೋಲಂಕಿ ಅವರಿಗೆ ಸಿಕ್ಕಿದ್ದವು..

ಸೂರತ್​ (ಗುಜರಾತ್​) :ಗುಜರಾತ್​​ನ ಸೂರತ್​ನಲ್ಲಿ ಸ್ವಚ್ಛತೆ ಮಾಡುವಾಗ ಸಿಕ್ಕ ಸುಮಾರು ಒಂದು ಲಕ್ಷ ರೂ. ಬೆಲೆಬಾಳುವ ವಜ್ರಗಳನ್ನು ಸಫಾಯಿ ಕರ್ಮಚಾರಿಯೊಬ್ಬರು ಮರಳಿ ಮಾಲೀಕರಿಗೆ ಮುಟ್ಟಿಸುವ ಮೂಲಕ ಪ್ರಾಮಾಣಿಕತೆ ಮೆರೆದಿದ್ದಾರೆ.

ಇಲ್ಲಿನ ಪಂಚದೇವ್​ ಎಂಬ ಕಾರ್ಖಾನೆಯಲ್ಲಿ ಕೆಲಸ ಮಾಡುತ್ತಿರುವ ವಿನೋದ್ ಭಾಯ್​ ಸೋಲಂಕಿ ಎಂಬುವರಿಗೆ ವಜ್ರಗಳಿದ್ದ ಎರಡು ಪ್ಯಾಕೇಟ್‌ಗಳು ದೊರೆತಿವೆ. ಆಗ ತಕ್ಷಣವೇ ವಿನೋದ್​, ಈ ವಿಷಯವನ್ನು ಕಾರ್ಖಾನೆ ಮಾಲೀಕರಿಗೆ ತಿಳಿಸಿದ್ದಾರೆ. ಮಾಲೀಕರು ಸೂರತ್​ ವಜ್ರ ಸಂಘದವರಿಗೆ ಸಂಪರ್ಕಿಸಿ, ವಜ್ರಗಳಿದ್ದ ಎರಡು ಪ್ಯಾಕೇಟ್​​ಗಳು ಸಿಕ್ಕ ಬಗ್ಗೆ ಮಾಹಿತಿ ನೀಡಿದ್ದಾರೆ.

ಅಂತೆಯೇ, ಸಂಘದವರು ಈ ವಜ್ರಗಳನ್ನು ಯಾರು ಕಳೆದುಕೊಂಡಿದ್ದಾರೆ ಎಂಬುವುದನ್ನು ಪತ್ತೆ ಹೆಚ್ಚಿದ್ದಾರೆ. ಈ ವೇಳೆ ರಮೇಶ್​ ಭಾಯ್​ ಎಂಬುವರಿಗೆ ಸೇರಿರುವುದಾಗಿ ಖಚಿತವಾಗಿದೆ. ನಂತರ ಇವುಗಳನ್ನು ಮಾಲೀಕರಿಗೆ ಹಸ್ತಾಂತರಿಸಲಾಗಿದೆ. ಜೊತೆಗೆ ಸಿಕ್ಕ ವಜ್ರಗಳನ್ನು ಮರಳಿ ಕೊಟ್ಟು ಪ್ರಾಮಾಣಿಕತೆ ಮೆರೆದ ವಿನೋದ್​ ಅವರಿಗೆ ಸಂಘದವರು ಹಾಗೂ ವಜ್ರದ ಮಾಲೀಕರು ಸನ್ಮಾನಿಸಿ ಗೌರವಿಸಿದ್ದಾರೆ.

ಇದನ್ನೂ ಓದಿ:ಸ್ನೇಹಿತನ ಬಿಟ್ಟು ಮದುವೆ ಮೆರವಣಿಗೆ ಹೋದ ವರನ ಮೇಲೆ ಮಾನನಷ್ಟ ಮೊಕದ್ದಮೆ!