ಸಾವಿರ ಕೋಟಿ ಸಾಲ ವಂಚನೆ: ಜಮ್ಮು ಕಾಶ್ಮೀರದಲ್ಲಿ ಎಸಿಬಿ ದಾಳಿ

ಕೋರ್ಟ್​ನಿಂದ ಸರ್ಚ್ ವಾರೆಂಟ್ ಪಡೆದಿರುವ ಎಸಿಬಿ ಜೆಕೆಸಿಹೆಚ್​ಸಿಎಲ್ ಅಧ್ಯಕ್ಷ ಮತ್ತು ಮ್ಯಾನೇಜಿಂಗ್ ಡೈರೆಕ್ಟರ್ ಬ್ರಿಜ್ ಭೂಷಣ್ ಶರ್ಮ ಅವರ ನಿವಾಸಗಳು, ಜೆಕೆಸಿಹೆಚ್​ಸಿಎಲ್ ಕಚೇರಿ ಮತ್ತು ಜೆಕೆ ಹೌಸಿಂಗ್ ಮತ್ತು ಟೂರಿಸಂ ನಿಗಮಗಳ ಮೇಲೆಯೂ ದಾಳಿ ನಡೆಸಿದೆ.

ಜಮ್ಮು:ಒಂದು ಸಾವಿರ ಕೋಟಿ ರೂಪಾಯಿ ಸಾಲ ವಂಚನೆ ಆರೋಪದಲ್ಲಿ ಜಮ್ಮು ಕಾಶ್ಮೀರ ಸಹಕಾರ ವಸತಿ ನಿಗಮ (ಜೆಕೆಸಿಹೆಚ್​ಸಿಎಲ್​​)ಯ ಉನ್ನತಾಧಿಕಾರಿಗಳ ವಿರುದ್ಧ ಭ್ರಷ್ಟಾಚಾರ ನಿಗ್ರಹ ದಳ ಶನಿವಾರ ದೂರು ದಾಖಲಿಸಿಕೊಂಡಿದೆ.

ನಿಗಮ ನಿವೃತ್ತ ಮ್ಯಾನೇಜಿಂಗ್ ಡೈರೆಕ್ಟರ್ ಸೇರಿದಂತೆ ಹಲವರ ಮೇಲೆ ದೂರು ದಾಖಲು ಮಾಡಿಕೊಳ್ಳಲಾಗಿದೆ. ಕೋರ್ಟ್​ನಿಂದ ಸರ್ಚ್ ವಾರೆಂಟ್ ಪಡೆದಿರುವ ಎಸಿಬಿ ಜೆಕೆಸಿಹೆಚ್​ಸಿಎಲ್ ಅಧ್ಯಕ್ಷ ಮತ್ತು ಮ್ಯಾನೇಜಿಂಗ್ ಡೈರೆಕ್ಟರ್ ಬ್ರಿಜ್ ಭೂಷಣ್ ಶರ್ಮ ಅವರ ನಿವಾಸಗಳು, ಜೆಕೆಸಿಹೆಚ್​ಸಿಎಲ್ ಕಚೇರಿ ಮತ್ತು ಜೆಕೆ ಹೌಸಿಂಗ್ ಮತ್ತು ಟೂರಿಸಂ ನಿಗಮಗಳ ಮೇಲೆಯೂ ದಾಳಿ ನಡೆಸಿದೆ.

ಇವುಗಳ ಮೇಲ್ವಿಚಾರಣೆಯನ್ನು ಬ್ರಿಜ್ ಭೂಷಣ್ ಮಾಡುತ್ತಿದ್ದ ಎಂದು ಅಧಿಕಾರಿಗಳು ತಿಳಿಸಿದ್ದು, ದಾಳಿಯ ವೇಳೆ ಪ್ರಮುಖ ವಿಚಾರಗಳು ಬಹಿರಂಗವಾಗಿದ್ದು, ಮತ್ತಷ್ಟು ವಿಚಾರಣೆ ನಡೆಯುತ್ತಿದೆ.

ಜೆಕೆಸಿಹೆಚ್​ಸಿಎಲ್ ವಿರುದ್ಧ ಸಾಮಾನ್ಯ ಆಡಳಿತ ಇಲಾಖೆ ನೀಡಿದ ದೂರಿನ ಅನ್ವಯ ತಪಾಸಣೆ ನಡೆಸಲಾಗಿದೆ. ಈ ಜೆಕೆಸಿಹೆಚ್​ಸಿಎಲ್ 1982ರಲ್ಲಿ ನೊಂದಾಯಿಸಲ್ಪಟ್ಟಿದ್ದು, ಜನತೆಗೆ ವಸತಿಯನ್ನು ಒದಗಿಸಲು ಅಸ್ತಿತ್ವಕ್ಕೆ ಬಂದಿತು.

ಇದನ್ನೂ ಓದಿ:ರಾಕೇಶ್ ಟಿಕಾಯತ್​ಗೆ ಕೊಲೆ ಬೆದರಿಕೆ: ಟೀ ಮಾರಾಟಗಾರನ ಬಂಧನ, ಬಿಡುಗಡೆ

ಜಮ್ಮು ಕಾಶ್ಮೀರದ ಆಡಳಿತವನ್ನು ಗ್ಯಾರಂಟಿಯಾಗಿ ಸರ್ಕಾರಿ ಸ್ವಾಮ್ಯದ ಹುಡ್ಕೊನಿಂದ ಪಡೆದಿದ್ದ 40.63 ಕೋಟಿ ರೂ ಮರುಪಾವತಿಸಲು ಜೆಕೆಸಿಹೆಚ್​ಸಿಎಲ್ ವಿಫಲವಾಗಿತ್ತು. ಈ ಹಣದ 70ರಷ್ಟು ಜಮ್ಮು ಕಾಶ್ಮೀರಕ್ಕೆ ಸರ್ಕಾರಕ್ಕೆ ಸೇರಿದ್ದಾಗಿತ್ತು.

ಸಾಲ ಮರುಪಾವತಿ ಮಾಡದ ಹಿನ್ನೆಲೆಯಲ್ಲಿ 2017 ಹುಡ್ಕೋ ಜಮ್ಮು ಕಾಶ್ಮೀರ ಸರ್ಕಾರದ ವಿರುದ್ಧ ದೂರು ದಾಖಲಿಸಲಾಗಿತ್ತು. ಅಲ್ಲದೇ ಜಮ್ಮು ಕಾಶ್ಮೀರ ಸರ್ಕಾರವನ್ನು ಹುಡ್ಕೊ ಕಪ್ಪು ಪಟ್ಟಿಗೆ ಸೇರಿಸಿತ್ತು.

ತನಿಖೆ ವೇಳೆಯಲ್ಲಿ ಜೆಕೆಸಿಹೆಚ್​ಸಿಎಲ್ ಒಟ್ಟು 27 ರೀತಿಯ ಸಾಲಗಳನ್ನು ಪಡೆದಿರುವುದು ಗೊತ್ತಾಗಿದೆ. ಸಾಲ ಮರುಪಾವತಿ ಕೂಡಾ ಮಾಡದಿರುವುದರಿಂದ ತನಿಖೆ ಮುಂದುವರೆದು ಬ್ಯಾಂಕ್ ಅಧಿಕಾರಿಗಳಿಗೆ ಕಂಟಕವಾಗುವ ಸಾಧ್ಯತೆಯಿದೆ.