ಅಕ್ಕಿ ಮೂಟೆಗಳ ಹಿಂದೆ 1 ಕೋಟಿ ರೂಪಾಯಿ ಪತ್ತೆ; ದಾಳಿ ವೇಳೆ ಪೊಲೀಸರಿಗೇ ಶಾಕ್!

ಹವಾಲಾ ದಂಧೆ ನಡೆಸುತ್ತಿದ್ದ ಅಕ್ಕಿ ವ್ಯಾಪಾರಿಯ ಅಂಗಡಿ ಮೇಲೆ ದಾಳಿ ನಡೆಸಿರುವ ಪೊಲೀಸರು ದಾಖಲೆಯ 1 ಕೋಟಿ ರೂಪಾಯಿಗೂ ಅಧಿಕ ಹಣ ಜಪ್ತಿ ಮಾಡಿಕೊಂಡಿದ್ದಾರೆ.

ಔರಂಗಾಬಾದ್​​(ಮಹಾರಾಷ್ಟ್ರ): ಹವಾಲಾ ದಂಧೆ ನಡೆಸುತ್ತಿದ್ದ ಆರೋಪ ಕೇಳಿ ಬಂದ ಹಿನ್ನೆಲೆಯಲ್ಲಿ ಅಕ್ಕಿ ವ್ಯಾಪಾರಿಯ ಅಂಗಡಿ ಮೇಲೆ ದಾಳಿ ನಡೆಸಿರುವ ಪೊಲೀಸರು ದಾಖಲೆಯ 1 ಕೋಟಿ ರೂಪಾಯಿ ಜಪ್ತಿ ಮಾಡಿದ್ದಾರೆ. ಮಹಾರಾಷ್ಟ್ರದ ಔರಂಗಾಬಾದ್​​ನಲ್ಲಿ ಘಟನೆ ನಡೆದಿದೆ.

ಹವಾಲಾ ದಂಧೆ: ಅಕ್ಕಿ ವ್ಯಾಪಾರಿ ಅಂಗಡಿಯಲ್ಲಿ ಸಿಕ್ತು ₹1 ಕೋಟಿ!

ಅಪರಾಧ ವಿಭಾಗದ ಪೊಲೀಸರು ದಾಳಿ ನಡೆಸಿದ್ದು, ಈ ವೇಳೆ 1 ಕೋಟಿ, 9ಲಕ್ಷದ 50 ಸಾವಿರ ರೂಪಾಯಿ ಸಿಕ್ಕಿದೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ವ್ಯಾಪಾರಿ ಆಶಿಶ್ ಸಾವ್ಜಿ ಎಂಬಾತನನ್ನು ಬಂಧನ ಮಾಡಲಾಗಿದೆ. ಕ್ರೈಂ ಬ್ರಾಂಚ್​​ ಇನ್ಸ್​​ಪೆಕ್ಟರ್​​ ಅವಿನಾಶ್​​ ಹಾಗೂ ಸಬ್​ ಇನ್ಸ್​​ಪೆಕ್ಟರ್​​ ಕಲ್ಯಾಣ್​ ಶೆಲ್ಕೆ ತಂಡ ದಾಳಿ ನಡೆಸಿದೆ.

ಅಕ್ಕಿ ಮೂಟೆಗಳ ಹಿಂದೆ ಇಷ್ಟೊಂದು ಹಣ ಇಡಲಾಗಿದ್ದು, ಪೊಲೀಸರು ಪರಿಶೀಲನೆ ನಡೆಸಿದಾಗ ಪತ್ತೆಯಾಗಿದೆ. ಆರೋಪಿಯ ಮನೆ ಮೇಲೂ ಶೋಧ ನಡೆಸಿದ್ದಾಗಿ ತಿಳಿದು ಬಂದಿದ್ದು, ನೋಟು ಎಣಿಕೆ ಮಾಡುವ ಎರಡು ಯಂತ್ರಗಳು, ಡೈರಿಗಳ ಪರಿಶೀಲನೆ ಮುಂದುವರೆದಿದೆ.