ಸುನ್ನಿ ಇಸ್ಲಾಮಿಕ್​ ವಿದ್ವಾಂಸ ಮೌಲಾನಾ ವಾಲಿ ರಹಮಾನಿ ಇನ್ನಿಲ್ಲ..

ಕಳೆದ ಒಂದು ವಾರದಿಂದ ತೀವ್ರ ಅನಾರೋಗ್ಯದಿಂದ ಬಳಲುತ್ತಿದ್ದ ಸುನ್ನಿ ಇಸ್ಲಾಮಿಕ್​ ವಿದ್ವಾಂಸ ಮೌಲಾನಾ ವಾಲಿ ರಹಮಾನಿ ಇಂದು ಕೊನೆಯುಸಿರೆಳೆದಿದ್ದಾರೆ.

ನವದೆಹಲಿ: ಕಳೆದ ಒಂದು ವಾರದಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ ಭಾರತದ ಸುನ್ನಿ ಇಸ್ಲಾಮಿಕ್​ ವಿದ್ವಾಂಸ, ಶಿಕ್ಷಣ ತಜ್ಞ ಹಾಗೂ ರಹಮಾನಿ ಸ್ಥಾಪಕ ಮೌಲಾನಾ ವಾಲಿ ನಿಧನರಾಗಿದ್ದಾರೆ.

1943ರ ಜೂನ್​ 5ರಂದು ಜನಸಿದ್ದ ಅವರು, ಅಖಿಲ ಭಾರತ ಮುಸ್ಲಿಂ ವೈಯಕ್ತಿಕ ಕಾನೂನು ಮಂಡಳಿಯ ಪ್ರಧಾನ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸಿದ್ದಾರೆ. ಮೌಲಾನಾ ಇಸ್ಲಾಮಿಕ್ ವಿದ್ವಾಂಸರಾಗಿದ್ದು, 1991ರಲ್ಲಿ ಇವರ ತಂದೆ ಸಯ್ಯದ್​ ಮಿನತುಲ್ಲಾ ಮರಣದ ನಂತರ ಸಜ್ಜಾದ ನಾಶಿನ್​ನ ಮುಖಸ್ಥರಾಗಿ ಕಾರ್ಯ ನಿರ್ವಹಿಸುತ್ತಿದ್ದರು.

ವಿಶೇಷವೆಂದರೆ 1974ರಿಂದ 1996ರವರೆಗೆ ಬಿಹಾರ ವಿಧಾನ ಪರಿಷತ್ತಿನ ಸದಸ್ಯರಾಗಿ ಸೇವೆ ಸಲ್ಲಿಸಿರುವ ಇವರು, ಹಿರಿಯ ಮುಸ್ಲಿಂ ಧಾರ್ಮಿಕ ಶಿಕ್ಷಕರು ಎಂದು ಗುರುತಿಸಿಕೊಂಡಿದ್ದರು. ಕಳೆದ ವಾರ ಇವರ ಆರೋಗ್ಯದಲ್ಲಿ ಏರುಪೇರು ಕಂಡು ಬಂದ ಕಾರಣ ಪಾಟ್ನಾದ ಪ್ಯಾರಾಸ್​ ಆಸ್ಪತ್ರೆಯ ಐಸಿಯುನಲ್ಲಿ ದಾಖಲು ಮಾಡಲಾಗಿತ್ತು. ಇದೀಗ ಚಿಕಿತ್ಸೆ ಫಲಕಾರಿಯಾಗದೇ ಸಾವನ್ನಪ್ಪಿದ್ದಾರೆ.

ಇದಕ್ಕೆ ಸಂಬಂಧಿಸಿದಂತೆ ಅಖಿಲ ಭಾರತ ಮುಸ್ಲಿಂ ವೈಯಕ್ತಿಕ ಕಾನೂನು ಮಂಡಳಿ ಟ್ವಿಟರ್​​ನಲ್ಲಿ ಮಾಹಿತಿ ನೀಡಿದೆ.