ಹಳೆಯ ಬ್ರಾಂಡ್‌ಗಳ ಮದ್ಯ ಲಭ್ಯವಾಗುವಂತೆ ಮಾಡಿ: ಮತಪೆಟ್ಟಿಗೆಯಲ್ಲಿ ಸಿಕ್ತು ಕುಡುಕನ ಮನವಿ ಪತ್ರ

ಮತ ಪೆಟ್ಟಿಗೆಯಲ್ಲಿ ಕುಡುಕ ಒಂದು ಪತ್ರ ಹಾಕಿದ್ದಾನೆ. ಹೊಸ ಬ್ರಾಂಡ್​ ಬದಲಿಗೆ ಹಳೆಯ ಬ್ರಾಂಡ್‌ಗಳ ಮದ್ಯ ಲಭ್ಯವಾಗುವಂತೆ ಮಾಡಿ ಎಂದು ಸಿಎಂ ಜಗನ್‌ಗೆ ವಿನಂತಿಸಿ ಪತ್ರ ಬರೆದಿದ್ದಾನೆ.

ಆಂಧ್ರಪ್ರದೇಶ: ಆಂಧ್ರಪ್ರದೇಶದಲ್ಲಿ ನಡೆದ ಪುರಸಭೆ ಚುನಾವಣೆಗಳಲ್ಲಿ ಕುಡುಕನೊಬ್ಬ ತನ್ನ ಮತ ಚಲಾಯಿಸಿದ್ದಾನೆ. ಆದರೆ, ಆತ ಮತ ಪೆಟ್ಟಿಗೆಯಲ್ಲಿ ಒಂದು ಪತ್ರವನ್ನೂ ಹಾಕಿದ್ದಾನೆ. ಹೊಸ ಬ್ರಾಂಡ್​ ಬದಲಿಗೆ ಹಳೆಯ ಬ್ರಾಂಡ್‌ಗಳ ಮದ್ಯ ಲಭ್ಯವಾಗುವಂತೆ ಮಾಡಿ ಎಂದು ಸಿಎಂ ಜಗನ್‌ಗೆ ವಿನಂತಿಸಿ ಪತ್ರ ಬರೆದಿದ್ದಾನೆ.

ನಂದ್ಯಾಲಾ ಕುಡುಕರ ಕೋರಿಕೆ ಎಂಬ ಶೀರ್ಷಿಕೆಯೊಂದಿಗೆ ಮತಪೆಟ್ಟಿಗೆಯಲ್ಲಿ ಈ ಪತ್ರ ಹಾಕಲಾಗಿದೆ. ಎಣಿಕೆಯ ಸಮಯದಲ್ಲಿ ಮತದಾನದ ಸಿಬ್ಬಂದಿ ಈ ಪತ್ರವನ್ನು ಗಮನಿಸಿದ್ದಾರೆ. ಕರ್ನೂಲ್ ಜಿಲ್ಲೆಯ ನಂದ್ಯಾಲಾದ 29 ನೇ ವಾರ್ಡ್‌ನಲ್ಲಿ ಮತ ಎಣಿಕೆ ವೇಳೆ ಈ ಘಟನೆ ನಡೆದಿದೆ.