ಶಾಂತಿಪುರ (ಪಶ್ಚಿಮ ಬಂಗಾಳ): ಪಶ್ಚಿಮ ಬಂಗಾಳದಲ್ಲಿ ವಿಚಿತ್ರ ಪ್ರಕರಣವೊಂದು ನಡೆದಿದೆ. ವ್ಯಕ್ತಿಯೋರ್ವ ತನ್ನ ಸಹೋದರನೊಂದಿಗೆ ವಿವಾಹೇತರ ಸಂಬಂಧ ಹೊಂದಿದ್ದ ಪತ್ನಿಯನ್ನು ಆತನಿಗೆ ಕೊಟ್ಟು ಮದುವೆ ಮಾಡಿಸಿದ್ದಾನೆ. ಈ ಮೂಲಕ ತನ್ನ 24 ವರ್ಷಗಳ ದಾಂಪತ್ಯವನ್ನು ಆ ವ್ಯಕ್ತಿ ಕೊನೆಗೊಳಿಸಿದ್ದಾನೆ.
ನಾಡಿಯಾ ಜಿಲ್ಲೆಯ ಶಾಂತಿಪುರ ಪುರಸಭೆಯ ವಾರ್ಡ್ ನಂ.1ರಲ್ಲಿ ಈ ಅಪರೂಪದ ಮದುವೆ ನಡೆದಿದೆ. ಇಲ್ಲಿನ ನಿವಾಸಿ ಅಮೂಲ್ಯ ದೇಬನಾಥ್ ಎಂಬಾತ 24 ವರ್ಷಗಳ ಹಿಂದೆ ಶಾಂತಿಪುರ ಪೊಲೀಸ್ ಠಾಣೆಯ ಬಬ್ಲಾ ಗ್ರಾಮ ಪಂಚಾಯತ್ ವ್ಯಾಪ್ತಿಯ ದೀಪಾಲಿ ಎಂಬುವರನ್ನು ವಿವಾಹವಾಗಿದ್ದರು.
ದೇಬನಾಥ್ ಮತ್ತು ದೀಪಾಲಿ ದಂಪತಿಯ ದಾಂಪತ್ಯ ಜೀವನ 24 ವರ್ಷಗಳ ಕಾಲ ಸಾಮಾನ್ಯವಾಗಿಯೇ ಇತ್ತು. ಜೊತೆಗೆ ಈ ದಂಪತಿಗೆ 22 ವರ್ಷದ ಮಗನಿದ್ದು, ಆತನಿಗೂ ವಿವಾಹವಾಗಿದೆ. ದೇಬನಾಥ್ ತನ್ನ ಕೆಲಸದ ನಿಮಿತ್ತ ಬೇರೆ ರಾಜ್ಯದಲ್ಲಿ ವಾಸಿಸುತ್ತಿದ್ದಾರೆ. ಈತನ ಸೊಸೆ ಸಹ ತವರು ಮನೆಯಲ್ಲಿ ನೆಲೆಸಿದ್ದಾರೆ. ಈ ನಡುವೆ ಕೆಲ ದಿನಗಳ ಹಿಂದೆ ಪತ್ನಿ ದೀಪಾಲಿ ಮತ್ತು ತನ್ನ ಸಹೋದರ ಕೇಶಬ್‌ ಒಟ್ಟಾಗೆ ಇದ್ದಾಗ ರೆಡ್‌ಹ್ಯಾಂಡ್‌ ಆಗಿ ದೇಬನಾಥ್ ಕೈಗೆ ಸಿಕ್ಕಿಬಿದ್ದಿದ್ದಾರೆ. ಇದರಿಂದ ಪತ್ನಿಯ ವಿವಾಹೇತರ ಸಂಬಂಧದ ಬಗ್ಗೆ ಗೊತ್ತಾಗಿದೆ.