ತ್ರಿಶೂರ್‌ನಲ್ಲಿ ಆನೆ ದಾಳಿ: 5 ವರ್ಷದ ಬಾಲಕಿ ಬಲಿ

ಕೇರಳದ ತ್ರಿಶೂರ್ ಜಿಲ್ಲೆಯಲ್ಲಿ ಕನ್ನಂಕುಜಿ ಎಂಬಲ್ಲಿ ಐದು ವರ್ಷದ ಬಾಲಕಿಯೊಬ್ಬಳು ಕಾಡಾನೆ ದಾಳಿಗೆ ಬಲಿಯಾದ ಘಟನೆ ನಡೆದಿದೆ.

ತ್ರಿಶೂರ್(ಕೇರಳ): ಕಾಡಾನೆ ದಾಳಿಗೆ ಐದು ವರ್ಷದ ಬಾಲಕಿ ಸಾವನ್ನಪ್ಪಿರುವ ಘಟನೆ ಕೇರಳದ ತ್ರಿಶೂರ್ ಜಿಲ್ಲೆಯಲ್ಲಿ ಕನ್ನಂಕುಜಿಯಲ್ಲಿ ನಡೆದಿದೆ.

ಪುತ್ತಂಚಿರಾ ಮೂಲದ ನಿಖಿಲ್ ಎಂಬುವವರ ಪುತ್ರಿ ಅಗ್ನಿಮಿ ಮೃತ ಬಾಲಕಿ. ಸೋಮವಾರ ಸಂಜೆ 6.30ರ ಸುಮಾರಿಗೆ ಕನ್ನಂಕುಜಿಯ ಮನೆಯ ಬಳಿ ಈ ಘಟನೆ ನಡೆದಿದೆ.

ಕಾಡಾನೆಯನ್ನು ಕಂಡ ಮನೆಯವರು ಸ್ಥಳದಿಂದ ಓಡಿ ಹೋಗಲು ಯತ್ನಿಸಿದ್ದಾರೆ. ಈ ವೇಳೆ ಬಾಲಕಿಯನ್ನು ಆನೆ ತುಳಿದಿದೆ. ಘಟನೆಯಲ್ಲಿ ಬಾಲಕಿಯ ತಂದೆ ನಿಖಿಲ್ ಮತ್ತು ಅಜ್ಜ ಜಯನ್ ಗಾಯಗೊಂಡಿದ್ದಾರೆ. ತಕ್ಷಣ ಸ್ಥಳೀಯರು ಮೂವರನ್ನು ಚಾಲಕುಡಿ ಸೇಂಟ್ ಜೇಮ್ಸ್ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಆದರೆ ಮಾರ್ಗಮಧ್ಯೆ ಬಾಲಕಿ ಸಾವನ್ನಪ್ಪಿದ್ದಾಳೆ ಎನ್ನಲಾಗ್ತಿದೆ.

ಇದನ್ನೂ ಓದಿ:ಹಿಜಾಬ್​ ವಿವಾದ: ರಾಜಕೀಯ ಪಕ್ಷಗಳಿಂದ 2023ರ ಚುನಾವಣೆಗೆ ಲಾಭ ಪಡೆದುಕೊಳ್ಳುವ ಉದ್ದೇಶ: ಮಾಜಿ ಪ್ರಧಾನಿ