ಹೊಂಡಕ್ಕೆ ಬಿದ್ದ ಗಜರಾಜ.. ಮೂರು ಗಂಟೆಗಳ ಕಾರ್ಯಾಚರಣೆ ನಡೆಸಿ ರಕ್ಷಣೆ!

ಊರು ಹೊರಗಿನ ಹೊಂಡದಲ್ಲಿ ಬಿದ್ದ ಆನೆಯನ್ನ ರಕ್ಷಣೆ ಮಾಡುವಲ್ಲಿ ಅಗ್ನಿಶಾಮಕದ ದಳದ ಸಿಬ್ಬಂದಿ ಯಶಸ್ವಿಯಾಗಿದ್ದು, ಅದಕ್ಕೋಸ್ಕರ 3 ಗಂಟೆಗಳ ಕಾಲ ಕಾರ್ಯಾಚರಣೆ ನಡೆಸಲಾಗಿದೆ.

ಧೆಂಕನಲ್​​(ಒಡಿಶಾ):ಹೊಂಡದಲ್ಲಿ ಬಿದ್ದ ಆನೆವೊಂದನ್ನ ಬರೋಬ್ಬರಿ ಮೂರು ಗಂಟೆಗಳ ಕಾಲ ರಕ್ಷಣಾ ಕಾರ್ಯಾಚರಣೆ ನಡೆಸಿ, ರಕ್ಷಣೆ ಮಾಡಿರುವ ಘಟನೆ ಒಡಿಶಾದ ಧೆಂಕನಲ್​ನಲ್ಲಿ ನಡೆದಿದೆ.

ಇಲ್ಲಿನ ಹಿಂದೋಲ್​​ ಅರಣ್ಯ ಪ್ರದೇಶದ ಖಾಲಿಬೋರಿ ಪ್ರದೇಶದಲ್ಲಿ ಈ ಘಟನೆ ನಡೆದಿದ್ದು, ನೀರು ತುಂಬಿದ್ದ ಹೊಂಡಕ್ಕೆ ಆನೆ ಬಿದ್ದಿರುವ ಕಾರಣ, ಮೇಲೆ ಬರಲು ಸಾಧ್ಯವಾಗದೇ ಕಷ್ಟಪಟ್ಟಿದೆ. ಈ ವೇಳೆ ಗ್ರಾಮಸ್ಥರು ಅರಣ್ಯಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕಾಗಮಿಸಿರುವ ಅಗ್ನಿಶಾಮಕದ ದಳದ ಸಿಬ್ಬಂದಿ, ಮೂರು ಗಂಟೆಗಳ ಕಾಲ ರಕ್ಷಣಾ ಕಾರ್ಯಾಚರಣೆ ನಡೆಸಿ, ಅದನ್ನ ಸುರಕ್ಷಿತವಾಗಿ ಹೊರಗೆ ತಗೆದಿದ್ದಾರೆ.

ಹೊಂಡದಿಂದ ಆನೆಯನ್ನ ಹೊರಗೆ ತಗೆದ ನಂತರ, ಅರಣ್ಯ ಪ್ರದೇಶಕ್ಕೆ ಬಿಡಲಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.