ಲಡಾಖ್​ನಲ್ಲಿ ವಿಶ್ವದ ಅತೀ ಎತ್ತರದ ಮೊಬೈಲ್​ ಟವರ್​ ನಿರ್ಮಿಸಿದ ಭಾರತೀಯ ಸೇನೆ

ಪೂರ್ವ ಲಡಾಖ್​ನಲ್ಲಿ ಚೀನಾಗೆ ಟಾಂಗ್ ನೀಡಲು ಮುಂದಾಗಿರುವ ಭಾರತೀಯ ವಾಯುಸೇನೆ ಇದೀಗ ವಿಶ್ವದ ಅತಿ ಎತ್ತರದ ಮೊಬೈಲ್​ ಟವರ್​ ನಿರ್ಮಾಣ ಮಾಡಿದೆ.

ನಿಯೋಮ್​(ಲಡಾಖ್​):ಭಾರತೀಯ ವಾಯು ಸೇನೆ ಇದೀಗ ಮತ್ತೊಂದು ಮಹತ್ವದ ಕಾರ್ಯಕ್ಕೆ ಮುಂದಾಗಿದ್ದು, ವಿಶ್ವದ ಅತಿ ಎತ್ತರದ ಮೊಬೈಲ್​​ ಏರ್​​ ಟ್ರಾಫಿಕ್​ ಕಂಟ್ರೋಲ್​​ ಟವರ್(ATC)​ ನಿರ್ಮಿಸಿದೆ. ಪೂರ್ವ ಲಡಾಖ್​ನ ಅಡ್ವಾನ್ಸ್​ ಲ್ಯಾಂಡಿಂಗ್​ ಪ್ರದೇಶವಾಗಿರುವ ನಿಯೋಮ್​ನಲ್ಲಿ ಅತ್ಯಾಧುನಿಕ ತಂತ್ರಜ್ಞಾನದೊಂದಿಗೆ ಏರ್​ ಟ್ರಾಫಿಕ್​​ ನಿರ್ಮಾಣಗೊಂಡಿದೆ.

ಕಳೆದ ಕೆಲ ತಿಂಗಳ ಹಿಂದೆ ಭಾರತ - ಚೀನಾ ನಡುವೆ ನಡೆದ ಸಂಘರ್ಷದ ಬಳಿಕ ಈ ಪ್ರದೇಶದಲ್ಲಿ ಭಾರತೀಯ ಸೇನೆ ಹೆಚ್ಚು ಸಕ್ರಿಯವಾಗಿದ್ದು, ಇದೀಗ ಏರ್​ ಟ್ರಾಫಿಕ್​​ ಕಂಟ್ರೋಲ್ ಟವರ್ ನಿರ್ಮಾಣ ಮಾಡಿದೆ. ಈ ಮೂಲಕ ಚೀನಾ ಗಡಿಯಲ್ಲಿ ಭಾರತೀಯು ಸೇನೆ ತನ್ನ ವಾಯು ಸೇನೆ ಶಕ್ತಿ ಪ್ರದರ್ಶನಕ್ಕೆ ಮುಂದಾಗಿದೆ. ಪೂರ್ವ ಲಡಾಖ್​ನಲ್ಲಿ ಈಗಾಗಲೇ ವಿಶ್ವದ ಅತಿ ಎತ್ತರದ ರಸ್ತೆ ನಿರ್ಮಾಣಗೊಂಡಿದ್ದು, 19,300 ಅಡಿ ಎತ್ತರದಲ್ಲಿ ರಸ್ತೆ ನಿರ್ಮಾಣವಾಗಿದೆ.

ಮೊಬೈಲ್​​ ಏರ್​​​ ಟ್ರಾಫಿಕ್​ ಕಂಟ್ರೋಲ್​(ATC) ಟವರ್​ ಪೂರ್ವ ಲಡಾಖ್​ನಲ್ಲಿ ಕಾರ್ಯನಿರ್ವಹಿಸುವ ವಿಂಗ್​ ವಿಮಾನ ಮತ್ತು ಹೆಲಿಕಾಪ್ಟರ್​ಗಳ ಕಾರ್ಯಾಚರಣೆ ನಿಯಂತ್ರಣ ಮಾಡಲಿದೆ. ಭಾರತೀಯ ವಾಯುಪಡೆ ಈ ಪ್ರದೇಶದಲ್ಲಿ ರಫೇಲ್​, ಮಿಗ್​-29 ಯುದ್ಧ ವಿಮಾನ ನಿಯೋಜನೆ ಮಾಡಿದೆ. ಚೀನಾ ಯೋಧರಿಗೆ ಟಾಂಗ್​ ನೀಡುವ ಉದ್ದೇಶದಿಂದಲೇ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂಬ ಮಾಹಿತಿ ತಿಳಿದು ಬಂದಿದೆ.

ಲಡಾಖ್​ನಲ್ಲಿ ಕೇಂದ್ರ ಸರ್ಕಾರ ಕೂಡ ವಿವಿಧ ಅಭಿವೃದ್ದಿ ಪರ ಯೋಜನೆ ಜಾರಿಗೆ ತರಲು ನಿರ್ಧರಿಸಿದ್ದು, ಕಳೆದ ಕೆಲ ದಿನಗಳ ಹಿಂದೆ ನಡೆದ ಸಚಿವ ಸಂಪುಟದಲ್ಲಿ 750 ಕೋಟಿ ರೂ. ವೆಚ್ಚದಲ್ಲಿ ಕೇಂದ್ರೀಯ ವಿಶ್ವವಿದ್ಯಾಲಯ ನಿರ್ಮಾಣ ಮಾಡಲು ಮುಂದಾಗಿದೆ.