ಬಾಲಕಿ ಮೇಲೆ ಅತ್ಯಾಚಾರ​.. ದುಷ್ಕೃತ್ಯವನ್ನು 'ಲೈವ್​ ಸ್ಟ್ರೀಮ್'​ ಮಾಡಿದ ಕಾಮುಕರು

ಬಾಲಕಿ ಮೇಲೆ ಸಾಮೂಹಿಕ ಅತ್ಯಾಚಾರ ಮಾಡಿದ ಕಾಮುಕರು ಈ ಕೃತ್ಯವನ್ನು ಲೈವ್​ ಸ್ಟ್ರೀಮ್​ ಮಾಡಿ ತಮ್ಮ ಸ್ನೇಹಿತರಿಗೆ ರವಾನಿಸಿರುವ ಪ್ರಕರಣ ಮಧ್ಯಪ್ರದೇಶದ ಗ್ವಾಲಿಯರ್​ನಲ್ಲಿ ನಡೆದಿದೆ.

ಗ್ವಾಲಿಯರ್:ಮಧ್ಯಪ್ರದೇಶದ ಗ್ವಾಲಿಯರ್​ನಲ್ಲಿ ಆಘಾತಕಾರಿ ಘಟನೆ ಬೆಳಕಿಗೆ ಬಂದಿದೆ. 16 ವರ್ಷದ ಬಾಲಕಿಯ ಮೇಲೆ ಯುವಕರಿಬ್ಬರು ಸಾಮೂಹಿಕ ಅತ್ಯಾಚಾರ ಎಸಗಿದ್ದಲ್ಲದೇ ಈ ಕೃತ್ಯವನ್ನು ನೇರಪ್ರಸಾರ(ಲೈವ್​ ಸ್ಟ್ರೀಮ್​) ಮಾಡಿ ಅದನ್ನು ತಮ್ಮ ಸ್ನೇಹಿತರಿಗೆ ರವಾನಿಸಿದ್ದಾರೆ. ಈ ಬಗ್ಗೆ ಸಂತ್ರಸ್ತೆ ಪೊಲೀಸ್​ ಠಾಣೆಯಲ್ಲಿ ದೂರು ನೀಡಿದ್ದಾಳೆ.

ತನ್ನನ್ನು ಹೋಟೆಲ್​ಗೆ ಕರೆದೊಯ್ದ ಇಬ್ಬರು ಯುವಕರು ಅತ್ಯಾಚಾರ ಎಸಗಿದ್ದಾರೆ. ಅವರಿಬ್ಬರೂ 21 ವರ್ಷ ವಯಸ್ಸಿನವರಾಗಿದ್ದರು. ತನ್ನ ಮೇಲೆ ದೌರ್ಜನ್ಯ ಎಸಗಿದ್ದಲ್ಲದೇ, ಚಿತ್ರೀಕರಣ ಮಾಡಿ ತಮ್ಮ ಸ್ನೇಹಿತರಿಗೆ 'ಲೈವ್​ ಸ್ಟ್ರೀಮ್'​ ಮಾಡಿದ್ದಾರೆ ಎಂದು ಸಂತ್ರಸ್ತೆ ಕೊತ್ವಾಲಿ ಪೊಲೀಸ್ ಠಾಣೆಯಲ್ಲಿ ಸಂತ್ರಸ್ತೆ ದೂರು ನೀಡಿದ್ದಾಳೆ.

ಈ ಬಗ್ಗೆ ದೂರು ದಾಖಲಿಸಿಕೊಂಡ ಪೊಲೀಸರು ಆರೋಪಿಗಳ ವಿರುದ್ಧ ಭಾರತೀಯ ದಂಡ ಸಂಹಿತೆ ಹಾಗೂ ಪೋಕ್ಸೊ ಕಾಯ್ದೆ ಮತ್ತು ಮಾಹಿತಿ ತಂತ್ರಜ್ಞಾನ ಕಾಯ್ದೆಯಡಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಸದ್ಯ ಆರೋಪಿಗಳು ತಲೆಮರೆಸಿಕೊಂಡಿದ್ದು, ಶೋಧ ಕಾರ್ಯ ನಡೆಸುತ್ತಿದ್ದಾರೆ.

ಓದಿ:ಲೂಡೋ ಆಡುತ್ತಿದ್ದ ಮಗನ ಕೊಂದು ರಹಸ್ಯವಾಗಿ ಮಣ್ಣು ಮಾಡಿದ ತಂದೆ: ಕೃತ್ಯ ಬಾಯ್ಬಿಡದಂತೆ ಪತ್ನಿಗೂ ಬೆದರಿಕೆ!