NEET ಫಲಿತಾಂಶ ಪ್ರಕಟ : 720 ಅಂಕ ಪಡೆದು ಮೊದಲ ಸ್ಥಾನ ಹಂಚಿಕೊಂಡ ಮೂವರು ಅಭ್ಯರ್ಥಿಗಳು

NEET 2021 ವಿವಾದದಿಂದ ಸುದ್ದಿಯಾಗಿತ್ತು. ತಪ್ಪು ಪ್ರಶ್ನೆ ಪತ್ರಿಕೆಗಳು ಮತ್ತು ಉತ್ತರ ಪತ್ರಿಕೆಗಳನ್ನು ನೀಡಲಾಗಿದೆ ಎಂದು ಆರೋಪಿಸಿ ಇಬ್ಬರು ವಿದ್ಯಾರ್ಥಿಗಳಿಗೆ ಮರು ಪರೀಕ್ಷೆ ನಡೆಸುವಂತೆ ಬಾಂಬೆ ಹೈಕೋರ್ಟ್ ಆದೇಶಿಸಿತ್ತು..

ನವದೆಹಲಿ :ಪದವಿಪೂರ್ವ ವೈದ್ಯಕೀಯ ಕೋರ್ಸ್‌ಗಳಿಗೆ ಪ್ರವೇಶಕ್ಕಾಗಿ ನಡೆದಿದ್ದ ರಾಷ್ಟ್ರೀಯ ಅರ್ಹತಾ ಪ್ರವೇಶ ಪರೀಕ್ಷೆ (NEET) 2021 ಫಲಿತಾಂಶ ಪ್ರಕಟವಾಗಿದೆ. ಮೂವರು ಅಭ್ಯರ್ಥಿಗಳು ಸಮನಾಗಿ ಅಂಕ ಹಂಚಿಕೊಂಡಿದ್ದು ಮೊದಲ ಸ್ಥಾನ ಅಲಂಕರಿಸಿದ್ದಾರೆ.

ತೆಲಂಗಾಣದ ಮೃಣಾಲ್ ಕತ್ತೇರಿ, ದೆಹಲಿಯ ತನ್ಮಯ್ ಗುಪ್ತಾ ಮತ್ತು ಮಹಾರಾಷ್ಟ್ರದ ಕಾರ್ತಿಕಾ ನಾಯರ್ ಸಮನಾಗಿ 720 ಅಂಕಗಳಿಗೆ 720 ಅಂಕ ಪಡೆದಿದ್ದಾರೆ. ನೀಟ್ ಫಲಿತಾಂಶವನ್ನು neet.nta.nic.in ಮತ್ತು ntaresults.ac.inನಲ್ಲಿ ವೀಕ್ಷಿಸಬಹುದು.

ಈ ವರ್ಷ ಒಟ್ಟು 16,14,777 ವಿದ್ಯಾರ್ಥಿಗಳು ಪರೀಕ್ಷೆ ತೆಗೆದುಕೊಂಡಿದ್ದರು. ಇದು ಕಳೆದ ವರ್ಷದ ಸಂಖ್ಯೆಗಿಂತ ಶೇ.1.09ರಷ್ಟು ಅಧಿಕವಾಗಿತ್ತು. ಅವರಲ್ಲಿ 15,44,275 ಮಂದಿ ಪರೀಕ್ಷೆಗೆ ಹಾಜರಾಗಿದ್ದು, 8,70,074 ಮಂದಿ ಅರ್ಹತೆ ಪಡೆದಿದ್ದಾರೆ. ಅರ್ಹತೆಗಾಗಿ ಕನಿಷ್ಠ ಅಂಕಗಳು ಅಥವಾ NEET ಕಟ್-ಆಫ್‌ಗಳನ್ನು ಈ ವರ್ಷ ಕೈಬಿಡಲಾಗಿದೆ.

ನೀಟ್ ಪರೀಕ್ಷೆ ಆಫ್​​​ಲೈನ್​ನಲ್ಲಿ ನಡೆಸಲಾಗಿತ್ತು. ಅಭ್ಯರ್ಥಿಗಳು OMR ಹಾಳೆಗಳಲ್ಲಿ ಉತ್ತರ ದಾಖಲಿಸಿದ್ದರು. ಫಲಿತಾಂಶವನ್ನು ಪ್ರಕಟಿಸುವ ಮೊದಲು, ಎನ್​ಟಿಎ ಅಭ್ಯರ್ಥಿಗಳ ಉತ್ತರ ಪತ್ರಿಕೆ ಸೇರಿದಂತೆ ಕೀ ಉತ್ತರಗಳಗಳ ಬಿಡುಗಡೆ ಮಾಡಿತ್ತು.

NEET 2021 ವಿವಾದದಿಂದ ಸುದ್ದಿಯಾಗಿತ್ತು. ತಪ್ಪು ಪ್ರಶ್ನೆ ಪತ್ರಿಕೆಗಳು ಮತ್ತು ಉತ್ತರ ಪತ್ರಿಕೆಗಳನ್ನು ನೀಡಲಾಗಿದೆ ಎಂದು ಆರೋಪಿಸಿ ಇಬ್ಬರು ವಿದ್ಯಾರ್ಥಿಗಳಿಗೆ ಮರು ಪರೀಕ್ಷೆ ನಡೆಸುವಂತೆ ಬಾಂಬೆ ಹೈಕೋರ್ಟ್ ಆದೇಶಿಸಿತ್ತು.

ಆದಾಗ್ಯೂ, ಸುಮಾರು 16 ಲಕ್ಷ ಅಭ್ಯರ್ಥಿಗಳ ಫಲಿತಾಂಶವನ್ನು ಇಬ್ಬರು ಅಭ್ಯರ್ಥಿಗಳಿಗೆ ತಡೆ ಹಿಡಿಯಲು ಸಾಧ್ಯವಿಲ್ಲ ಎಂದು ಸುಪ್ರೀಂಕೋರ್ಟ್ ತೀರ್ಪು ನೀಡಿತ್ತು. ಇದಾದ ಬಳಿಕ ಇದೀಗ ಫಲಿತಾಂಶ ಪ್ರಕಟಿಸಲಾಗಿದೆ.

ಇದನ್ನೂ ಓದಿ:29 ವಿಧಾನಸಭೆ, 3 ಲೋಕಸಭಾ ಉಪಚುನಾವಣೆ ಫಲಿತಾಂಶ: ಆಂಧ್ರದಲ್ಲಿ YSRCP ಗೆಲುವು, ತೆಲಂಗಾಣದಲ್ಲಿ ಬಿಜೆಪಿ ಮುನ್ನಡೆ