ಮುಂಬೈನ ಜನನಿಬಿಡ ಪ್ರದೇಶದಲ್ಲಿ ಮಹಿಳೆಯಿಂದ ಖುಲ್ಲಂ ಖುಲ್ಲ ಡ್ರಗ್ಸ್​ ಮಾರಾಟ!

ಪೊಲೀಸರ ಭಯವಿಲ್ಲದೇ ಜನನಿಬಿಡ ಪ್ರದೇಶದಲ್ಲಿ ಮಹಿಳೆಯೊಬ್ಬಳು ಖುಲ್ಲಂ ಖುಲ್ಲ ಡ್ರಗ್ಸ್​ ಮಾರಾಟ ಮಾಡುತ್ತಿದ್ದ ಪ್ರಸಂಗ ಮುಂಬೈನಲ್ಲಿ ನಡೆದಿದೆ.

ಮುಂಬೈ:ಲಾಕ್‌ಡೌನ್‌ನಿಂದ ಜನ ದಿನನಿತ್ಯದ ಅಗತ್ಯ ವಸ್ತುಗಳನ್ನು ಖರೀದಿಸುವುದು ಹೆಚ್ಚು ಕಷ್ಟ. ಆದರೆ ಮಹಾನಗರಿ ಮುಂಬೈನಲ್ಲಿ ಮಹಿಳೆಯೊಬ್ಬಳು ಬಹಿರಂಗವಾಗಿ ಡ್ರಗ್ಸ್​ ಮಾರಾಟ ಮಾಡುತ್ತಿರುವ ಘಟನೆ ಬೆಳಕಿಗೆ ಬಂದಿದೆ.

ಡ್ರಗ್ಸ್​ ಕೊಳ್ಳಲು ಮಾದಕ ವ್ಯಸನಿಗಳು ಸಹ ಸಾಕಷ್ಟು ಆಕೆಗೆ ಹಣ ನೀಡಿ ಮುಗಿಬಿದ್ದಿದ್ದಾರೆ. ಇದನ್ನೆಲ್ಲ ಸ್ಥಳೀಯರೊಬ್ಬರು ಚಿತ್ರೀಕರಿಸುತ್ತಿದ್ದರೂ ಸಹ ಮಹಿಳೆ ಕ್ಯಾರೆ ಎಂದಿಲ್ಲ.

ಬದಲಾಗಿ ಮಹಿಳೆ ಬೆದರಿಕೆ ಹಾಕಿದ್ದಾಳೆ ಎನ್ನಲಾಗ್ತಿದೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.