ಬಾಲಕನನ್ನು ಕಂಬಕ್ಕೆ ಕಟ್ಟಿ ಥಳಿಸಿದ ನಿವೃತ್ತ ಪೊಲೀಸ್ ಅಧಿಕಾರಿ.. ವಿಡಿಯೋ ವೈರಲ್

ಕ್ರಿಕೆಟ್ ಆಡುತ್ತಿದ್ದ ವೇಳೆ ನಿವೃತ್ತ ಪೊಲೀಸ್ ಅಧಿಕಾರಿಯ ಕುಟುಂಬಕ್ಕೆ ಸೇರಿದ ಬಾಲಕನ ಕಣ್ಣಿಗೆ ಪೆಟ್ಟಾಗಿದ್ದರಿಂದ ಗಾಯಗೊಳಿಸಿದ ಹುಡುಗನಿಗೆ ಅಧಿಕಾರಿಯು ಹಿಗ್ಗಾಮುಗ್ಗಾ ಥಳಿಸಿದ್ದಾರೆ.

ಗುರುಗ್ರಾಮ್: ಕ್ರಿಕೆಟ್ ಆಡುತ್ತಿದ್ದ ವೇಳೆ ನಿವೃತ್ತ ಪೊಲೀಸ್ ಅಧಿಕಾರಿಯ ಕುಟುಂಬಕ್ಕೆ ಸೇರಿದ ಬಾಲಕನ ಕಣ್ಣಿಗೆ ಪೆಟ್ಟಾಗಿದೆ. ಈ ಹಿನ್ನೆಲೆ, ಪೆಟ್ಟು ಮಾಡಿದ ಬಾಲಕನನ್ನು ಕಂಬಕ್ಕೆ ಕಟ್ಟಿಹಾಕಿ, ನಿವೃತ್ತ ಅಧಿಕಾರಿಯು ಹಿಗ್ಗಾಮುಗ್ಗ ಥಳಿಸುತ್ತಿರುವ ವಿಡಿಯೋ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ತಮ್ಮನಿಗೆ ಏನು ಮಾಡಬೇಡಿ ಎಂದು ಅಕ್ಕ ಪರಿ ಪರಿಯಾಗಿ ಬೇಡಿಕೊಂಡರೂ, ಏನು ಪ್ರಯೋಜನವಾಗಿಲ್ಲ.

ಗುರುಗ್ರಾಮ್​ನ ಪೊಲೀಸ್​ ಠಾಣಾ ಪ್ರದೇಶದ ಸೆಕ್ಟರ್ 36 ರಲ್ಲಿ ಈ ಘಟನೆ ನಡೆದಿದೆ.