ಮಹಿಳಾ ಕೋಚ್​ಗೆ​ ಲೈಂಗಿಕ ಕಿರುಕುಳ ಆರೋಪ : ಎಸ್‌ಐಟಿಯಿಂದ ಸಚಿವ ಸಂದೀಪ್ ಸಿಂಗ್ ವಿಚಾರಣೆ

ಹರಿಯಾಣದ ಮಹಿಳಾ ಅಥ್ಲೆಟಿಕ್ಸ್ ಕೋಚ್‌ಗೆ ಸಚಿವ ಸಂದೀಪ್ ಸಿಂಗ್ ಲೈಂಗಿಕ ಕಿರುಕುಳ ಆರೋಪ- ಚಂಡೀಗಢ ಪೊಲೀಸ್ ವಿಶೇಷ ತನಿಖಾ ತಂಡದಿಂದ ತನಿಖೆ- ಸಂತ್ರಸ್ತ ಮಹಿಳಾ ಕೋಚ್ ಹೇಳಿಕೆ ಮ್ಯಾಜಿಸ್ಟ್ರೇಟ್ ಮುಂದೆ ದಾಖಲು

ಚಂಡೀಗಢ : ಹರಿಯಾಣದ ಮಹಿಳಾ ಅಥ್ಲೆಟಿಕ್ಸ್ ಕೋಚ್‌ಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪ ಹೊತ್ತಿರುವ ಹರಿಯಾಣ ಕ್ರೀಡಾ ಸಚಿವ ಸಂದೀಪ್ ಸಿಂಗ್ ಅವರ ಸೆಕ್ಟರ್ 7ರ ನಿವಾಸಕ್ಕೆ ಚಂಡೀಗಢ ಪೊಲೀಸ್ ವಿಶೇಷ ತನಿಖಾ ತಂಡ (ಎಸ್‌ಐಟಿ) ವಿಚಾರಣೆಗಾಗಿ ಬುಧವಾರ ಬೆಳಗ್ಗೆ ತಲುಪಿದೆ. ಡಿಎಸ್ಪಿ ಪಾಲಕ್ ಗೋಯಲ್ ಅಧ್ಯಕ್ಷತೆಯಲ್ಲಿ ಎಸ್‌ಐಟಿ ತಂಡವನ್ನು ರಚಿಸಲಾಗಿದೆ. ಸಚಿವ ಸಂದೀಪ್ ಸಿಂಗ್ ಬಳಿ ಸಂತ್ರಸ್ತೆ ಮಹಿಳಾ ಕೋಚ್ ಕೂಡ ಕರೆತರಲಾಗಿದ್ದು, ಈಗಾಗಲೇ ಸಂದೀಪ್ ಸಿಂಗ್ ಮನೆಯಲ್ಲಿ ಎಸ್‌ಐಟಿ ತಂಡ ಬೀಡುಬಿಟ್ಟಿದೆ.

ಸಂತ್ರಸ್ತೆ ಮಹಿಳಾ ಕೋಚ್‌ನ ವಕೀಲರಾದ ದೀಪಾಂಶು ಬನ್ಸಾಲ್ ಅವರ ಪ್ರಕಾರ ಐಪಿಸಿ ಸೆಕ್ಷನ್​ 354, 354ಎ, 354ಬಿ, 342 ಮತ್ತು 506 ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ. ಇದರ ಅಡಿಯಲ್ಲಿ ಸಂದೀಪ್ ಸಿಂಗ್​ ಅವರನ್ನು ಇಷ್ಟೊತ್ತಿಗೆ ಬಂಧಿಸಬೇಕಿತ್ತು. ಎಲ್ಲೋ ಚಂಡೀಗಢ ಪೊಲೀಸರು ಈ ವಿಷಯದಲ್ಲಿ ಇನ್ನೂ ಸಕ್ರಿಯರಾಗಿ ಕಂಡುಬಂದಿಲ್ಲ ಎಂದು ಅರೋಪಿಸಿದ್ದಾರೆ. ಇದೀಗ ಮಹಿಳಾ ಕೋಚ್ ಅನ್ನು ನಿವಾಸಕ್ಕೆ ಕರೆತರಲಾಗಿದ್ದು, ಏಕೆಂದರೆ ಯಾವುದೇ ಘಟನೆ ನಡೆದರೂ, ದೃಶ್ಯವನ್ನು ಎಲ್ಲಿ ಮರುಸೃಷ್ಟಿಸಲಾಗುತ್ತದೆ, ಆ ಎಲ್ಲಾ ಘಟನೆಗಳು ಸಚಿವ ಸಂದೀಪ್ ಸಿಂಗ್ ನಿವಾಸದಲ್ಲಿ ನಡೆದಿವೆ.

ಎಸ್‌ಐಟಿ ತಂಡವು ಸಂತ್ರಸ್ತೆ ಮಹಿಳಾ ಕೋಚ್‌ ಮತ್ತು ಸಚಿವ ಸಂದೀಪ್​ ಸಿಂಗ್​ ಮುಖಾಮುಖಿ ಕುಳಿತು ಇಬ್ಬರನ್ನೂ ವಿಚಾರಣೆ ನಡೆಸಲಿದೆ ಎಂದು ಅವರ ವಕೀಲರು ತಿಳಿಸಿದ್ದಾರೆ. ಇದರೊಂದಿಗೆ ಈ ಪ್ರಕರಣದಲ್ಲೂ 376 ಮತ್ತು 511 ಸೆಕ್ಷನ್‌ಗಳನ್ನು ವಿಧಿಸುವಂತೆ ಪೊಲೀಸರ ಮೇಲೆ ಒತ್ತಡ ಹೇರುವುದಾಗಿ ಮತ್ತು ಅಗತ್ಯವಿದ್ದರೆ ನ್ಯಾಯಾಲಯದ ಮೊರೆ ಹೋಗುವುದಾಗಿ ವಕೀಲರು ಹೇಳಿದ್ದರು. ಇದಕ್ಕೂ ಮುನ್ನ ಚಂಡೀಗಢ ಪೊಲೀಸರು ಸಚಿವ ಸಂದೀಪ್ ಸಿಂಗ್ ಅವರ ನಿವಾಸದ ಹೊರಗೆ ಬ್ಯಾರಿಕೇಡ್​ ಹಾಕಿ ಭದ್ರತೆಯನ್ನು ಬಿಗಿಗೊಳಿಸಿದ್ದರು.

ಸೆಕ್ಟರ್ -26 ಚಂಡೀಗಢ ಪೊಲೀಸ್​ ಠಾಣೆಯ ಸ್ಟೇಷನ್ ಹೌಸ್ ಆಫೀಸರ್​(ಎಸ್‌ಎಚ್‌ಒ) ತನ್ನ ತಂಡದೊಂದಿಗೆ ಸಂದೀಪ್ ಸಿಂಗ್ ಅವರ ಮನೆಗೆ ಹೋಗಿದ್ದರು. ಈ ಸಮಯದಲ್ಲಿ ಎಸ್‌ಎಚ್‌ಒ, ಸಂದೀಪ್ ಸಿಂಗ್‌ಗೆ ಎಸ್‌ಐಟಿ ಮುಂದೆ ಹಾಜರಾಗುವಂತೆ ನೋಟಿಸ್ ನೀಡಲು ಬಂದಿದ್ದರು ಎಂದು ಹೇಳಲಾಗಿದೆ. ಎಸ್‌ಎಚ್‌ಒ ಮತ್ತು ಸಂದೀಪ್ ಸಿಂಗ್ 5 ನಿಮಿಷಗಳ ನಂತರ ಮಾಧ್ಯಮಗಳೊಂದಿಗೆ ಮಾತನಾಡದೆ ಮನೆಯಿಂದ ನಿರ್ಗಮಿಸಿದರು.

ಇದಕ್ಕೂ ಮುನ್ನ ಬುಧವಾರ ಬೆಳಗ್ಗೆ, ಚಂಡೀಗಢ ಜಿಲ್ಲಾ ನ್ಯಾಯಾಲಯದಲ್ಲಿ ಸೆಕ್ಷನ್ 164 ಅಡಿಯಲ್ಲಿ ಮಹಿಳಾ ಕೋಚ್ ಹೇಳಿಕೆಗಳನ್ನು ಮ್ಯಾಜಿಸ್ಟ್ರೇಟ್ ಮುಂದೆ ದಾಖಲಿಸಲಾಗಿದೆ. ಇದಕ್ಕೂ ಮುಂಚೆ ಮಂಗಳವಾರ, ಎಸ್‌ಐಟಿ ತಂಡವು ಸೆಕ್ಟರ್ 26 ಪೊಲೀಸ್ ಠಾಣೆಯಲ್ಲಿ ಸೆಕ್ಷನ್ 164 ರ ಅಡಿಯಲ್ಲಿ ಮಹಿಳಾ ಕೋಚ್‌ನ ಹೇಳಿಕೆಯನ್ನು ದಾಖಲಿಸಿತ್ತು. ಇದರೊಂದಿಗೆ ಮಹಿಳಾ ಕೋಚ್ ಪೊಲೀಸರಿಗೆ ಲಿಖಿತವಾಗಿ ವಿಷಯಕ್ಕೆ ಸಂಬಂಧಿಸಿದ ಎಲ್ಲಾ ಮಾಹಿತಿಯನ್ನು ನೀಡಿದ್ದರು. ಅದೇ ವೇಳೆ ಸಂತ್ರಸ್ತೆ ಮಹಿಳಾ ಕೋಚ್ ಪ್ರಕರಣಕ್ಕೆ ಸಂಬಂಧಿಸಿದ ದಾಖಲೆಗಳನ್ನು ಮತ್ತು ತನ್ನ ಫೋನ್​ಅನ್ನು ಪೊಲೀಸರಿಗೆ ಸಲ್ಲಿಸಿದ್ದರು.

ಘಟನೆ ಹಿನ್ನೆಲೆ :ಹರಿಯಾಣದ ಕ್ರೀಡಾ ಸಚಿವ ಹಾಗೂ ಭಾರತ ತಂಡದ ಮಾಜಿ ಹಾಕಿ ಆಟಗಾರನಾದ ಸಂದೀಪ್​ ಸಿಂಗ್​, ರಾಷ್ಟ್ರೀಯ ಅಥ್ಲೀಟ್​ ಮತ್ತು ಜೂನಿಯರ್​ ಮಹಿಳಾ ಕೋಚ್​ವೊಬ್ಬರನ್ನು ಇನ್​ಸ್ಟಾಗ್ರಾಮ್​ ಮೂಲಕ ಸಂಪರ್ಕಿಸಿದ್ದರು. ಇದಾದ ಬಳಿಕ ಮಹಿಳಾ ಕೋಚ್​ನನ್ನು ಸಂದೀಪ್​ ಸಿಂಗ್​ ತಮ್ಮ ನಿವಾಸಕ್ಕೆ ಕರೆಸಿ ಲೈಂಗಿಕ ಕಿರುಕುಳ ನೀಡಿದ್ದರು ಎಂಬ ಆರೋಪ ಪ್ರಕರಣ ಇದಾಗಿದೆ. ಈ ಕುರಿತು ತನಿಖೆ ಮುಂದುವರಿದಿದೆ.

ಓದಿ :ಲೈಂಗಿಕ ಕಿರುಕುಳ ಆರೋಪ: ಹರಿಯಾಣ ಕ್ರೀಡಾ ಸಚಿವ ಸಂದೀಪ್ ಸಿಂಗ್ ವಿರುದ್ಧ FIR