ಗಾಂಧಿನಗರ/ಗುಜರಾತ್:ದೇಶವನ್ನ ರಕ್ಷಿಸಲು ಭಾರತೀಯ ಸೈನಿಕರು ಚಳಿಯಲ್ಲಿ ತಿಂಗಳುಗಟ್ಟಲೇ ಕಾಲ ಕಳೆಯುವ ಮೂಲಕ ಅನೇಕ ರೀತಿಯ ಸಂಕಷ್ಟಗಳನ್ನು ಎದುರಿಸುತ್ತಾರೆ. ಹವಾಮಾನ ಏರಿಳಿತದ ಜೊತೆಗೆ ಆಹಾರದ ಕೊರತೆ ಸಹ ಕಾಡುತ್ತಿರುತ್ತದೆ. ಈ ವೇಳೆ ಜವಾನರು ಹಲವಾರು ಕಾಯಿಲೆಗಳೊಂದಿಗೆ ಹೋರಾಡುವುದುಂಟು.
ಹಾಗಾಗಿ, ನಮ್ಮ ಹೆಮ್ಮೆಯ ಸೈನಿಕರಿಗಾಗಿ ಡಿಆರ್ಡಿಒ ವಿಜ್ಞಾನಿಗಳ ತಂಡವು ಆಹಾರ ಟಾನಿಕ್ ಅನ್ನು ಅಭಿವೃದ್ಧಿಪಡಿಸಿದೆ. ಕೇವಲ ಒಂದು ಅಥವಾ ಎರಡು ಡೋಸ್‌ ತೆಗೆದುಕೊಂಡರೆ ಇದು ಮೂರ್ನಾಲ್ಕು ದಿನಗಳವರೆಗೆ ಹಸಿವಿನಿಂದ ಬಳಲುವುದನ್ನು ತಡೆಯುತ್ತದೆ.
ಗಾಂಧಿನಗರದಲ್ಲಿ ನಡೆದ ಡಿಫೆನ್ಸ್ ಎಕ್ಸ್‌ಪೋ 2022 ರಲ್ಲಿ 'ಈಟಿವಿ ಭಾರತ'ದೊಂದಿಗೆ ಮಾತನಾಡಿದ ಡಿಆರ್ಡಿಒ ವಿಜ್ಞಾನಿ ಮನೋಜ್ ಪಟೇಲ್, " ನಮ್ಮ ಯೋಧರು ಚೀನಾ, ಲೇಹ್, ಲಡಾಕ್ ಮತ್ತು ಕಾಶ್ಮೀರ ಗಡಿಯಲ್ಲಿ ದೇಶವನ್ನ ಕಾಯುವಾಗ ಹಿಮ ಮತ್ತು ಚಳಿಯಿಂದಾಗಿ ಅನೇಕ ಸಮಸ್ಯೆ ಎದುರಿಸುತ್ತಿರುತ್ತಾರೆ. ಸೇನೆಯ ಈ ಸಮಸ್ಯೆಯನ್ನು DRDO ಪರಿಗಣಿಸಿ ಎಚ್ಚರಿಕೆಯಿಂದ ಅಧ್ಯಯನ ಮಾಡಿ, ಈ ಟಾನಿಕ್ ಅನ್ನು ಕಂಡು ಹಿಡಿದಿದೆ. ಜೊತೆಗೆ, ಗಿಡಮೂಲಿಕೆ ಚಹಾ ಮತ್ತು ಜ್ಯೂಸ್‌ ತಯಾರಿಸಲಾಗುತ್ತದೆ" ಎಂದು ಮಾಹಿತಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ:ಯುದ್ಧಭೂಮಿ ಸಿಯಾಚಿನ್ನಲ್ಲಿ ತ್ರಿವರ್ಣ ಹಾರಿಸಿದ ಸೈನಿಕರು