ಬಿಜೆಪಿ ಭದ್ರ ಕೋಟೆ ದ್ವಾರಕಾದಲ್ಲಿ ಈ ಬಾರಿಯೂ ಮಾಣೆಕ್​ ಮನ್ನಡೆ.. 35 ವರ್ಷಗಳಿಂದ ಗೆಲುವು!

ಮಾಣಿಕ್​ ಅವರಿಗೆ ಎದುರಾಳಿಯಾಗಿ ಕಾಂಗ್ರೆಸ್​ನಿಂದ ಮಲುಬಾಯಿ ಕಂಡೊರಿಯ ಮತ್ತು ಆಮ್​ ಆದ್ಮಿ ಪಕ್ಷದ ನಕುಮ್​ ಲಕ್ಮನ್​ಬಾಯಿ ಕಣದಲ್ಲಿದ್ದಾರೆ

ಅಹಮದಾಬಾದ್​: ದ್ವಾರಕ ವಿಧಾನಸಭಾ ಕ್ಷೇತ್ರ ಗುಜರಾತ್​​ನ ಬಿಜೆಪಿಯ ಪ್ರಮುಖ ಸುರಕ್ಷಿತ ಸ್ಥಾನಗಳಲ್ಲಿ ಒಂದು. ಈ ಕ್ಷೇತ್ರದಲ್ಲಿ ಬಿಜೆಪಿ ನಾಯಕ ಪಬೂಭಾ ವಿರಂಭ ಮಾಣೆಕ್​ ಮುನ್ನಡೆ ಸಾಧಿಸಿದ್ದಾರೆ. ಕ್ಷೇತ್ರದಲ್ಲಿ ಈಗಾಗಲೇ ತಮ್ಮ ಸ್ಥಾನವನ್ನು ಭದ್ರಮಾಡಿಕೊಂಡಿರುವ ಅವರು, ಈ ಬಾರಿ ಕೂಡ ಗೆಲುವು ಸಾಧಿಸುವ ವಿಶ್ವಾಸವನ್ನು ಹೊಂದಿದ್ದಾರೆ.

ಮಾಣಿಕ್​ ಅವರಿಗೆ ಎದುರಾಳಿಯಾಗಿ ಕಾಂಗ್ರೆಸ್​ನಿಂದ ಮಲುಬಾಯಿ ಕಂಡೊರಿಯ ಮತ್ತು ಆಮ್​ ಆದ್ಮಿ ಪಕ್ಷದ ನಕುಮ್​ ಲಕ್ಮನ್​ಬಾಯಿ ಕಣದಲ್ಲಿದ್ದಾರೆ. ದ್ವಾರಕಾ ತಾಲೂಕಿನ ಎಲ್ಲ ಮೂರು ಜಿಲ್ಲಾ ಪಂಚಾಯಿತಿ ಸ್ಥಾನಗಳಲ್ಲಿ ಬಿಜೆಪಿ ಸದಸ್ಯರು ಆಯ್ಕೆಯಾಗಿದ್ದು, ಪುರಸಭೆಯಲ್ಲಿ ಕೂಡ ಬಿಜೆಪಿ ಆಡಳಿತ ನಡೆಸುತ್ತಿದೆ.

ಪಬುಭಾ ಮಾಣೆಕ್ 1990 ರಲ್ಲಿ ಮೊದಲ ಬಾರಿಗೆ ದ್ವಾರಕಾ ಕ್ಷೇತ್ರದಿಂದ ಶಾಸಕರಾಗಿ ಆಯ್ಕೆಯಾದರು. ಅಂದಿನಿಂದ ಪಬುಭಾ ಈ ಕ್ಷೇತ್ರದಿಂದ ಚುನಾವಣೆಯಲ್ಲಿ ಸೋತಿಲ್ಲ, 1990 ರ ನಂತರ, ಪಬುಭಾ ಮಾಣೆಕ್ 1995 ಮತ್ತು 1998 ರಲ್ಲಿ ಸ್ವತಂತ್ರ ಅಭ್ಯರ್ಥಿಯಾಗಿ ಚುನಾವಣೆಯಲ್ಲಿ ಗೆದ್ದಿದ್ದರು. ನಂತರ 2002 ರಲ್ಲಿ, ಪಬುಭಾ ಮಾಣೆಕ್ ಕಾಂಗ್ರೆಸ್ ಟಿಕೆಟ್​ ಪಡೆದು ಗೆಲುವು ಸಾಧಿಸಿದರು. ಬಿಜೆಪಿ ಸೇರ್ಪಡನೆಗೊಂಡ ಅವರು 2007 ಮತ್ತು 2017ರಲ್ಲೂ ಕೂಡ ತಮ್ಮ ಗೆಲುವಿನ ಓಟ ಮುಂದುವರೆಸಿದ್ದಾರೆ.

ಇದನ್ನೂ ಓದಿ: ಗುಜರಾತ್​ನಲ್ಲಿ ಬಿಜೆಪಿ 135 ರಿಂದ 145 ಸ್ಥಾನ ಗೆಲ್ಲಲಿದೆ: ಭವಿಷ್ಯ ನುಡಿದ ಹಾರ್ದಿಕ್​ ಪಟೇಲ್