ಟಿಕಾ ಉತ್ಸವ ಆಚರಣೆ ಮಾಡಿರುವ ಕೇಂದ್ರದಿಂದ ಲಸಿಕೆ ನೀಡುವಲ್ಲಿ ವಿಫಲ: ಪ್ರಿಯಾಂಕಾ ವಾಗ್ದಾಳಿ

ದೇಶದಲ್ಲಿ ಹೆಸರಿಗೆ ಮಾತ್ರ ಟಿಕಾ ಉತ್ಸವ ಆಚರಣೆ ಮಾಡಲಾಗಿದ್ದು, ಅನೇಕ ರಾಜ್ಯಗಳಲ್ಲಿ ಕೋವಿಡ್ ಲಸಿಕೆ ಸಮಸ್ಯೆ ಉಲ್ಭಣಗೊಂಡಿದೆ ಎಂದು ಪ್ರಿಯಾಂಕಾ ಟೀಕಿಸಿದ್ದಾರೆ.

ನವದೆಹಲಿ:ದೇಶದಲ್ಲಿ ಏಪ್ರಿಲ್​ 11ರಿಂದ ಏಪ್ರಿಲ್​ 14ರವರೆಗೆ ಟಿಕಾ ಉತ್ಸವ ಆಚರಣೆ ಮಾಡಲಾಗಿದೆ. ಆದರೆ, ಅನೇಕ ರಾಜ್ಯಗಳಿಗೆ ಕೇಂದ್ರ ಸರ್ಕಾರ ಹೆಚ್ಚಿನ ಪ್ರಮಾಣದಲ್ಲಿ ವ್ಯಾಕ್ಸಿನೇಷನ್​ ಪೂರೈಕೆ ಮಾಡುವಲ್ಲಿ ಸಂಪೂರ್ಣವಾಗಿ ವಿಫಲವಾಗಿದೆ ಎಂದು ಪ್ರಿಯಾಂಕಾ ಆಕ್ರೋಶ ಹೊರಹಾಕಿದ್ದಾರೆ.

ವಿವಿಧ ರಾಜ್ಯಗಳಲ್ಲಿ ಕೋವಿಡ್​ ವ್ಯಾಕ್ಸಿನೇಷನ್ ನೀಡಿಕೆ ಕಡಿಮೆಯಾಗುತ್ತಿರುವ ವಿಚಾರವನ್ನ ಮುಂದಿಟ್ಟುಕೊಂಡು ಕಾಂಗ್ರೆಸ್ ನಾಯಕಿ ಪ್ರಿಯಾಂಕಾ ಗಾಂಧಿ ವಾಗ್ದಾಳಿ ನಡೆಸಿದ್ದಾರೆ. ಬಿಜೆಪಿ ನೇತೃತ್ವದ ಸರ್ಕಾರ ಏಪ್ರಿಲ್​ನಲ್ಲಿ ಟಿಕಾ ಉತ್ಸವ ಆಚರಣೆ ಮಾಡಿತು. ಆದರೆ ಕೋವಿಡ್ ವಿರುದ್ಧ ಹೇರಳವಾಗಿ ಲಸಿಕೆ ನೀಡುವಲ್ಲಿ ಸಂಪೂರ್ಣವಾಗಿ ವಿಫಲಗೊಂಡಿದೆ ಎಂದಿದ್ದಾರೆ.

ಭಾರತ ಲಸಿಕೆ ಉತ್ಪಾದನೆ ಮಾಡುವ ಅತಿದೊಡ್ಡ ದೇಶವಾಗಿದೆ. ಆದರೂ ಲಸಿಕೆ ನೀಡುವ ವಿಚಾರದಲ್ಲಿ ಕೇಂದ್ರ ಸರ್ಕಾರ ಸಂಪೂರ್ಣವಾಗಿ ವಿಫಲಗೊಂಡಿದ್ದು, ಕಳೆದ 30 ದಿನಗಳಲ್ಲಿ ವ್ಯಾಕ್ಸಿನೇಷನ್​ ಹಂಚಿಕೆ ಶೇ.82ರಷ್ಟು ಕುಸಿತಗೊಂಡಿದೆ ಎಂದಿದ್ದಾರೆ.

ಟ್ವೀಟ್ ಮೂಲಕ ಇದರ ಮಾಹಿತಿ ಶೇರ್ ಮಾಡಿಕೊಂಡಿರುವ ಪ್ರಿಯಾಂಕಾ, ಏಪ್ರಿಲ್​ 12 ಮತ್ತು ಮೇ 9ರ ಮಧ್ಯೆ ಲಸಿಕೆ ನೀಡಿರುವ ಗ್ರಾಫಿಕ್ಸ್ ಹಂಚಿಕೊಂಡಿದ್ದಾರೆ. ಜನರಿಗೆ ಲಸಿಕೆ ನೀಡುವ ವಿಷಯದಲ್ಲಿ ಭಾರತವು ಯುಎಸ್​, ಯುಕೆ, ಟರ್ಕಿ ಮತ್ತು ಫ್ರಾನ್ಸ್​ನಂತಹ ದೇಶಗಳಿಂದ ಹಿಂದೆ ಇದೆ ಎಂದಿದ್ದಾರೆ. ಮೋದಿ ಲಸಿಕೆ ಉತ್ಪಾದನೆ ಮಾಡುವ ಕಾರ್ಖಾನೆಗಳಿಗೆ ಹೋಗಿ, ಛಾಯಾಚಿತ್ರ ಸಹ ಕ್ಲಿಕ್ ಮಾಡಿಕೊಂಡಿದ್ದಾರೆ. ಆದರೆ ಹೆರಳವಾಗಿ ಲಸಿಕೆ ನೀಡುವುದರಲ್ಲಿ ಸಂಪೂರ್ಣವಾಗಿ ವೈಫಲ್ಯ ಅನುಭವಿಸಿದೆ ಎಂದಿದ್ದಾರೆ.

ಕಳೆದ ಅನೇಕ ವಾರಗಳಿಂದ ವಿವಿಧ ರಾಜ್ಯಗಳು ತಮಗೆ ಹೇರಳವಾಗಿ ಕೋವಿಡ್ ಲಸಿಕೆ ಲಭ್ಯವಾಗುತ್ತಿಲ್ಲ ಎಂಬ ಆಪಾದನೆ ಸಹ ಮಾಡುತ್ತಿದ್ದು, ಇದೇ ವಿಚಾರವನ್ನಿಟ್ಟುಕೊಂಡು ಪ್ರಿಯಾಂಕಾ ಇದೀಗ ವಾಗ್ದಾಳಿ ನಡೆಸಿದ್ದಾರೆ.