ಬೆಳ್ಳಂಬೆಳಗ್ಗೆ ಗುಂಡಿನ ಚಕಮಕಿ: ನಾಲ್ವರು ಉಗ್ರರನ್ನು ಹೊಡೆದುರುಳಿಸಿದ ಸೇನೆ

09:00 November 19

07:42 November 19

ಕಾಶ್ಮೀರದ ನಾಗ್ರೋಟಾದಲ್ಲಿ ಬೆಳ್ಳಂಬೆಳಗ್ಗೆ ನಾಲ್ವರು ಭಯೋತ್ಪಾದಕರನ್ನು ಯೋಧರು ಸದೆಬಡಿದಿದ್ದಾರೆ. ಉಗ್ರರ ಬೇಟೆಗೆ ಎನ್​ಕೌಂಟರ್​ ಮುಂದುವರೆದಿದೆ.

ಜಮ್ಮು: ಶ್ರೀನಗರದ ರಾಷ್ಟ್ರೀಯ ಹೆದ್ದಾರಿಯಲ್ಲಿನ ನಿಷೇಧಿತ ಪ್ರದೇಶ ನಾಗ್ರೋಟಾದ ಟೋಲ್ ಪ್ಲಾಜಾ ಬಳಿ ಬೆಳಗ್ಗೆ 5 ಗಂಟೆ ಸುಮಾರಿಗೆ ಉಗ್ರರು ಮತ್ತು ಭದ್ರತಾ ಪಡೆಗಳ ನಡುವೆ ಗುಂಡಿನ ಚಕಮಕಿ ನಡೆದಿದ್ದು, 4 ಉಗ್ರರನ್ನು ಸೇನೆ ಸದೆಬಡಿದಿದೆ. 

ಬೆಳಗ್ಗೆ 5 ಗಂಟೆ ಸುಮಾರಿಗೆ ಕೆಲವು ಭಯೋತ್ಪಾದಕರು ನಾಗ್ರೋಟಾದ ಟೋಲ್ ಪ್ಲಾಜಾ ಬಳಿ ಇದ್ದ ಭದ್ರತಾ ಪಡೆಗಳ ಮೇಲೆ ಗುಂಡು ಹಾರಿಸಿದರು. ಅವರು ವಾಹನದಲ್ಲಿ ಅಡಗಿ ಕುಳಿತಿದ್ದರು ಎಂದು ಜಮ್ಮು ಜಿಲ್ಲಾ ಪೊಲೀಸ್ ಮುಖ್ಯಸ್ಥ ಎಸ್‌ಎಸ್‌ಪಿ ಶ್ರೀಧರ್ ಪಾಟೀಲ್ ತಿಳಿಸಿದರು.  

ಸಿಆರ್​ಪಿಎಫ್ ವಕ್ತಾರ ಶಿವನಂದನ್ ಸಿಂಗ್ ಮಾತನಾಡಿ, ಜನವರಿ 31 ರಂದು ಬಾನ್ ಟೋಲ್ ಪ್ಲಾಜಾದಲ್ಲಿ ಪೊಲೀಸ್ ಮತ್ತು ಸಿಆರ್​​ಪಿಎಫ್​​​ ಜಂಟಿ ಪಾರ್ಟಿಯಲ್ಲಿ ಭಯೋತ್ಪಾದಕರ ಗುಂಪೊಂದು ಗುಂಡು ಹಾರಿಸಿದ ಘಟನೆಯನ್ನು ನೆನಪಿಸಿಕೊಂಡರು. ಅವರು ಬಹುಶಃ ವಾಹನದಲ್ಲಿ ಬಂದಿದ್ದರು ಎಂದು ಹೇಳಿದರು.

ಸದ್ಯ ನಾಲ್ವರು ಉಗ್ರರನ್ನು ಸೈನಿಕರು ಬೇಟೆಯಾಡಿದ್ದು, ಕಾರ್ಯಾಚರಣೆ ಮುಂದುವರೆದಿದೆ.