ಲಸಿಕೆ ಹಾಕಿಸಿಕೊಂಡರೆ ಸಾಯುತ್ತೇನೆಂದು ಪೊದೆಯೊಳಗೆ ಅಡಗಿ ಕುಳಿತ ವೃದ್ಧೆ!

ಕೊರೊನಾ ವ್ಯಾಕ್ಸಿನ್​ ಪಡೆದುಕೊಳ್ಳಲು ಗ್ರಾಮೀಣ ಭಾಗದ ಜನರು ಹಿಂದೇಟು ಹಾಕುತ್ತಿರುವ ಘಟನೆ ನಡೆಯುತ್ತಿದ್ದು, ಸದ್ಯ ಅಂತಹದೊಂದು ಪ್ರಕರಣ ರಾಜಸ್ಥಾನದಲ್ಲಿ ಬೆಳಕಿಗೆ ಬಂದಿದೆ.

ಚಿತ್ತೋರಗಢ(ರಾಜಸ್ಥಾನ):ಕೋವಿಡ್​ ವ್ಯಾಕ್ಸಿನ್ ಹಾಕಿಸಿಕೊಳ್ಳಲು ಹಿಂದಿನಿಂದಲೂ ಕೆಲವರು ಹಿಂದೇಟು ಹಾಕುತ್ತಿರುವ ಘಟನೆ ನಡೆಯುತ್ತಿವೆ. ಸದ್ಯ ಅಂತಹದೊಂದು ಪ್ರಕರಣ ರಾಜಸ್ಥಾನದಲ್ಲಿ ನಡೆದಿದೆ.

ಗ್ರಾಮೀಣ ಭಾಗದಲ್ಲಿ ಕೊರೊನಾ ವ್ಯಾಕ್ಸಿನೇಷನ್​ ಬಗ್ಗೆ ವಿಚಿತ್ರ ಭಯ ಶುರುವಾಗಿದ್ದು, ಅದೇ ಕಾರಣಕ್ಕಾಗಿ ಕೆಲವರು ಲಸಿಕೆ ಪಡೆದುಕೊಳ್ಳಲು ಹಿಂದೇಟು ಹಾಕುತ್ತಿದ್ದಾರೆ. ಸದ್ಯ ರಾಜಸ್ಥಾನದ ಚಿತ್ತೋರಗಢದಲ್ಲಿ ವೃದ್ಧೆಯೋರ್ವರು ಭಯದಿಂದ ಪೊದೆಯೊಳಗೆ ಅಡಗಿ ಕುಳಿತಿರುವ ಘಟನೆ ನಡೆದಿದೆ.

ವ್ಯಾಕ್ಸಿನ್​ ನೀಡಲು ವೈದ್ಯಾಧಿಕಾರಿಗಳು ಗ್ರಾಮಕ್ಕೆ ಬರುತ್ತಿದ್ದಂತೆ ಗಾಬರಿಗೊಂಡ ವೃದ್ಧೆ ಕಾಡಿನತ್ತ ಹೋಗಿ ಪೊದೆಯೊಳಗೆ ಅಡಗಿ ಕುಳಿತ್ತಿದ್ದಾರೆ. ಅಲ್ಲಿಗೆ ತೆರಳಿದ ಕೆಲವರು ವೃದ್ಧೆಯನ್ನ ಹೊರಗಡೆ ಕರೆದುಕೊಂಡು ಬರಲು ಮುಂದಾಗಿದ್ದಾರೆ. ಈ ವೇಳೆ ಎರಡು ಕೈ ಮುಗಿದು ಲಸಿಕೆ ಹಾಕದಂತೆ ಮನವಿ ಮಾಡಿದ್ದಾರೆ.

ಲಸಿಕೆ ಪಡೆದರೆ ಸಾಯುತ್ತೇನೆಂಬ ಭಯ!

ಕೋವಿಡ್ ಲಸಿಕೆ ಪಡೆದುಕೊಂಡರೆ ಸಾವನ್ನಪ್ಪುತ್ತೇನೆ ಎಂಬ ಭಯವೇ ವೃದ್ಧೆ ಈ ರೀತಿ ನಡೆದುಕೊಳ್ಳಲು ಕಾರಣವಾಗಿದೆ. ನನಗೆ ಲಸಿಕೆ ಹಾಕಬೇಡಿ. ಲಸಿಕೆ ಪಡೆದರೆ ನಾನು ಸಾಯುತ್ತೇನೆಂದು ವೃದ್ಧೆ ಕೈಮುಗಿದು ಅಳಲು ತೊಡಿಕೊಂಡಿದ್ದಾಳೆ.