ಮಂಡ್ಯದಲ್ಲಿ ಘೋಷಣೆ ಕೂಗಿದ ಯುವತಿಗೆ ಮುಸ್ಲಿಂ ರಾಷ್ಟ್ರೀಯ ಮಂಚ್​ ಬೆಂಬಲ

ಮಂಡ್ಯದ ಯುವತಿ ನಮ್ಮ(ಮುಸ್ಲಿಂ) ಸಮುದಾಯದ ಮಗಳಾಗಿದ್ದಾಳೆ. ಅವಳ ವಿರುದ್ಧ ಉದ್ರಿಕ್ತರ ಗುಂಪೊಂದು ಭಯಭೀತಗೊಳಿಸಲು ಯತ್ನಿಸಿದೆ. ಮುಸ್ಲಿಂ ರಾಷ್ಟ್ರೀಯ ಮಂಚ್​ ಆ ಯುವತಿಯ ಬೆಂಬಲವಾಗಿ ನಿಲ್ಲಲಿದೆ ಎಂದು ಪ್ರಾಂತ್​ ಸಂಚಾಲಕ ಅನಿಲ್​ ಸಿಂಗ್​ ತಿಳಿಸಿದ್ದಾರೆ.

ಅಯೋಧ್ಯೆ(ಉತ್ತರಪ್ರದೇಶ):ಹಿಜಾಬ್​ ವಿರುದ್ಧ ನಡೆಯುತ್ತಿದ್ದ ಪ್ರತಿಭಟನೆ ವೇಳೆ 'ಜೈ ಶ್ರೀರಾಮ್'​ ಎಂದು ಘೋಷಣೆ ಕೂಗುತ್ತಿದ್ದ ವಿದ್ಯಾರ್ಥಿಗಳ ಗುಂಪಿನ ವಿರುದ್ಧ 'ಅಲ್ಲಾಹು ಅಕ್ಬರ್'​ ಎಂದು ಕೂಗಿದ ಮಂಡ್ಯದ ಯುವತಿಗೆ ಮುಸ್ಲಿಂ ರಾಷ್ಟ್ರೀಯ ಮಂಚ್​(ಎಂಆರ್​ಎಂ) ಬೆಂಬಲ ವ್ಯಕ್ತಪಡಿಸಿದೆ. ಅಲ್ಲದೇ, ಪರ್ದಾ ಪದ್ಧತಿ ಭಾರತದ ಸಂಸ್ಕೃತಿಯಾಗಿದೆ ಎಂದಿದೆ.

ಮಂಡ್ಯದ ಯುವತಿ ನಮ್ಮ(ಮುಸ್ಲಿಂ) ಸಮುದಾಯದ ಮಗಳಾಗಿದ್ದಾಳೆ. ಅವಳ ವಿರುದ್ಧ ಉದ್ರಿಕ್ತರ ಗುಂಪೊಂದು ಭಯಭೀತಗೊಳಿಸಲು ಯತ್ನಿಸಿದೆ. ಮುಸ್ಲಿಂ ರಾಷ್ಟ್ರೀಯ ಮಂಚ್​ ಆ ಯುವತಿಯ ಬೆಂಬಲವಾಗಿ ನಿಲ್ಲಲಿದೆ ಎಂದು ಪ್ರಾಂತ್​ ಸಂಚಾಲಕ ಅನಿಲ್​ ಸಿಂಗ್​ ತಿಳಿಸಿದ್ದಾರೆ.

ಹಿಂದು ಸಂಸ್ಕೃತಿ ಮಹಿಳೆಯನ್ನು ಗೌರವಿಸುವುದನ್ನು ಕಲಿಸುತ್ತದೆ. ಆದರೆ, ಮಂಡ್ಯದ ಕಾಲೇಜೊಂದರಲ್ಲಿ ನಡೆದ ಘಟನೆ ಇದಕ್ಕೆ ವಿರುದ್ಧವಾಗಿದೆ. ಯುವತಿ ಹಿಜಬ್​ ಧರಿಸಿ ಕಾಲೇಜಿಗೆ ಬಂದಾಗ ಅವಳನ್ನು ಬೆದರಿಸುವ ಯತ್ನ ನಡೆದಿದೆ. ಮುಸ್ಲಿಂ ಮಹಿಳೆಯರು ಹಿಜಾಬ್​ ಧರಿಸಲು ಸಂವಿಧಾನದಲ್ಲಿಯೇ ಅವಕಾಶ ನೀಡಲಾಗಿದೆ ಎಂದಿದ್ದಾರೆ.

ಒಂದು ವೇಳೆ ಆ ಯುವತಿ ಶಾಲಾ ಸಂಸ್ಥೆಯ ನೀತಿಗಳಿಗೆ ವಿರುದ್ಧವಾಗಿ ನಡೆದಿದ್ದರೆ ಕ್ರಮ ಕೈಗೊಳ್ಳಬಹುದಿತ್ತು. ಪ್ರತಿಭಟನಾನಿರತ ವಿದ್ಯಾರ್ಥಿಗಳ ಗುಂಪು ಆ ಯುವತಿಯ್ನು ಕಂಡು ಜೈ ಶ್ರೀರಾಮ್​ ಎಂದು ಕೂಗಿದಾಗ ಆಕೆ ಅಲ್ಲಾ ಹು ಅಕ್ಬರ್​ ಎಂದು ಕೂಗಿದ್ದಾಳೆ. ಇದು ಕೋಮು ಸಾಮರಸ್ಯ ಕದಡುವುದಲ್ಲ. ಬದಲಾಗಿ ಪ್ರತಿಭಟನಾ ವಿದ್ಯಾರ್ಥಿಗಳು ಹಿಂದು ಮತ್ತು ಭಾರತದ ಸಂಸ್ಕೃತಿಯ ವಿರುದ್ಧ ನಡೆದುಕೊಂಡಿದ್ದಾರೆ ಎಂದು ಟೀಕಿಸಿದ್ದಾರೆ.

ಹಿಜಾಬ್​ ಧರಿಸುವುದರ ವಿರುದ್ಧ ಮಂಡ್ಯದ ಕಾಲೇಜೊಂದರಲ್ಲಿ ವಿದ್ಯಾರ್ಥಿಗಳು ಭಾರಿ ಪ್ರತಿಭಟನೆ ನಡೆಸುತ್ತಿದ್ದಾಗ ಮುಸ್ಲಿಂ ಯುವತಿಯೊಬ್ಬಳು ಏಕಾಂಗಿಯಾಗಿ ಆಗಮಿಸಿದಾಗ ಅವಳ ಬಳಿಗೆ ಬಂದ ಕೇಸರಿ ಶಾಲು ಧಾರಿ ವಿದ್ಯಾರ್ಥಿಗಳು ಜೈ ಶ್ರೀರಾಮ್​ ಎಂದು ಕೂಗಿದ್ದರು. ಈ ವೇಳೆ ಯುವತಿ ಅಲ್ಲಾಹು ಅಕ್ಬರ್​ ಎಂದು ಕೂಗಿದ್ದು ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್​ ಆಗಿದೆ.

ಓದಿ:ಮಂಡ್ಯದಲ್ಲಿ ಘೋಷಣೆ ಕೂಗಿದ ವಿದ್ಯಾರ್ಥಿನಿಗೆ ಬಹುಮಾನ ನೀಡಿದ ಮುಸ್ಲಿಂ ಸಂಘಟನೆ ವಿರುದ್ಧ ದೂರು