ಪಿನಾಕ ರಾಕೆಟ್​​ ವ್ಯವಸ್ಥೆಯ ಪರೀಕ್ಷಾರ್ಥ ಪ್ರಯೋಗ ಯಶಸ್ವಿ

ಪಿನಾಕ ಎಂಕೆ-I ರಾಕೆಟ್ ವ್ಯವಸ್ಥೆ 40 ಕಿ.ಮೀ ದೂರ ಕ್ರಮಿಸುವ ಸಾಮರ್ಥ್ಯ ಹೊಂದಿದ್ದರೆ, ಪಿನಾಕ II 60 ಕಿ.ಮೀ ದೂರವಿರುವ ಗುರಿ ತಲುಪಲು ಸಾಮರ್ಥ್ಯ ಹೊಂದಿವೆ.

ಪೋಖ್ರಾನ್:ಕಳೆದ ಮೂರು ದಿನಗಳಿಂದ ನಡೆಯುತ್ತಿದ್ದ ವಿಸ್ತರಿತ ವಲಯ ಸಾಮರ್ಥ್ಯದ ಪಿನಾಕ ರಾಕೆಟ್​​​ ವ್ಯವಸ್ಥೆಯ ಪರೀಕ್ಷಾರ್ಥ ಸರಣಿ ಪ್ರಯೋಗ ಯಶಸ್ವಿಯಾಗಿದ್ದು, ಇದಕ್ಕೆ ಸಂಬಂಧಿಸಿದಂತೆ ರಕ್ಷಣಾ ಸಚಿವಾಲಯ ಮಾಹಿತಿ ಹಂಚಿಕೊಂಡಿದೆ. ಪೋಖ್ರಾನ್​​ ಪರೀಕ್ಷಾ ವಲಯದಲ್ಲಿ ಪರೀಕ್ಷಾರ್ಥ ಪ್ರಯೋಗ ನಡೆಸಲಾಗಿದೆ.

ಫೈರಿಂಗ್​​ ರೇಂಜ್​​​​ ಅನ್ನು ಮೂರು ದಿನಗಳಿಂದ ವಿವಿಧ ಹಂತಗಳಲ್ಲಿ ಪರೀಕ್ಷೆಗೊಳಪಡಿಸಲಾಗಿದ್ದು, ನಿರೀಕ್ಷಿತ ಫಲಿತಾಂಶ ಲಭ್ಯವಾಗಿದೆ ಎಂಬ ಮಾಹಿತಿ ತಿಳಿದು ಬಂದಿದೆ. ಸೇನೆಯ ಸಹಯೋಗದಲ್ಲಿ ಡಿಆರ್​ಡಿಒ ತಜ್ಞರು ಈ ಪ್ರಯೋಗ ನಡೆಸಿದ್ದು, ಖಾಸಗಿ ಉದ್ದಿಮೆ ಈ ರಾಕೆಟ್​​ ವ್ಯವಸ್ಥೆ ತಯಾರಿಸಿದೆ.

ಪಿನಾಕ ಎಂಕೆ-I ರಾಕೆಟ್ ವ್ಯವಸ್ಥೆ 40 ಕಿ.ಮೀ ದೂರ ಕ್ರಮಿಸುವ ಸಾಮರ್ಥ್ಯ ಹೊಂದಿದ್ದರೆ, ಪಿನಾಕ II 60 ಕಿ.ಮೀ ದೂರವಿರುವ ಗುರಿ ತಲುಪಲು ಸಮರ್ಥ ಹೊಂದಿವೆ. ಪಿನಾಕ - ಇಆರ್ (ಎಂಕೆ-1 ಆವೃತ್ತಿ) ನ ಶ್ರೇಣಿ ಎಷ್ಟು ದೂರು ಸಾಗಲಿದೆ ಎಂಬುದರ ಮಾಹಿತಿ ಲಭ್ಯವಾಗಿಲ್ಲ. ಎಲ್ಲ ರಾಕೆಟ್​​ಗಳು ನಿರ್ದಿಷ್ಟ ಗುರಿ ಹೊಂದುವಲ್ಲಿ ಯಶಸ್ವಿಯಾಗಿವೆ ಎಂಬ ಮಾಹಿತಿ ಲಭ್ಯವಾಗಿದೆ.

ಪಿನಾಕ ರಾಕೆಟ್​​​ಗಳು ಈಗಾಗಲೇ ಕಳೆದ ಒಂದು ದಶಕದಿಂಧ ಭಾರತೀಯ ಸೇನೆಯಲ್ಲಿದ್ದು, ಇದೀಗ ಹೆಚ್ಚಿನ ಶ್ರೇಣಿಯ ರಾಕೆಟ್​​ಗಳು, ಸುಧಾರಿತ ತಂತ್ರಜ್ಞಾನದೊಂದಿಗೆ ವಿನ್ಯಾಸಗೊಂಡಿವೆ.