ಅಣ್ಣಾಥೆ ಸಿನಿಮಾಗಾಗಿ ರಜನಿ ಅಭಿಮಾನಿಯಿಂದ 1 ರೂಪಾಯಿಗೆ 1 ದೋಸೆ!

ತಮಿಳುನಾಡಿನ ತಿರುಚ್ಚಿಯಲ್ಲಿ ಹೋಟೆಲ್​ ನಡೆಸುತ್ತಿರುವ ಕರ್ಣನ್​ ಎಂಬುವರು ಸೂಪರ್​ಸ್ಟಾರ್​ ರಜನಿಕಾಂತ್​ ಅವರ ಅಪ್ಪಟ ಅಭಿಮಾನಿ. ರಜನಿಕಾಂತ್​ ಅವರ ಅಣ್ಣಾಥೆ ಸಿನಿಮಾ ಬಿಡುಗಡೆ ಹಿನ್ನೆಲೆ ತಮ್ಮ ಹೋಟೆಲ್​ಗೆ ಬರುವ ಗ್ರಾಹಕರಿಗೆ 1 ರೂಪಾಯಿಗೆ ದೋಸೆಯನ್ನು ನೀಡಿ ಅಣ್ಣಾಥೆ ಸಿನಿಮಾ ನೋಡಿ ಎಂದು ಮನವಿ ಮಾಡುತ್ತಿದ್ದಾರೆ.

ಚೆನ್ನೈ(ತಮಿಳುನಾಡು):ಅಭಿಮಾನ ಅಂದ್ರೇನೆ ಹಾಗೆ. ಅದಕ್ಕೆ ಎಲ್ಲೆ ಇರಲ್ಲ. ತಮ್ಮ ನೆಚ್ಚಿನ ನಟನ ಮೇಲಿನ ಅಭಿಮಾನವನ್ನು ತೋರ್ಪಡಿಸಲು ಫ್ಯಾನ್ಸ್​ ಏನೇನೊ ಹರಸಾಹಸ ಮಾಡುತ್ತಾರೆ. ಇಲ್ಲೊಬ್ಬ ಅಭಿಮಾನಿ ತನ್ನ ನೆಚ್ಚಿನ ನಟನ ಸಿನಿಮಾ ಬಿಡುಗಡೆ ಹಿನ್ನೆಲೆ ತಾನು ನಡೆಸುವ ಹೋಟೆಲ್​ನಲ್ಲಿ 1 ರೂಪಾಯಿಗೆ ಒಂದು ದೋಸೆ ಮಾರಿ ಅಭಿಮಾನ ಮೆರೆದಿದ್ದಾರೆ.

ತಮಿಳುನಾಡಿನ ತಿರುಚ್ಚಿಯಲ್ಲಿ ಹೋಟೆಲ್​ ನಡೆಸುತ್ತಿರುವ ಕರ್ಣನ್​ ಎಂಬುವವರು ಸೂಪರ್​ಸ್ಟಾರ್​ ರಜನಿಕಾಂತ್​ ಅವರ ಅಪ್ಪಟ ಅಭಿಮಾನಿ. ರಜನಿಕಾಂತ್​ ಅವರ ಅಣ್ಣಾಥೆ ಸಿನಿಮಾ ಬಿಡುಗಡೆ ಹಿನ್ನೆಲೆ ತಮ್ಮ ಹೋಟೆಲ್​ಗೆ ಬರುವ ಗ್ರಾಹಕರಿಗೆ 1 ರೂಪಾಯಿಗೆ ದೋಸೆಯನ್ನು ನೀಡಿ ಅಣ್ಣಾಥೆ ಸಿನಿಮಾ ನೋಡಿ ಎಂದು ಮನವಿ ಮಾಡುತ್ತಿದ್ದಾರೆ.

ಅಲ್ಲದೇ, ಅವರ ಹೋಟೆಲ್​ಗೂ ರಜನಿಕಾಂತ್​ ಅವರ ಹೆಸರಾಂತ ಸಿನಿಮಾ 'ಅಣ್ಣಾಮಲೈ' ಎಂದು ನಾಮಕರಣ ಮಾಡಿದ್ದಾರೆ. ಹೋಟೆಲ್​ಗೆ ಬರುವವರಿಗೆ ಅಣ್ಣಾಥೆ ಸಿನಿಮಾ ಚಿತ್ರಮಂದಿರದಲ್ಲೇ ವೀಕ್ಷಿಸಿ, ಸಿನಿಮಾವನ್ನು ಯಶಸ್ವಿಗೊಳಿಸಿ ಅಂತಾ ಕೇಳಿಕೊಳ್ಳುತ್ತಿದ್ದಾರೆ.

ಈ ದುಬಾರಿ ಕಾಲದಲ್ಲಿ ಕರ್ಣನ್​ ಅವರ ಅಭಿಮಾನದ 1 ರೂಪಾಯಿ ದೋಸೆ ತಿಂದವರು ಮಾತ್ರ ನಿಬ್ಬೆರಗಾಗಿದ್ದಾರೆ.