ನವದೆಹಲಿ:ಸ್ಕಾಟ್ಲೆಂಡ್ ಸಂಸದರಾದ ಮೊದಲ ಭಾರತೀಯರು ಎಂಬ ಹೆಗ್ಗಳಿಕೆಗೆ ಪಾಮ್ ಗೋಸಲ್ ಹಾಗೂ ಡಾ.ಸಂದೇಶ್ ಪ್ರಕಾಶ್ ಗುಲ್ಹಾನೆ ಪಾತ್ರರಾಗಿದ್ದಾರೆ.
ಪಾಮ್ ಗೋಸಲ್, ಇವರು ಸ್ಕಾಟ್ಲೆಂಡ್ನ ಭಾರತೀಯ ಮೂಲದ ಮೊದಲ 'ಮಹಿಳಾ ಹಾಗೂ ಸಿಖ್' ಸಂಸದೆಯಾಗಿದ್ದಾರೆ. ಅಲ್ಲದೇ ಸ್ಕಾಟ್ಲೆಂಡ್ ಸಂಸತ್ತಿಗೆ ಆಯ್ಕೆಯಾದ ಇಬ್ಬರೇ ಮಹಿಳಾ ಸಂಸದರು - ಪಾಕಿಸ್ತಾನ ಮೂಲದ ಕೌಕಾಬ್ ಸ್ಟೀವರ್ಟ್ ಹಾಗೂ ಪಾಮ್ ಗೋಸಲ್ ಆಗಿದ್ದಾರೆ.
ಡಾ.ಸಂದೇಶ್ ಪ್ರಕಾಶ್, ಇವರು ಸ್ಕಾಟ್ಲೆಂಡ್ ಸಂಸದನಾದ ಭಾರತೀಯ ಮೂಲದ ಮೊದಲ ಪುರುಷ ಹಾಗೂ ವೈದ್ಯರಾಗಿದ್ದಾರೆ. ಮಹಾರಾಷ್ಟ್ರದ ಅಮರಾವತಿಯಲ್ಲಿ ಸಂದೇಶ್ರ ಪೋಷಕರು ವಾಸಿಸುತ್ತಿದ್ದಾರೆ. ಕೋವಿಡ್ ಸಾಂಕ್ರಾಮಿಕದ ಸಮಯದಲ್ಲಿ ಸಂದೇಶ್ ವೈದ್ಯನಾಗಿ ಸ್ಕಾಟ್ಲೆಂಡ್ನಲ್ಲಿ ರೋಗಿಗಳ ಸೇವೆ ಸಲ್ಲಿಸಿದ್ದರು.
ಗೋಸಲ್ ಹಾಗೂ ಗುಲ್ಹಾನೆ ಇಬ್ಬರೂ ತಮ್ಮ ಟ್ವಿಟರ್ ಖಾತೆಯಲ್ಲಿ ತಾವು ಸಂಸದರಾದ ಸುದ್ದಿಯನ್ನು ಹಂಚಿಕೊಡು, ಹೆಮ್ಮೆ-ಸಂತಸ ವ್ಯಕ್ತಪಡಿಸಿದ್ದಾರೆ.
