ಮದುವೆ ಮನೆಯಿಂದ ನೇರ ಮತಗಟ್ಟೆಗೆ.. ಮತದಾನ ಮಾಡಿ ಗಮನ ಸೆಳೆದ ನವದಂಪತಿ

ಮದುವೆ ಮಂಟಪದಿಂದ ನೇರವಾಗಿ ಚುನಾವಣಾ ಮತಗಟ್ಟೆಗೆ ಆಗಮಿಸಿ ತಮ್ಮ ಹಕ್ಕನ್ನು ಚಲಾಯಿಸಿ ಈ ದಂಪತಿ ಮಾದರಿಯಾಗಿರುವ ಘಟನೆ ದೆಹಲಿಯಲ್ಲಿ ನಡೆದಿದೆ.

ನವದೆಹಲಿ: ರಾಜಧಾನಿ ದೆಹಲಿಯಲ್ಲಿ ಇಂದು ಮುನ್ಸಿಪಲ್ ಚುನಾವಣೆ ನಡೆಯುತ್ತಿದೆ. ಮದುವೆ ಮಂಟಪದಿಂದ ನವಜೋಡಿಯೊಂದು ಮತಗಟ್ಟೆಗೆ ಆಗಮಿಸಿ ತಮ್ಮ ಹಕ್ಕು ಚಲಾಯಿಸುವ ಮೂಲಕ ಗಮನ ಸೆಳೆದಿದ್ದಾರೆ.

ವಾಸ್ತವವಾಗಿ ಸುಧೀರ್ ರಾಣಾ ಎಂಬ ವ್ಯಕ್ತಿ ಉತ್ತರ ಪ್ರದೇಶದ ಬಿಜ್ನೋರ್‌ನಲ್ಲಿ ವಿವಾಹವಾಗಿದ್ದಾರೆ. ನಂತರ ಅವರು ಅವರ ಪತ್ನಿಯೊಂದಿಗೆ ನೇರವಾಗಿ ಮತಗಟ್ಟೆಯನ್ನು ತಲುಪಿ ತಮ್ಮ ಹಕ್ಕನ್ನು ಚಲಾಯಿಸಿದ್ದಾರೆ. ಸುಧೀರ್ ರಾಣಾ ಅವರ ನಿವಾಸ ಬುರಾರಿ ವಿಧಾನಸಭೆ ಕ್ಷೇತ್ರ ವ್ಯಾಪ್ತಿಯಲ್ಲಿದೆ.

ನಂತರ ಈ ಬಗ್ಗೆ ಮಾತನಾಡಿದ ಅವರು, ಮತದಾನ ಪ್ರತಿಯೊಬ್ಬ ನಾಗರಿಕನ ಕರ್ತವ್ಯ. ಇತರ ಕೆಲಸಗಳಂತೆ ಇದು ನಮಗೆ ಅಗತ್ಯವಾಗಿದೆ. ಪ್ರಜಾಪ್ರಭುತ್ವದಲ್ಲಿ ಮತದಾನ ಮಾಡುವುದು ನಿಮ್ಮ ಧ್ವನಿ ಎತ್ತಿದಂತೆ. ನಾವು ಧ್ವನಿ ಎತ್ತದಿದ್ದರೆ ಸರ್ಕಾರವನ್ನು ಹೇಗೆ ಪ್ರಶ್ನಿಸಲು ಸಾಧ್ಯ ಎಂದಿದ್ದಾರೆ.

ಓದಿ:ಮದುವೆ ದಿನ ಮತದಾನ ಮಾಡಿ ಗಮನ ಸೆಳೆದ ಯುವತಿ!