ನವದೆಹಲಿ :ಆಸ್ಪತ್ರೆಯೊಂದರಲ್ಲಿ ಮಿಜೋರಾಂ ಮಂತ್ರಿಯೊಬ್ಬರು ಕೋವಿಡ್ ಸೋಂಕಿತರ ಸೇವೆ ಮಾಡುತ್ತಿರುವ ಫೋಟೋ ಎಲ್ಲೆಡೆ ವೈರಲ್ ಆಗಿದೆ.
ಪವರ್ ಮಿನಿಸ್ಟರ್ ಆಗಿರುವ ಆರ್.ಲಾಲ್ಜರ್ಲಿಯಾನಾ ಕೋವಿಡ್ ಆಸ್ಪತ್ರೆಯೊಂದಕ್ಕೆ ಭೇಟಿ ನೀಡಿ, ಸೋಂಕಿತರ ಆರೋಗ್ಯ ವಿಚಾರಿಸಿದರು. ಜತೆಗೆ ನೆಲ ಗುಡಿಸಿ ಸ್ವಚ್ಛಗೊಳಿಸಿರುವ ಫೋಟೋ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.
ಮಂತ್ರಿಯು ಈ ರೀತಿ ಕಸ ಗುಡಿಸಿರುವುದಕ್ಕೆ ಪ್ರತಿಕ್ರಿಯಿಸಿದ ಪಚ್ಚುಂಗಾ ಕಾಲೇಜಿನ ಪ್ರೊಫೆಸರ್ ಎಲ್.ಹೆಚ್. ಚುನಾನಾವ್ಮಾ, ಕೊಠಡಿಯನ್ನು ಸ್ವಚ್ಛಗೊಳಿಸಲು ಸ್ವೀಪರ್ ಹಿಂದೇಟು ಹಾಕಿದ ಕಾರಣ ಸಚಿವರೇ ನೆಲ ಸ್ವಚ್ಛಗೊಳಿಸಿದ್ದಾರೆ ಎಂದರು.
ಸಾಮಾನ್ಯವಾಗಿ ಸಚಿವರು, ನಿತ್ಯ ಮನೆಯಲ್ಲಿ ಇದೇ ರೀತಿಯ ಕೆಲಸವನ್ನು ಮಾಡುತ್ತಾರೆಂದು ವರದಿಯಾಗಿದೆ. ಲಾಲ್ಜರ್ಲಿಯಾನಾ ಅವರ ಪತ್ನಿ ಹಾಗೂ ಮಗನಿಗೂ ಕೋವಿಡ್ ದೃಢಪಟ್ಟಿದ್ದು, ರಾಜಧಾನಿ ಐಜಾಲ್ನಿಂದ 14 ಕಿ.ಲೋ ಮೀಟರ್ ದೂರದಲ್ಲಿರುವ ಫಾಲ್ಕಾವ್ನ ಜೊರಾಮ್ ಮೆಡಿಕಲ್ ಕಾಲೇಜಿಗೆ ದಾಖಲಿಸಲಾಗಿದೆ.
