ಒಡಿಶಾದ ಕಟಕ್​ನಲ್ಲಿ ಹಳಿ ತಪ್ಪಿದ ಎರಡು ಸರಕು ಸಾಗಣೆ ರೈಲಿನ ವ್ಯಾಗನ್​ಗಳು!

ಒಂದು ಟ್ರ್ಯಾಕ್​ನಿಂದ ಮತ್ತೊಂದು ಟ್ರ್ಯಾಕ್​ಗೆ ಬದಲಾವಣೆ ಆಗುವ ವೇಳೆ ಉಂಟಾದ ಸಮಸ್ಯೆಯಿಂದ ಎರಡು ಸರಕು ಸಾಗಣೆ ರೈಲುಗಳ ವ್ಯಾಗನ್​ಗಳು ಹಳಿ ತಪ್ಪಿರುವ ಘಟನೆ ನಡೆದಿದೆ.

ಕಟಕ್(ಒಡಿಶಾ):ಎರಡು ಸರಕು ಸಾಗಣೆ ರೈಲಿನ ವ್ಯಾಗನ್​ಗಳು ಹಳಿ ತಪ್ಪಿರುವ ಘಟನೆ ಕಟಕ್ ರೈಲು ನಿಲ್ದಾಣದ ಸಮೀಪದಲ್ಲಿ ನಡೆದಿದೆ. ಒಂದು ಟ್ರ್ಯಾಕ್​ನಿಂದ ಮತ್ತೊಂದು ಟ್ರ್ಯಾಕ್​ಗೆ ಬದಲಾವಣೆ ಆಗುವ ವೇಳೆ ಉಂಟಾದ ಸಮಸ್ಯೆಯಿಂದ ವ್ಯಾಗನ್​ಗಳು ಹಳಿ ತಪ್ಪಿವೆ ಎಂದು ತಿಳಿದುಬಂದಿದೆ.

ಮೂಲಗಳ ಪ್ರಕಾರ ಎರಡು ರೈಲಿನ ಮೂರು ವ್ಯಾಗನ್​ಗಳು ಹಳಿ ತಪ್ಪಿದ್ದು, ಅದೃಷ್ಟವಶಾತ್​​ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ. ಆದರೆ, ರೈಲ್ವೆ ಟ್ರ್ಯಾಕ್ ಸಂಪೂರ್ಣವಾಗಿ ಹಾನಿಗೊಳಗಾಗಿದೆ ಎಂದು ತಿಳಿದು ಬಂದಿದ್ದು, ಅದನ್ನು ಸರಿಪಡಿಸುವ ಕಾರ್ಯ ನಡೆಯುತ್ತಿದೆ.

ಒಂದು ರೈಲು ತಲ್ಚೇರ್​ನಿಂದ ಪುರಿಗೆ ತೆರಳುತ್ತಿದ್ದರೆ, ಮತ್ತೊಂದು ರೈಲು ಪುರಿಯಿಂದ ತಲ್ಚೇರ್​​ಗೆ ತೆರಳುತ್ತಿತ್ತು ಎಂದು ತಿಳಿದು ಬಂದಿದೆ. ಈ ಘಟನೆಯಿಂದಾಗಿ ಕೆಲವು ರೈಲುಗಳ ಸಂಚಾರ ಸ್ವಲ್ಪ ಮಟ್ಟಿಗೆ ಏರುಪೇರಾಗಿದೆ ಎಂದು ಖೋರ್ಧಾ ಅಧಿಕಾರ ಕಲ್ಯಾಣ್ ಪಟ್ನಾಯಕ್ ಮಾಹಿತಿ ನೀಡಿದ್ದಾರೆ.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ