ವಿಡಿಯೋ: ಗುಂಡೇರಿಸಿಕೊಂಡ ರೂಪದರ್ಶಿಯಿಂದ ನಡುರಸ್ತೆಯಲ್ಲಿ ಹೈಡ್ರಾಮಾ, ಸೇನಾ ವಾಹನ ಜಖಂ

ಕುಡಿದ ನಶೆಯಲ್ಲಿ ರೂಪದರ್ಶಿಯೊಬ್ಬಳು ನಡುರಸ್ತೆಯಲ್ಲೇ ರಾದ್ಧಾಂತ ಸೃಷ್ಟಿಸಿರುವ ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದೆ. ಘಟನೆಯ ವಿಡಿಯೋ ದೊರೆತಿದ್ದು ಎಲ್ಲೆಡೆ ವೈರಲ್ ಆಗುತ್ತಿದೆ.

ಗ್ವಾಲಿಯರ್​(ಮಧ್ಯಪ್ರದೇಶ):ಕಂಠಪೂರ್ತಿ ಮದ್ಯ ಸೇವಿಸಿದ್ದ ಮಾಡೆಲ್​ವೋರ್ವಳು ರಾತ್ರಿವೇಳೆ ಪೊಲೀಸ್ ಠಾಣೆಯ ಮುಂಭಾಗದಲ್ಲಿ ಹೈಡ್ರಾಮಾ ಸೃಷ್ಟಿಸಿದಳು.

ಮಧ್ಯಪ್ರದೇಶದ ಗ್ವಾಲಿಯರ್​ನಲ್ಲಿ ಈ ಘಟನೆ ನಡೆದಿದೆ. ಪೊಲೀಸ್ ಠಾಣೆಯ ಮುಂಭಾಗದಲ್ಲಿನ ರಸ್ತೆಯಲ್ಲಿ ವಾಹನ ನಿಲ್ಲಿಸಿ, ಜನರೊಂದಿಗೆ ಜಗಳವಾಡಿದ್ದಾಳೆ. ಇದೇ ವೇಳೆ ಹಾದುಹೋಗುತ್ತಿದ್ದ ಸೇನಾ ವಾಹನ ತಡೆದು, ಅದರ ಹೆಡ್​ಲೈಟ್​ ಒಡೆದು ಹಾಕಿದ್ದಾಳೆ. ಈ ವೇಳೆ ಯೋಧನೋರ್ವ ತಡೆಯಲು ಪ್ರಯತ್ನಿಸಿದಾಗ ಆತನನ್ನೂ ದೂರ ತಳ್ಳಿದ್ದಾಳೆ.

ಘಟನೆಯ ಬಗ್ಗೆ ಸ್ಥಳೀಯ ಪೊಲೀಸರಿಗೆ ಮಾಹಿತಿ ಗೊತ್ತಾಗುತ್ತಿದ್ದಂತೆ ಮಹಿಳಾ ಕಾನ್ಸ್​ಟೇಬಲ್​​ ಸ್ಥಳಕ್ಕಾಗಮಿಸಿ ರೂಪದರ್ಶಿಯನ್ನು ಠಾಣೆಗೆ ಕರೆದುಕೊಂಡು ಹೋಗಿದ್ದಾರೆ. ನಡುರಸ್ತೆಯಲ್ಲಿ ರಾದ್ಧಾಂತ ಸೃಷ್ಟಿಸಿರುವ ಕಾರಣಕ್ಕಾಗಿ ಅಬಕಾರಿ ಕಾಯ್ದೆಯಡಿ ಪ್ರಕರಣ ದಾಖಲಿಸಲಾಗಿದೆ.