ದುರ್ಗ(ಛತ್ತೀಸ್ಗಢ) : ರಾಯ್ಪುರ ನಾಕಾದಲ್ಲಿನ ರೈಲ್ವೆ ಕೆಳ ಸೇತುವೆ ಉದ್ಘಾಟನೆ ವಿಳಂಬದ ಹಿನ್ನೆಲೆಯಲ್ಲಿ ಇಲ್ಲಿನ ನಿವಾಸಿಗಳು ನಿರ್ಮಾಣ ಹಂತದಲ್ಲಿರುವ ಕೆಳ ಸೇತುವೆಯನ್ನು ತೆರೆಯುವಂತೆ ಒತ್ತಾಯಿಸಿದ್ದು, ಈ ಸಂದರ್ಭ ಜಮಾಯಿಸಿದ್ದ ಜನರನ್ನು ಚದುರಿಸಲು ಪೊಲೀಸರು ಲಾಠಿ ಚಾರ್ಜ್ ನಡೆಸಿದ್ದಾರೆ.
ಈ ಕೆಳಸೇತುವೆ ಶೀಘ್ರವಾಗಿ ತೆರೆಯುವಂತೆ ದುರ್ಗ ನಗರಸಭೆಯ 21ನೇ ವಾರ್ಡ್ ನ ಕೌನ್ಸಿಲರ್ ಅರುಣ್ ಸಿಂಗ್ ಜಿಲ್ಲಾಧಿಕಾರಿಗೆ ಮನವಿ ಪತ್ರ ಸಲ್ಲಿಸಿದ್ದರು. ಈ ಕೆಳಸೇತುವೆಯನ್ನು ಉದ್ಘಾಟನೆ ಮಾಡದಿದ್ದರೆ ಸೆ 15ರಂದು ತಾವೇ ಉದ್ಘಾಟಿಸುವುದಾಗಿ ಅರುಣ್ ಸಿಂಗ್ ಎಚ್ಚರಿಕೆ ನೀಡಿದ್ದರು. ಈ ಮೇರೆಗೆ ಅರುಣ್ ಸಿಂಗ್ ನೇತೃತ್ವದಲ್ಲಿ ಪ್ರತಿಭಟನಾಕಾರರು ಸ್ಥಳದಲ್ಲಿ ಜಮಾಯಿಸಿದ್ದಾರೆ.