’ನನ್ನ ರೋಲ್ ಮಾಡೆಲ್ ನಾಥೂರಾಮ್ ಗೋಡ್ಸೆ‘ ಭಾಷಣ ಸ್ಪರ್ಧೆ ಆಯೋಜಿಸಿದ್ದ ಅಧಿಕಾರಿ ಅಮಾನತು

ವಲ್ಸಾದ್ ಜಿಲ್ಲೆಯ ಶಾಲೆಗಳು ನನ್ನ ರೋಲ್ ಮಾಡೆಲ್ ಗೋಡ್ಸೆ ವಿಷಯಕ್ಕೆ ಸಂಬಂಧಿಸಿದಂತೆ 5 -8 ನೇ ತರಗತಿಯ ವಿದ್ಯಾರ್ಥಿಗಳಿಗೆ ಭಾಷಣ ಸ್ಪರ್ಧೆ ಆಯೋಜಿಸಲಾಗಿತ್ತು. ಈ ಸ್ಪರ್ಧೆಯಲ್ಲಿ ಗೆದ್ದ ವಿದ್ಯಾರ್ಥಿಗಳಿಗೆ ಯುವ ಅಭಿವೃದ್ಧಿ ಅಧಿಕಾರಿ ಬಹುಮಾನ ವಿತರಿಸಿದ್ದರು.

ವಲ್ಸಾದ್ (ಗುಜರಾತ್)​ : "ನನ್ನ ರೋಲ್ ಮಾಡೆಲ್ - ನಾಥುರಾಮ್ ಗೋಡ್ಸೆ" (My ideal Nathuram Godse) ಎಂಬ ವಿಷಯದ ಕುರಿತು ಶಾಲಾ ವಿದ್ಯಾರ್ಥಿಗಳಿಗೆ ಭಾಷಣ ಸ್ಪರ್ಧೆ ಆಯೋಜಿಸಿದ್ದಕ್ಕಾಗಿ ಗುಜರಾತ್ ಸರ್ಕಾರವು ವಲ್ಸಾದ್ ಜಿಲ್ಲೆಯ ಯುವ ಅಭಿವೃದ್ಧಿ ಅಧಿಕಾರಿಯನ್ನು ಅಮಾನತುಗೊಳಿಸಿದೆ.

ಬುಧವಾರ ವಲ್ಸಾದ್ ಜಿಲ್ಲೆಯ ಸ್ಥಳೀಯ ಪತ್ರಿಕೆಗಳು "ನನ್ನ ರೋಲ್ ಮಾಡೆಲ್ - ನಾಥುರಾಮ್ ಗೋಡ್ಸೆ" ಎಂಬ ವಿಷಯದ ಕುರಿತು ವಿದ್ಯಾರ್ಥಿನಿಯೊಬ್ಬಳು ಭಾಷಣ ಸ್ಪರ್ಧೆಯಲ್ಲಿ ಗೆದ್ದಿದ್ದಾರೆ ಎಂದು ವರದಿಗಳನ್ನು ಪ್ರಕಟಿಸಿದ ನಂತರ ಈ ವಿಷಯವು ಮುನ್ನೆಲೆಗೆ ಬಂದಿದೆ. ಹಿಗಾಗಿ ಈ ಪ್ರಕರಣ ಸಂಬಂಧ ಗುಜರಾತ್ ಸರ್ಕಾರದ ಯುವಜನ ಸೇವೆಗಳು ಮತ್ತು ಸಾಂಸ್ಕೃತಿಕ ಚಟುವಟಿಕೆಗಳ ಇಲಾಖೆಯು ವಿಚಾರಣೆ ಪ್ರಾರಂಭಿಸಿರುವುದಾಗಿ ತಿಳಿಸಿದೆ.

ವಲ್ಸಾದ್ ಜಿಲ್ಲೆಯ ಶಾಲೆಗಳು ನನ್ನ ರೋಲ್ ಮಾಡೆಲ್ ಗೋಡ್ಸೆ ವಿಷಯಕ್ಕೆ ಸಂಬಂಧಿಸಿದಂತೆ 5 -8 ನೇ ತರಗತಿಯ ವಿದ್ಯಾರ್ಥಿಗಳಿಗೆ ಭಾಷಣ ಸ್ಪರ್ಧೆ ಆಯೋಜಿಸಲಾಗಿತ್ತು. ಈ ಸ್ಪರ್ಧೆಯಲ್ಲಿ ಗೆದ್ದ ವಿದ್ಯಾರ್ಥಿಗಳಿಗೆ ಯುವ ಅಭಿವೃದ್ಧಿ ಅಧಿಕಾರಿ ಬಹುಮಾನ ವಿತರಿಸಿದ್ದರು.

ಗುಜರಾತ್ ಸರ್ಕಾರದ ಯುವಜನ ಸೇವಾ ಮತ್ತು ಸಾಂಸ್ಕೃತಿಕ ಚಟುವಟಿಕೆಗಳ ಇಲಾಖೆಯಡಿ ಜಿಲ್ಲಾ ಮಟ್ಟದ ಬಾಲ ಪ್ರತಿಭಾ ಶೋಧ ಸ್ಪರ್ಧೆ ನಿಮಿತ್ತ ಕುಸುಮ್ ವಿದ್ಯಾಲಯ ಎಂಬ ಶಾಲೆಯಲ್ಲಿ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಈ ಕಾರ್ಯಕ್ರಮ ಆಯೋಜಿಸಲು ಶಾಲೆಯ ಆವರಣ ಮಾತ್ರ ನೀಡಿದ್ದೇವೆ ಶಾಲೆಯ ಯಾರೂ ಅದರಲ್ಲಿ ಭಾಗವಹಿಸಲಿಲ್ಲ ಎಂದು ಶಾಲೆಯ ಅಧಿಕಾರಿಗಳು ತಿಳಿಸಿದ್ದಾರೆ.