ನವದೆಹಲಿ:ಉಕ್ರೇನ್ ಬಿಕ್ಕಟ್ಟಿನ ಬಗ್ಗೆ ಉಲ್ಲೇಖಿಸಿರುವ ಕಾರಣ ವಾರಾಣಸಿಯಲ್ಲಿ ನಡೆದ ಜಿ 20 ನಾಯಕರ ಸಭೆಯ ಸಾಮಾನ್ಯ ಫಲಿತಾಂಶದ ದಾಖಲೆಯಿಂದ ರಷ್ಯಾ ತನ್ನನ್ನು ತಾನು ಬೇರ್ಪಡಿಸಿಕೊಂಡಿದೆ. ಚೀನಾ ಕೂಡ ಸಭೆಯ ಫಲಿತಾಂಶವು ಉಕ್ರೇನ್ ಬಿಕ್ಕಟ್ಟಿನ ಬಗ್ಗೆ ಯಾವುದೇ ಉಲ್ಲೇಖವನ್ನು ಒಳಗೊಂಡಿರಬಾರದು ಎಂದು ಹೇಳಿದೆ.
ಜಿ 20 ನಾಯಕರ ಸಭೆ ಸೋಮವಾರ ವಿದೇಶಾಂಗ ಸಚಿವ ಡಾ. ಎಸ್.ಜೈಶಂಕರ್ ಅವರ ಅಧ್ಯಕ್ಷತೆಯಲ್ಲಿ ವಾರಾಣಸಿಯಲ್ಲಿ ನಡೆಯಿತು. ಸುಮಾರು 200 ವಿದೇಶಿ ಪ್ರತಿನಿಧಿಗಳು ಸಭೆಯಲ್ಲಿ ಭಾಗವಹಿಸಿದ್ದರು. ಅಂತಾರಾಷ್ಟ್ರೀಯ ಕಾನೂನು ಮತ್ತು ಶಾಂತಿ ಮತ್ತು ಸ್ಥಿರತೆ ಕಾಪಾಡುವ ಬಹುಪಕ್ಷೀಯ ವ್ಯವಸ್ಥೆಯನ್ನು ಎತ್ತಿಹಿಡಿಯುವುದು ಅತ್ಯಗತ್ಯ ಎಂದು ಫಲಿತಾಂಶದ ದಾಖಲೆಯು ಹೇಳಿದೆ. "ಇದು ವಿಶ್ವಸಂಸ್ಥೆಯ ಚಾರ್ಟರ್‌ನಲ್ಲಿ ಪ್ರತಿಪಾದಿಸಲಾದ ಎಲ್ಲಾ ಉದ್ದೇಶಗಳು ಮತ್ತು ತತ್ವಗಳನ್ನು ರಕ್ಷಿಸುವುದು ಮತ್ತು ಸಶಸ್ತ್ರ ಸಂಘರ್ಷಗಳಲ್ಲಿ ನಾಗರಿಕರ ರಕ್ಷಣೆ ಮತ್ತು ಮೂಲಸೌಕರ್ಯ ಸೇರಿದಂತೆ ಅಂತಾರಾಷ್ಟ್ರೀಯ ಮಾನವೀಯ ಕಾನೂನಿಗೆ ಬದ್ಧವಾಗಿರುವುದನ್ನು ಒಳಗೊಂಡಿದೆ".
ನಿರ್ಣಯದಲ್ಲಿ ಏನೇನಿದೆ?:'14 ಪ್ಯಾರಾಗಳನ್ನು ಒಳಗೊಂಡಿರುವ ಸಾಮಾನ್ಯ ಫಲಿತಾಂಶದ ದಾಖಲೆಯು 'ಎಲ್ಲಾ G 20 ನಾಯಕರು ಪ್ಯಾರಾಗ್ರಾಫ್ 1 ರಿಂದ 9 ಮತ್ತು ಪ್ಯಾರಾಗ್ರಾಫ್ 12 ರಿಂದ 14 ಕ್ಕೆ ಒಪ್ಪಿಕೊಂಡಿದ್ದಾರೆ' ಎಂಬ ಟಿಪ್ಪಣಿಯೊಂದಿಗೆ ಬಿಡುಗಡೆಯಾಯಿತು. ಇದಲ್ಲದೇ ಡಾಕ್ಯುಮೆಂಟ್‌ನ ಅಡಿ ಟಿಪ್ಪಣಿಯು 'ರಷ್ಯಾ ಈ ಸ್ಥಿತಿಯಿಂದ ತನ್ನನ್ನು ತಾನು ಬೇರ್ಪಡಿಸಿಕೊಂಡಿದೆ.
ಡಾಕ್ಯುಮೆಂಟ್‌ನ ಪ್ಯಾರಾ 10 ಮತ್ತು 11ರಲ್ಲಿ ಉಕ್ರೇನ್ ಬಿಕ್ಕಟ್ಟಿನ ಬಗ್ಗೆ ಉಲ್ಲೇಖಿಸಲಾಗಿದೆ. ಉಕ್ರೇನ್‌ನಲ್ಲಿನ ಯುದ್ಧವು ಜಾಗತಿಕ ಆರ್ಥಿಕತೆಯ ಮೇಲೆ ಮತ್ತಷ್ಟು ಪ್ರತಿಕೂಲ ಪರಿಣಾಮ ಬೀರಿದೆ ಎಂಬ ವಿಷಯದ ಬಗ್ಗೆ ಚರ್ಚೆ ನಡಸಲಾಯಿತು. ಅಮೆರಿಕ ಸೆಕ್ಯುರಿಟಿ ಕೌನ್ಸಿಲ್ ಮತ್ತು ಅಮೆರಿಕನ್ ಜನರಲ್ ಅಸೆಂಬ್ಲಿ ಸೇರಿದಂತೆ ಇತರ ವೇದಿಕೆಗಳಲ್ಲಿ ವ್ಯಕ್ತಪಡಿಸಿದಂತೆ ನಾವು ನಮ್ಮ ರಾಷ್ಟ್ರೀಯ ನಿಲುವುಗಳನ್ನು ಪುನರುಚ್ಚರಿಸಿದ್ದೇವೆ.