ಅರಳುವ ಮುನ್ನ ಕಮರಿದ ಮೊಗ್ಗು..ತೊಟ್ಟಿಲಿನಿಂದ ಚಹಾದ ಪಾತ್ರೆಗೆ ಬಿದ್ದ ಹಸುಳೆ ಸಾವು

ತೊಟ್ಟಿಲಿನಿಂದ ಕೆಳಗಿದ್ದ ಚಹಾದ ಪಾತ್ರೆಗೆ ಬಿದ್ದ 1 ವರ್ಷದ ಹಸುಳೆ ಮೃತಪಟ್ಟ ಹೃದಯವಿದ್ರಾವಕ ಘಟನೆ ಮಹಾರಾಷ್ಟ್ರದಲ್ಲಿ ನಡೆದಿದೆ. ಈ ಬಗ್ಗೆ ದೂರು ದಾಖಲಾಗಿದ್ದು, ತನಿಖೆ ನಡೆಯುತ್ತಿದೆ.

ಧುಲೆ, ಮಹಾರಾಷ್ಟ್ರ:ತೊಟ್ಟಿಲಲ್ಲಿ ಮಲಗಿದ್ದ ಮಗುವೊಂದು ಅಲ್ಲಿಂದ ಉರುಳಿ ಕೆಳಗಿದ್ದ ಬಿಸಿ ಚಹಾದ ಪಾತ್ರೆಗೆ ಬಿದ್ದು ತೀವ್ರವಾಗಿ ಸುಟ್ಟು ಗಾಯಗೊಂಡು ಮೃತಪಟ್ಟಿದೆ. ಈ ಮನಕಲುಕುವ ಘಟನೆ ಮಹಾರಾಷ್ಟ್ರದ ಧುಲೆಯಲ್ಲಿ ಇಂದು ನಡೆದಿದೆ.

1 ವರ್ಷದ ಹೆಣ್ಣು ಮಗು ಮೃತಪಟ್ಟ ದುರ್ದೈವಿ. ಮನೆಯಲ್ಲಿ ತೊಟ್ಟಿಲು ಕಟ್ಟಿ ಮಗುವನ್ನು ಮಲಗಿಸಲಾಗಿತ್ತು. ತೊಟ್ಟಿಲ ಅಡಿಯಿದ್ದ ಬಿಸಿ ಚಹಾದ ಪಾತ್ರೆಯಲ್ಲಿ ಮಗು ಉರುಳಿ ಬಿದ್ದಿದೆ. ಇದರಿಂದ ಹಸುಳೆಯ ಮೃದು ದೇಹ ಚಹಾದ ಬಿಸಿಗೆ ಸುಟ್ಟು ಹೋಗಿದೆ. ಇದನ್ನು ಕಂಡವರು ತಕ್ಷಣವೇ ಮಗುವನ್ನು ಸರ್ಕಾರಿ ವೈದ್ಯಕೀಯ ಕಾಲೇಜು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಆದರೆ, ತೀವ್ರ ಸುಟ್ಟು ಗಾಯಗೊಂಡಿದ್ದ ಹಸುಳೆ ಚಿಕಿತ್ಸೆ ವೇಳೆ ಮೃತಪಟ್ಟಿದೆ.

ಬಾಲಕಿಯ ಸಾವು ಆಕಸ್ಮಿಕ ಎಂದು ಶಿಂಡಖೇಡ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ಆದರೆ, ಇದು ಆ ಪ್ರದೇಶದಲ್ಲಿ ಆಕ್ರೋಶಕ್ಕೆ ಕಾರಣವಾಗಿದೆ. ಮಗು ತಾನಾಗಿಯೇ ಚಹಾದ ಪಾತ್ರೆಗೆ ಬಿದ್ದಿದ್ದೆಯೇ ಅಥವಾ ಏನು ಕಾರಣ ಎಂಬ ಬಗ್ಗೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

ಓದಿ:ಅನಾರೋಗ್ಯ ಪೀಡಿತ ಪ್ರಾಣಿಗಳಿಗೆ ಮನೆಯಲ್ಲೇ ಆರೈಕೆ.. ಮೂಕ ಜೀವಿಗಳ ರಕ್ಷಕಿ ಈ ರೈತ ಕುಟುಂಬದ ನಿಧಿ..