ಒಂದೇ ದಿನ ಗುಜರಾತ್​​ನ 19 ಕಡೆ ಲಘು ಭೂಕಂಪ

ಗುಜರಾತ್​ನ ಗಿರ್ ಸೋಮನಾಥ್ ಜಿಲ್ಲೆಯ ಒಟ್ಟು 19 ಪ್ರದೇಶಗಳಲ್ಲಿ ಇಂದು ಲಘು ಭೂಕಂಪ ಸಂಭವಿಸಿದ್ದು, ಯಾವುದೇ ಸಾವು-ನೋವು ಉಂಟಾಗಿಲ್ಲ.

ಗಾಂಧಿನಗರ:ಗುಜರಾತ್​ನ ಗಿರ್ ಸೋಮನಾಥ್ ಜಿಲ್ಲೆಯ ಒಟ್ಟು 19 ಪ್ರದೇಶಗಳಲ್ಲಿ ಇಂದು ಲಘು ಭೂಕಂಪ ಸಂಭವಿಸಿದೆ. ತಡರಾತ್ರಿಯಿಂದ ಇಂದು ಬೆಳಗಿನ ಜಾವದ ವರೆಗೆ ರಿಕ್ಟರ್​ ಮಾಪಕದಲ್ಲಿ 1.7 ರಿಂದ 3.3 ತೀವ್ರತೆಯ ಭೂಕಂಪನ ದಾಖಲಾಗಿದೆ.

ಎರಡು-ಮೂರು ತಿಂಗಳ ಭಾರಿ ಮಳೆಯ ನಂತರ ಗುಜರಾತ್‌ನ ಸೌರಾಷ್ಟ್ರ ಪ್ರದೇಶದ ಕೆಲ ಪ್ರದೇಶಗಳಲ್ಲಿ ಭೂಮಿ ಕಂಪಿಸಿದ ಅನುಭವವಾಗಿದೆ. ಜನರು ಆತಂಕ ಪಡುವ ಅಗತ್ಯವಿಲ್ಲ ಎಂದು ಗಾಂಧಿನಗರ ಮೂಲದ ಭೂಕಂಪನ ಸಂಶೋಧನಾ ಸಂಸ್ಥೆಯ (ಐಎಸ್‌ಆರ್) ನಿರ್ದೇಶಕ ಸುಮರ್ ಚೋಪ್ರಾ ಹೇಳಿದ್ದು, ಇದನ್ನು 'ಮಾನ್ಸೂನ್-ಪ್ರೇರಿತ ಭೂಕಂಪನ' ಎಂದು ಕರೆದಿದ್ದಾರೆ.

ಇದನ್ನೂ ಓದಿ: ವಿಜಯಪುರ ಜಿಲ್ಲೆಯ ಹಲವೆಡೆ ಮತ್ತೆ ಭೂಮಿ ಕಂಪಿಸಿದ ಅನುಭವ!: ಮನೆಯೊಳಗೆ ಕಾಲಿಡದ ಗ್ರಾಮಸ್ಥರು

19 ಸ್ಥಳಗಳ ಪೈಕಿ ಆರು ಕಡೆಗಳಲ್ಲಿ 3ಕ್ಕಿಂತ ಹೆಚ್ಚು ತೀವ್ರತೆಯ ಭೂಕಂಪ ಉಂಟಾಗಿದೆ. ಘಟನೆಯಲ್ಲಿ ಯಾವುದೇ ಸಾವು-ನೋವು ಸಂಭವಿಸಿಲ್ಲ ಎಂದು ಸುಮರ್ ಚೋಪ್ರಾ ಮಾಹಿತಿ ನೀಡಿದ್ದಾರೆ.