ಮುಂಬೈ (ಮಹಾರಾಷ್ಟ್ರ):ನಗರ ಮೂಲದ ರಿಯಾಲಿಟಿ ಗ್ರೂಪ್ ಓಂಕರ್ ರಿಯಲ್ಟರ್ಸ್ ಮತ್ತು ಡೆವಲಪರ್ಸ್ ವಿರುದ್ಧದ ಅಕ್ರಮ ಹಣ ವರ್ಗಾವಣೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜಾರಿ ನಿರ್ದೇಶನಾಲಯ ಉದ್ಯಮಿಯೊಬ್ಬರನ್ನು ಬಂಧಿಸಿದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.
ಪ್ರಕರಣಕ್ಕೆ ಸಂಬಂಧಿಸಿದಂತೆ ಉದ್ಯಮಿ ಸಚಿನ್ ಜೋಶಿ ಅವರನ್ನು ಮನಿ ಲಾಂಡರಿಂಗ್ ತಡೆ ಕಾಯ್ದೆಯ (ಪಿಎಂಎಲ್‌ಎ) ವಿವಿಧ ಸೆಕ್ಷನ್‌ಗಳ ಅಡಿ ನಿನ್ನೆ ಬಂಧಿಸಲಾಗಿದೆ.
ಸಚಿನ್ ಜೋಶಿ ಓರ್ವ ನಟ ಮತ್ತು ಜೆಎಂಜೆ ವ್ಯವಹಾರ ಗುಂಪಿನ ಪ್ರವರ್ತಕ ಎಂದು ಹೇಳಲಾಗಿದೆ. ರಿಯಲ್ಟರ್ಸ್ ಗುಂಪಿನೊಂದಿಗಿನ ಅವರ ಪಾತ್ರ ಮತ್ತು ಸಂಪರ್ಕಗಳನ್ನು ಪರಿಶೀಲಿಸಲಾಗುತ್ತಿದೆ.
ಸಚಿನ್ ಜೋಶಿ ಇಂದು ಸ್ಥಳೀಯ ನ್ಯಾಯಾಲಯಕ್ಕೆ ಹಾಜರುಪಡಿಸುವ ನಿರೀಕ್ಷೆಯಿದೆ. ಅಲ್ಲಿ ಜಾರಿ ನಿರ್ದೇಶನಾಲಯ (ಇಡಿ) ಅವರನ್ನು ವಿಚಾರಣೆಗಾಗಿ ಕಸ್ಟಡಿಗೆ ನೀಡಲು ಕೋರ್ಟ್ಗೆ ಮನವಿ ಸಲ್ಲಿಸಲಿದೆ.
ಇದನ್ನೂ ಓದಿ:ವಿರುಧುನಗರ್ ಪಟಾಕಿ ದುರಂತ: ಸಾವಿನ ಸಂಖ್ಯೆ 20ಕ್ಕೆ ಏರಿಕೆ
ಕೇಂದ್ರ ತನಿಖಾ ಸಂಸ್ಥೆ ಕಳೆದ ತಿಂಗಳು ಓಂಕರ್ ರಿಯಲ್ಟರ್ಸ್ ಮತ್ತು ಡೆವಲಪರ್ಸ್‌ನ ಅಧ್ಯಕ್ಷರಾದ ಕಮಲ್‌ಕಿಶೋರ್ ಗುಪ್ತಾ ಮತ್ತು ಎಂಡಿ ಬಾಬುಲಾಲ್ ವರ್ಮಾ ಅವರನ್ನು ದಾಳಿ ವೇಳೆ ಬಂಧಿಸಿತ್ತು.
ಪಿಎಂಎಲ್‌ಎ ಪ್ರಕರಣವು ಮುಂಬೈನ ವಸತಿ ಸಮಾಜದ ಅಭಿವೃದ್ಧಿಯಲ್ಲಿ ಎಸ್‌ಆರ್‌ಎ (ಕೊಳೆಗೇರಿ ಪುನರ್ವಸತಿ ಪ್ರಾಧಿಕಾರ) ಯೋಜನೆಯ ಅನುಷ್ಠಾನದಲ್ಲಿ ನಡೆದ ಅಕ್ರಮಗಳಿಗೆ ಸಂಬಂಧಿಸಿದೆ. ಕಂಪನಿ ಮತ್ತು ಇಬ್ಬರು ಅಧಿಕಾರಿಗಳು ಯೆಸ್ ಬ್ಯಾಂಕಿನಿಂದ 400 ಕೋಟಿ ರೂ.ಗಳ ಸಾಲದ ಆರೋಪವನ್ನು ಎದುರಿಸುತ್ತಿದ್ದಾರೆ.
ಔರಂಗಾಬಾದ್ (ಮಹಾರಾಷ್ಟ್ರ) ಜಿಲ್ಲಾ ಪೊಲೀಸರ ಎಫ್‌ಐಆರ್ ಅಧ್ಯಯನ ಮಾಡಿದ ನಂತರ ಇಡಿ ಪ್ರಕರಣ ದಾಖಲಿಸಲಾಗಿದ್ದು, ಐಪಿಸಿಯ ವಿವಿಧ ವಿಭಾಗಗಳ ಅಡಿ ಮೋಸ ಮತ್ತು ಅಪರಾಧ ಉಲ್ಲಂಘನೆ ಮುಂತಾದ ಪ್ರಕರಣಗಳಲ್ಲಿ ದಾಖಲಾಗಿದೆ ಎಂದು ಸಂಸ್ಥೆ ಈ ಹಿಂದೆ ತಿಳಿಸಿದೆ.
