ಗ್ಯಾಂಗ್​ಮನ್​ ಸಮಯಪ್ರಜ್ಞೆಯಿಂದ ತಪ್ಪಿತು ಭಾರಿ ರೈಲು ದುರಂತ

ಗ್ಯಾಂಗ್​ಮನ್​ ಸಮಯಪ್ರಜ್ಞೆಯಿಂದ ಸಂಭವಿಸಬೇಕಾಗಿದ್ದ ದೊಡ್ಡ ಅಪಘಾತವೊಂದು ತಪ್ಪಿರುವ ಘಟನೆ ಬಿಹಾರದ ಬೇಗುಸರಾಯ್ ಜಿಲ್ಲೆಯಲ್ಲಿ ಕಂಡು ಬಂದಿದೆ.

ಬೇಗುಸರಾಯ್(ಬಿಹಾರ್)​:ಜಿಲ್ಲೆಯಲ್ಲಿ ಸಂಭವಿಸಲಿದ್ದ ಭಾರಿ ರೈಲು ಅಪಘಾತವೊಂದು ಗ್ಯಾಂಗ್​ಮನ್​ ಸಮಯಪ್ರಜ್ಞೆಯಿಂದ ತಪ್ಪಿದೆ. ರೈಲು ಹಳಿ ಬೇರ್ಪಟ್ಟಿರುವುದನ್ನು ಗ್ಯಾಂಗ್​ಮನ್​ ಗಮನಿಸಿ ಎದುರಿನಿಂದ ಬರುತ್ತಿದ್ದ ಸೂಪರ್‌ಫಾಸ್ಟ್ ರೈಲಿಗೆ ಕೆಂಪು ಧ್ವಜ ತೋರಿಸುವ ಮೂಲಕ ನಿಲ್ಲಿಸಿದ್ದಾರೆ ಎಂದು ತಿಳಿದುಬಂದಿದೆ.

ಹಳಿ ದುರಸ್ತಿ ಕಾರ್ಯದ ಬಳಿಕ ತೆರಳಿದ ರೈಲು

ವೈಶಾಲಿ ಸೂಪರ್‌ಫಾಸ್ಟ್ ರೈಲು ಈ ಹಳಿಯ ಮೂಲಕ ಹಾದು ಹೋಗುತ್ತಿತ್ತು. ಬರೌನಿ-ಕತಿಹಾರ್ ರೈಲ್ವೆ ವಿಭಾಗದ ಲಖೋ ಮತ್ತು ದನೌಲಿ ಫುಲ್ವಾರಿಯಾ ನಿಲ್ದಾಣದ ಮಧ್ಯ ಟ್ರ್ಯಾಕ್ ಕಂಬ ಸಂಖ್ಯೆ 155 ರ ಬಳಿ ಸುಮಾರು 10 ಇಂಚುಗಳಷ್ಟು ಹಳಿ ಬೇರ್ಪಟ್ಟಿತ್ತು. ಇದನ್ನು ಗ್ಯಾಂಗ್​ಮನ್ ಗಮನಿಸಿದ್ದಾರೆ. ಇದೇ ವೇಳೆ ವೈಶಾಲಿ ಸೂಪರ್‌ಫಾಸ್ಟ್ ರೈಲು ಎದುರುಗಡೆಯಿಂದ ಬರುತ್ತಿತ್ತು. ಆಗ ಗ್ಯಾಂಗ್​ಮನ್​ ಕೆಂಪು ಬಾವುಟ ತೋರಿಸಿ ರೈಲನ್ನು ನಿಲ್ಲಿಸುವಂತೆ ಸೂಚಿಸಿದ್ದಾರೆ. ಗ್ಯಾಂಗ್​ಮನ್​ ಸೂಚನೆ ಮೇರೆಗೆ ಲೋಕೊ ಪೈಲಟ್​ ರೈಲನ್ನು ನಿಲ್ಲಿಸಿದ್ದಾರೆ.

ರೈಲು ಹಳಿ ವಿರೂಪಗೊಂಡಿರುವುದರ ಬಗ್ಗೆ ಗಮನಿಸುತ್ತಿರುವ ಅಧಿಕಾರಿ

ರೈಲು ಹಳಿ ದುರಸ್ತಿ ಕಾರ್ಯ

ಇದಾದ ನಂತರ ರೈಲ್ವೆ ಹಳಿ ಬೇರ್ಪಟ್ಟಿರುವ ಬಗ್ಗೆ ಗ್ಯಾಂಗ್​ಮನ್​ ಹಿರಿಯ ಅಧಿಕಾರಿಗಳಿಗೆ ಮಾಹಿತಿ ನೀಡಿದರು. ಮಾಹಿತಿ ತಿಳಿದ ಕೂಡಲೇ ಸ್ಥಳಕ್ಕಾಗಮಿಸಿದ ಅಧಿಕಾರಿಗಳು ದುರಸ್ತಿ ಕಾರ್ಯ ಆರಂಭಿಸಿದರು. ದುರಸ್ತಿ ಕಾರ್ಯದ ಬಳಿಕ ರೈಲು ಒಂದು ಗಂಟೆ ತಡವಾಗಿ ಸಂಚರಿಸಿತು.

ಓದಿ:ಹುಬ್ಬಳ್ಳಿ: ಚಲಿಸುತ್ತಿದ್ದ ರೈಲಿನಲ್ಲಿ ಆಂಧ್ರ ವ್ಯಕ್ತಿಯ ಬರ್ಬರ ಹತ್ಯೆ... ದುಷ್ಕರ್ಮಿಗಳು ಎಸ್ಕೇಪ್