ಕಾಪ್ಟರ್ ದುರಂತದಲ್ಲಿ ಹುತಾತ್ಮರಾದ ನಾಯಕ್ ಗುರುಸೇವಕ್ ಸಿಂಗ್​​ಗೆ ನೋವಿನ ವಿದಾಯ..

ಇಂದು ಬೆಳಗ್ಗೆ ಅವರ ಪಾರ್ಥಿವ ಶರೀರವನ್ನು ಅಮೃತಸರದ ವಾಯುನೆಲೆಯಿಂದ ಗ್ರಾಮಕ್ಕೆ ತಂದು ಅಂತಿಮ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿತ್ತು. ಸಹಸ್ರಾರು ಜನರ ಕಣ್ಣಲ್ಲಿ ನೀರು ತುಂಬಿದ್ದನ್ನು ಕಂಡ ಗುರುಸೇವಕ್ ಸಿಂಗ್​​ರ ಪುತ್ರಿಯರು ಮತ್ತಷ್ಟು ಭಾವುಕರಾದರು..

ತಾರ್ನ್ ತರಣ್​ (ಪಂಜಾಬ್​):ಕೂನೂರು ಹೆಲಿಕಾಪ್ಟರ್ ಅಪಘಾತದಲ್ಲಿ ಹುತಾತ್ಮರಾದ ನಾಯಕ್ ಗುರುಸೇವಕ್ ಸಿಂಗ್​​ (35) ಅಂತ್ಯಕ್ರಿಯೆ ಇಂದು ಸಂಜೆ ಅವರ ಸ್ವಗ್ರಾಮವಾದ ಪಂಜಾಬ್​ನ ತಾರ್ನ್ ತರಣ್​ ಜಿಲ್ಲೆಯ ದೋದೆ ಸೋಧಿಯಾನ್​ ಗ್ರಾಮದಲ್ಲಿ ನೆರವೇರಿದೆ.

ಇಂದು ಬೆಳಗ್ಗೆ ಅವರ ಪಾರ್ಥಿವ ಶರೀರವನ್ನು ಅಮೃತಸರದ ವಾಯುನೆಲೆಯಿಂದ ಗ್ರಾಮಕ್ಕೆ ತಂದು ಅಂತಿಮ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿತ್ತು. ಸಹಸ್ರಾರು ಜನರ ಕಣ್ಣಲ್ಲಿ ನೀರು ತುಂಬಿದ್ದನ್ನು ಕಂಡ ಗುರುಸೇವಕ್ ಸಿಂಗ್​​ರ ಪುತ್ರಿಯರು ಮತ್ತಷ್ಟು ಭಾವುಕರಾದರು. ಸಕಲ ಸೇನಾ ಗೌರವಗಳೊಂದಿಗೆ ಸಿಂಗ್​ರ ಅಂತಿಮ ವಿಧಿ-ವಿಧಾನಗಳನ್ನು ನಡೆಸಲಾಯಿತು.

ಇದನ್ನೂ ಓದಿ: Helicopter tragedy : ಹರ್ಜಿಂದರ್ ಸಿಂಗ್​ರ ಅಂತ್ಯಕ್ರಿಯೆ ನೆರವೇರಿಸಿದ ಪುತ್ರಿಗೆ ರಕ್ಷಣಾ ಸಚಿವರಿಂದ ಸಾಂತ್ವನ

ಕೂನೂರು ಹೆಲಿಕಾಪ್ಟರ್​ ಅಪಘಾತ :ಡಿಸೆಂಬರ್ 8ರಂದು ತಮಿಳುನಾಡಿನ ಕೂನೂರಿನಲ್ಲಿ ಕಾಪ್ಟರ್ ಪತನಗೊಂಡು ಸೇನಾ ಪಡೆಗಳ ಮುಖ್ಯಸ್ಥ ಬಿಪಿನ್​ ರಾವತ್, ಅವರ ಪತ್ನಿ ಮಧುಲಿಕಾ ಹಾಗೂ ಇತರ 11 ಮಂದಿ ಸೇನಾ ಸಿಬ್ಬಂದಿ ಹುತಾತ್ಮರಾಗಿದ್ದರು.