ಅಮೃತಸರ (ಪಂಜಾಬ್): ಗ್ಯಾಂಗ್ಸ್ಟರ್ ಜಗ್ಗು ಭಗವಾನ್ ಪುರಿಯಾ ಸಹಚರರು ಮತ್ತು ಪೊಲೀಸರ ನಡುವೆ ಗುಂಡಿನ ಚಕಮಕಿ ನಡೆದಿರುವ ಘಟನೆ ಜಂಡಿಯಾಲಗುರು ಬಳಿ ನಡೆದಿದೆ. ಈ ವೇಳೆ, ಇಬ್ಬರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ. ಬಂಧಿತರನ್ನು ಗುರ್ಭಾಜ್ ಅಲಿಯಾಸ್ ಬಾಬಾ, ಶಂಶೇರ್ ಸಿಂಗ್ ಅಲಿಯಾಸ್ ಕರಣ್ ಎಂದು ಗುರುತಿಸಲಾಗಿದೆ. ಬಂಧಿತರಿಂದ 2 ಕೆಜಿ ಹೆರಾಯಿನ್ ಮತ್ತು 30 ಬೋರ್ ಪಿಸ್ತೂಲ್ ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ಪೊಲೀಸರು ಮತ್ತು ಗ್ಯಾಂಗ್ಸ್ಟರ್ ನಡುವೆ ಗುಂಡಿನ ಚಕಮಕಿ
ಈ ಬಗ್ಗೆ ಮಾಹಿತಿ ನೀಡಿರುವ ಎಸ್‌ಪಿಡಿ ಜುಗರಾಜ್ ಸಿಂಗ್, ಜಂಡಿಯಾಲಗುರು ಬಳಿ ಪೊಲೀಸರು ರಸ್ತೆ ತಡೆ ಮಾಡಿದ್ದರು. ಈ ಸಂದರ್ಭದಲ್ಲಿ ದ್ವಿಚಕ್ರಗಳನ್ನು ಚಲಾಯಿಸುತ್ತಾ ಬಂದ ಇಬ್ಬರು ಯುವಕರಲ್ಲಿ ಬೈಕ್ ನಿಲ್ಲಿಸಲು ಸೂಚಿಸಿದ್ದಾರೆ. ಆದರೆ, ಈ ಯುವಕರು ಬೈಕ್ ನಿಲ್ಲಿಸದೇ ಪೊಲೀಸರ ಮೇಲೆ ಗುಂಡು ಹಾರಿಸಿ ದೇವಿ ದಾಸ್ ಪುರದ ಕಡೆ ಪರಾರಿಯಾಗಿದೆ.