ಗುಜರಾತ್ ವಿಧಾನಸಭೆ ಚುನಾವಣೆ: ಬಿಜೆಪಿಯಿಂದ ನಾಲ್ವರು ವೈದ್ಯರು ಸೇರಿ 14 ಮಹಿಳೆಯರಿಗೆ ಟಿಕೆಟ್

ಗುಜರಾತ್ ವಿಧಾನಸಭೆ ಚುನಾವಣೆ 2022ಕ್ಕೆ ಬಿಜೆಪಿ ಅಭ್ಯರ್ಥಿಗಳ ಪಟ್ಟಿಯನ್ನು ಪ್ರಕಟಿಸಿದೆ. ಬಿಜೆಪಿ 160 ಅಭ್ಯರ್ಥಿಗಳ ಹೆಸರನ್ನು ಪ್ರಕಟಿಸಿದ್ದು, ಇದರಲ್ಲಿ 14 ಜನ ಮಹಿಳೆಯರಿದ್ದಾರೆ. ಅವರಲ್ಲಿ ನಾಲ್ವರು ವೈದ್ಯರಾಗಿದ್ದಾರೆ.

ಗಾಂಧಿನಗರ: ಗುಜರಾತ್​ ವಿಧಾನಸಭಾ ಚುನಾವಣೆ ಡಿಸೆಂಬರ್​ನಲ್ಲಿ ನಡೆಯಲಿದ್ದು, ಬಿಜೆಪಿಯಿಂದ 160 ಅಭ್ಯರ್ಥಿಗಳ ಪಟ್ಟಿ ಬಿಡುಗಡೆ ಮಾಡಲಾಗಿದೆ. ಇದರಲ್ಲಿ 14 ಮಹಿಳೆಯರಿಗೆ ಟಿಕೆಟ್​ ನೀಡಲಾಗಿದ್ದು, ನಾಲ್ವರು ವೈದ್ಯ ವೃತ್ತಿಯನ್ನು ಮಾಡುತ್ತಿರುವವರು ಆಗಿದ್ದಾರೆ. 160 ಅಭ್ಯರ್ಥಿಗಳ ಪೈಕಿ 69 ಮಂದಿ ಎರಡು ಬಾರಿ ಶಾಸಕರಾಗಿದ್ದಾರೆ. ಪಕ್ಷದ ಹಿರಿಯ ನಾಯಕರಿಗೆ ಈ ಬಾರಿ ಟಿಕೆಟ್​​ ನೀಡಿಲ್ಲ.

ಬಿಜೆಪಿಯಿಂದ 160 ಅಭ್ಯರ್ಥಿಗಳ ಪಟ್ಟಿ ಬಿಡುಗಡೆ

14 ಮಹಿಳಾ ಅಭ್ಯರ್ಥಿಗಳಿಗೆ ಟಿಕೆಟ್:ಜಡೇಜಾ ಅವರ ಪತ್ನಿ ರಿವಾಬಾ ಜಡೇಜಾ ಅವರಿಗೆ ಟಿಕೆಟ್ ನೀಡಲಾಗಿದೆ. ಗೊಂಡಾಲ್ ಕ್ಷೇತ್ರದಿಂದ ಗೀತಾಬಾ ಜಡೇಜಾ ಸ್ಪರ್ಧಿಸಲಿದ್ದಾರೆ. ಗೊಂಡಾಲ್‌ನಲ್ಲಿ ಟಿಕೆಟ್​ಗಾಗಿ ಬಾರೀ ಪೈಪೋಟಿ ನಡೆಯುತ್ತಿತ್ತು. ಜಯರಾಜ್ ಸಿಂಗ್ ಮತ್ತು ರಿಬ್ಡಾದ ಅನಿರುದ್ಧ್ ಸಿಂಗ್ ತಮ್ಮ ಪುತ್ರರಿಗೆ ಟಿಕೆಟ್ ಕೊಡಿಸಲು ಹರಸಾಹಸ ಪಡುತ್ತಿದ್ದರು. ಕೊನೆಗೆ ಬಿಜೆಪಿ ಗೀತಾಬಾ ಜಡೇಜಾ ಅವರಿಗೆ ಟಿಕೆಟ್​ ನೀಡಿದೆ.

ಬಿಜೆಪಿ ಮಹಿಳಾ ಅಭ್ಯರ್ಥಿಗಳ ಹೆಸರು:

1) ವಡೋದರಾ ನಗರ - ಮನೀಶಾಬೆನ್ ವಕೀಲ್

2) ಬೈದ್ - ಭಿಖಿಬೆನ್ ಪರ್ಮಾರ್

3) ಮೊರ್ವಾ ಹದಾಫ್ - ನಿಮಿಷಾಬೆನ್ ಕಾರ್ಪೆಂಟರ್

4) ಅಸರ್ವಾ - ದರ್ಶನಾಬೆನ್ ವಘೇಲಾ

5) ಗೊಂಡಲ್ - ಗೀತಾಬಾ ಜಡೇಜಾ

6) ಜಾಮ್‌ನಗರ ಉತ್ತರ - ರಿವಾಬಾ ಜಡೇಜಾ

7) ನಂದೋದ್ - ಡಾ. ದರ್ಶನಾಬೆನ್ ದೇಶಮುಖ್

8) ಲಿಂಬಾಯತ್ - ಸಂಗೀತಾಬೆನ್ ಪಾಟೀಲ್

9) ಧವನ್ - ಜಿಗ್ನಾಬೆನ್ ಪಾಂಡ್ಯ

10) ನರೋಡಾ - ಡಾ. ಪೈಲ್ಬೆನ್ ಕುಕ್ರಾಣಿ

11) ಥಕ್ಕರ್ಬಾಪಾ ನಗರ - ಕಾಂಚನ್ಬೆನ್ ರಾಡ್ಡಿಯಾ

12) ರಾಜ್‌ಕೋಟ್ ಗ್ರಾಮಾಂತರ - ಭಾನುಬೆನ್ ಬಾಬ್ರಿಯಾ

13) ರಾಜ್‌ಕೋಟ್ ಪಶ್ಚಿಮ - ಡಾ. ದರ್ಶಿತಾಬೆನ್ ಶಾ

14) ಗಾಂಧಿಧಾಮ್ - ಮಾಲ್ತಿಬೆನ್ ಮಹೇಶ್ವರಿ