Gold Price Today: ಮತ್ತೆ ಏರಿಕೆ ಕಂಡ ಚಿನ್ನ, ಬೆಳ್ಳಿ ಬೆಲೆ

ಈ ವರ್ಷ ಮಾರ್ಚ್​ 31ರಂದು ಚಿನ್ನದ ಬೆಲೆ ಅತ್ಯಂತ ಕಡಿಮೆ ಇತ್ತು. ಅಂದರೆ ಮಾರ್ಚ್ 31ರಂದು 41,100 ರೂಪಾಯಿ ಇದ್ದ ಚಿನ್ನದ ಬೆಲೆ ಈಗ 44,450 ರೂಪಾಯಿಯಾಗಿದೆ.

ನವದೆಹಲಿ: ಚಿನ್ನದ ಬೆಲೆ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿದೆ. ಆಗಸ್ಟ್ 12ರಿಂದ ಚಿನ್ನದ ಬೆಲೆ ಏರಿಕೆಯಾಗುತ್ತಿದ್ದು, ಸುಮಾರು 13 ದಿನಗಳಲ್ಲಿ 10 ಗ್ರಾಮ್​​ 22 ಕ್ಯಾರೆಟ್ ಆಭರಣ ಚಿನ್ನದ ಬೆಲೆ 1,100 ರೂಪಾಯಿಗಳಷ್ಟು ಏರಿಕೆಯಾಗಿದೆ.

ಈ ವರ್ಷ ಮಾರ್ಚ್​ 31ರಂದು ಚಿನ್ನದ ಬೆಲೆ ಅತ್ಯಂತ ಕಡಿಮೆಯಿತ್ತು. ಅಂದರೆ ಮಾರ್ಚ್ 31ರಂದು 41,100 ರೂಪಾಯಿ ಇದ್ದ ಚಿನ್ನದ ಬೆಲೆ ಈಗ 44,450 ರೂಪಾಯಿಯಾಗಿದೆ. ಅಂದರೆ 146 ದಿನಗಳಲ್ಲಿ 3,350 ರೂಪಾಯಿ ಹೆಚ್ಚಾಗಿದೆ.

ಆಭರಣ ತಯಾರಿಕೆಯ ಚಿನ್ನದ ಬೆಲೆ ಇಂದು 10 ಗ್ರಾಮ್​ಗೆ 390 ರೂಪಾಯಿ ಏರಿಕೆಯಾಗಿದ್ದು, ಈಗ ಅದರ ಬೆಲೆ 44,450 ರೂಪಾಯಿಯಷ್ಟಿದೆ. ಮಂಗಳವಾರ 10 ಗ್ರಾಮ್ ಆಭರಣ ಚಿನ್ನದ ಬೆಲೆ 46,260 ರೂಪಾಯಿಯಷ್ಟಿತ್ತು.

ಬೆಂಗಳೂರಿನಲ್ಲಿ ಚಿನ್ನ ಮತ್ತು ಬೆಳ್ಳಿಯ ಬೆಲೆ

ಬೆಳ್ಳಿಯ ಬೆಲೆ ಒಂದು ಕೆಜಿಗೆ ಮಂಗಳವಾರ 62 ಸಾವಿರ ರೂಪಾಯಿ ಇದ್ದು, ಈಗ 800 ರೂಪಾಯಿ ಹೆಚ್ಚಳವಾಗಿದೆ. ಈಗ ಒಂದು ಕೆ.ಜಿ ಬೆಳ್ಳಿಯ ಬೆಲೆ 62,800 ರೂಪಾಯಿ ಇದೆ ಎಂದು ಗುಡ್ ರಿಟರ್ನ್ಸ್​​ ವೆಬ್​ಸೈಟ್ ಹೇಳಿದೆ.

ವಿವಿಧ ನಗರಗಳಲ್ಲಿ 22 ಕ್ಯಾರೆಟ್ ಚಿನ್ನದ ಬೆಲೆ(10 ಗ್ರಾಮ್​ಗೆ)

• ಬೆಂಗಳೂರು- 44,450 ರೂಪಾಯಿ
• ಚೆನ್ನೈ- 44,850 ರೂಪಾಯಿ
• ನವದೆಹಲಿ- 46,600 ರೂಪಾಯಿ
• ಕೋಲ್ಕತಾ- 46,950 ರೂಪಾಯಿ
• ಮುಂಬೈ-46,650 ರೂಪಾಯಿ
• ಹೈದರಾಬಾದ್​- 44,450 ರೂಪಾಯಿ

ಇದನ್ನೂ ಓದಿ:ಮಹಾರಾಷ್ಟ್ರ ಸಿಎಂ ಉದ್ಧವ್ ಠಾಕ್ರೆ ಕಪಾಳಕ್ಕೆ ಹೊಡೆಯುವ ಹೇಳಿಕೆ: ಕೇಂದ್ರ ಸಚಿವರಿಗೆ ಜಾಮೀನು ಮಂಜೂರು