ಎಲ್ಲ ರಾಷ್ಟ್ರೀಯ ಉದ್ಯಾನದ ಬಾಗಿಲು ತೆರವು: ದೇಶ ವಿದೇಶಿ ಪರಿಸರ ಪ್ರೇಮಿಗಳಿಗೆ ಖುಷಿ

ಉತ್ತರ ಪ್ರದೇಶದಲ್ಲಿ ಬಹಳಷ್ಟು ರಾಷ್ಟ್ರೀಯ ಉದ್ಯಾನಗಳಿದ್ದು, ಇಲ್ಲಿವ ವನ್ಯಜೀವಿ ವೀಕ್ಷಣೆಗೆ ದೇಶ ವಿದೇಶದಿಂದ ಬರುವ ಪರಿಸರ ಪ್ರೇಮಿಗಳು ಸಂಖ್ಯೆ ದುಪ್ಪಟ್ಟಾಗಿದೆ. ಯುಪಿ ಸರಕಾರವು ಪ್ರವಾಸೋದ್ಯಮ ಅಭಿವೃದ್ಧಿಗೊಳಿಸಿ, ಪ್ರವಾಸಿಗರನ್ನು ಆಕರ್ಷಿಸಲು ವಿಶೇಷ ಯೋಜನೆ ಜಾರಿಗೊಳಿಸಿದೆ. ಪರಿಸರ ಪ್ರೇಮಿಗಳಿಗೆ ಅರಣ್ಯದಲ್ಲಿ ಉಳಿಯಲು ಅದ್ಭುತ ವಸತಿ ವ್ಯವಸ್ಥೆ ಕಲ್ಪಿಸಿದೆ. ದಟ್ಟವಾದ ಅರಣ್ಯದಲ್ಲಿ ಜಂಗಲ್ ಸಫಾರಿ ಕೈಗೊಳ್ಳುವ ಜತೆಗೆ ಕಾಡಿನ ಸೌಂದರ್ಯ , ಪ್ರಾಣಿಗಳ ಕಾರ್ಯವೈಖರಿ ನೋಟ ನೇರ ನೋಡಿ ಆನಂದಿಸಬಹುದಾಗಿದೆ.

ಲಖನೌ(ಉತ್ತರಪ್ರದೇಶ) :ಚಳಿಗಾಲ ಆರಂಭದ ಮುನ್ನವೇ ಉತ್ತರ ಪ್ರದೇಶದಲ್ಲಿಸರಕಾರವು ರಾಷ್ಟ್ರೀಯ ಉದ್ಯಾನಗಳ ಬಾಗಿಲು ತೆರದಿದ್ದು, ಇದು ವಿದೇಶ ಹಾಗೂ ದೇಶದ ಅರಣ್ಯ ಪ್ರೇಮಿಗಳಿಗೆ ಸಿಹಿ ಸುದ್ದಿ ನೀಡಿದೆ. ದುಧ್ವಾ ರಾಷ್ಟ್ರೀಯ ಉದ್ಯಾನ ಮತ್ತು ಕತರ್ನಿಯಾಘಾಟ್ ರಾಷ್ಟ್ರೀಯ ಉದ್ಯಾನವನದಲ್ಲಿ ದೇಶದಲ್ಲೇ ಹೆಚ್ಚು ಹುಲಿಗಳಿದ್ದು, ಅರಣ್ಯ ಪ್ರೇಮಿಗಳು ಸಫಾರಿ ಮೂಲಕ ಆನಂದಿಸಬಹುದಾಗಿದೆ.

ಪಿಲಿಭಿತ್ ಹುಲಿ ಸಂರಕ್ಷಿತ ಪ್ರದೇಶ

ಪಿಲಿಭಿತ್ ಹುಲಿ ಸಂರಕ್ಷಿತ ಪ್ರದೇಶ ಮತ್ತು ಚುಕಾ ಬೀಚ್ ದಲ್ಲೂ ಅಪಾರ ಅರಣ್ಯ ಸಂಪತ್ತು, ನವಾಬ್‌ಗಂಜ್ ಪಕ್ಷಿಧಾಮವು ಆಹ್ಲಾದಕರ ವಾತಾವರಣ ಇದ್ದು ಅರಣ್ಯಪ್ರೇಮಿಗಳಿಗೆ ಸಂತೋಷ ಮೂಡಿಸಲಿದೆ.

ಸಿಂಹ ಸಫಾರಿ ಇಟಾವಾ ಉದ್ಯಾನವನ

ಪ್ರವಾಸೋದ್ಯಮ ಅಭಿವೃದ್ಧಿಗೆ ಕ್ರಮ: ಉತ್ತರ ಪ್ರದೇಶದಲ್ಲಿ ಪರಿಸರ ಪ್ರವಾಸೋದ್ಯಮ ಅಭಿವೃದ್ಧಿ ಬಗ್ಗೆ ಸರ್ಕಾರ ಇನ್ನೂ ಹೆಚ್ಚಿನ ಗಂಭೀರ ಚಿಂತನೆ ನಡೆಸಿದೆ. ಪ್ರವಾಸಿಗರನ್ನು ಆಕರ್ಷಿಸಲು ವಿಶೇಷ ಯೋಜನೆ ಜಾರಿಗೊಳಿಸಿದೆ. ಪರಿಸರ ಪ್ರೇಮಿಗಳು ಅರಣ್ಯದಲ್ಲಿ ಉಳಿಯಲು ಅದ್ಭುತವಾದ ವ್ಯವಸ್ಥೆ ಸಹ ಕಲ್ಪಿಸಿದೆ. ದಟ್ಟವಾದ್ ಅರಣ್ಯದಲ್ಲಿ ಜಂಗಲ್ ಸಫಾರಿ ಮೂಲಕ ಕಾಡಿನ ಸೌಂದರ್ಯ , ಪ್ರಾಣಿಗಳ ಕಾರ್ಯವೈಖರಿ ನೋಟವನ್ನು ನೇರ ನೋಡಿ ಆನಂದಿಸಬಹುದು.

ಪಿಲಿಭಿತ್ ಹುಲಿ ಸಂರಕ್ಷಿತ ಪ್ರದೇಶ

ಉತ್ತರ ಪ್ರದೇಶದ ವನ್ಯಜೀವಿ ವಾರ್ಡ್​ನ್ ಮಮತಾ ಸಂಜೀವ್ ದುಬೆ ಮಾತನಾಡಿ, ಪರಿಸರ ಪ್ರವಾಸೋದ್ಯಮ ರಾಜ್ಯದಲ್ಲಿ ತೀವ್ರಗತಿ ಅಭಿವೃದ್ಧಿ ಸಾಧಿಸುತ್ತಿದೆ. ಹೀಗಾಗಿ ಐದು ವರ್ಷಗಳಲ್ಲಿ ಉತ್ತರಪ್ರದೇಶ ಆಗಮಿಸುವ ವರ್ಷದಿಂದ ವರ್ಷಕ್ಕೆ ಪ್ರವಾಸಿಗರ ಸಂಖ್ಯೆ ದುಪ್ಪಟ್ಟಾಗಿದೆ. ದುಧ್ವಾದಿಂದ ಇಟಾವಾ ಮತ್ತು ಪಿಲಿಭಿತ್‌ನಿಂದ ಬಹ್ರೈಚ್‌ವರೆಗೆ ದೇಶ ಹಾಗೂ ಪ್ರಪಂಚದ ವಿವಿಧ ದೇಶದ ಪ್ರವಾಸಿಗರು ಇಲ್ಲಿಗೆ ಬರುತ್ತಿದ್ದಾರೆ ಎಂದು ತಿಳಿಸಿದ್ದಾರೆ.

ಯಾವ ರೀತಿಯ ಸಾಧನ ಇಲ್ಲಿ ಲಭ್ಯವಿವೆ, ತಂಗಲೂ ಮತ್ತು ಆಹಾರಕ್ಕೆ ಯಾವ ವ್ಯವಸ್ಥೆಗಳಿವೆ. https://www.upecotourism.in ಈ ವೆಬ್‌ಸೈಟ್‌ ಸಂಪೂರ್ಣ ವಿವರ ನೀಡಲಿದ್ದು, ಜತೆಗೆ ಪ್ಯಾಕೇಜ್‌ಗಳನ್ನು ಸಹ ಪಡೆಯಬಹದು. ಇದು ಏಕ ಗವಾಕ್ಷಿ ವ್ಯವಸ್ಥೆಯಾಗಿದ್ದು, ಇದರಲ್ಲಿ ಸಂಪೂರ್ಣ ಉತ್ತರ ಪ್ರದೇಶದ ಪರಿಸರ ಪ್ರವಾಸೋದ್ಯಮ ಬೆಳವಣಿಗೆ ಬಗ್ಗೆ ಸೇರಿಸಲಾಗಿದೆ.

ಲಖಿಂಪುರ ಖೇರಿ: ದುಧ್ವಾ ರಾಷ್ಟ್ರೀಯ ಉದ್ಯಾನವನ. ಇದು ಹುಲಿಗಳಿಗೆ ದೇಶದಾದ್ಯಂತ ಪ್ರಸಿದ್ಧವಾಗಿದೆ. ಇಲ್ಲಿ ಹುಲಿಗಳಷ್ಟೇ ಅಲ್ಲ, ಆನೆಗಳ ಹಿಂಡು ಬಹಳಷ್ಟಿದೆ. ಇಲ್ಲಿನ ಕಾಡು ಪ್ರಾಣಿಗಳು , ನಾವೀನ್ಯದ ಪಕ್ಷಿಗಳು ಈ ಉದ್ಯಾನವನದ ಶ್ರೀಮಂತಿಕೆ ಹೆಚ್ಚಿಸಿವೆ.

ಸಿಂಹ ಸಫಾರಿ ಇಟಾವಾ: ಚಂಬಲ್ ನದಿಯ ದಡದ ಇಟಾವಾದಲ್ಲಿ ಸಿಂಹ ಸಫಾರಿ ಸರಕಾರ ಅಭಿವೃದ್ಧಿಪಡಿಸಿದ್ದು, ಗುಜರಾತ್‌ನ ಗಿರ್‌ ಅರಣ್ಯದಿಂದ ಬಬ್ಬರ್ ಸಿಂಹಗಳನ್ನು ತಂದು ಬಿಡಲಾಗಿದೆ. ನಂತರ ಮೋದಿ ಸರ್ಕಾರದ ಪ್ರಯತ್ನದಿಂದ ನೈಜೀರಿಯಾದ ಚಿರತೆಗಳೂ ಈ ಸಿಂಹದ ಸಫಾರಿಯನ್ನು ಅಲಂಕರಿಸುತ್ತಿವೆ.

ಕತರ್ನಿಯಾಘಾಟ್ ಅಭಯಾರಣ್ಯ: ಬಹ್ರೈಚ್‌ನ ವನ್ಯಜೀವಿ ಅಭಯಾರಣ್ಯದಲ್ಲಿ ಹೆಚ್ಚಾಗಿ ಹುಲಿಗಳಿವೆ. ಅಷ್ಟೇ ಅಲ್ಲದೇ ಚಿರತೆಗಳೂ ಇವೆ. ಈ ವನ್ಯಜೀವಿ ಅಭಯಾರಣ್ಯವು ಮೊಸಳೆ ಮತ್ತು ಪಕ್ಷಿಗಳಿಗೂ ಹೆಸರುವಾಸಿಯಾಗಿದೆ.

ಪಿಲಿಭಿತ್ ಹುಲಿ ಸಂರಕ್ಷಿತ ಪ್ರದೇಶ: ಉತ್ತರಾಖಂಡದ ಗಡಿಯಲ್ಲಿರುವ ಈ ಅರಣ್ಯ ಪ್ರದೇಶದಲ್ಲಿ ಹುಲಿ, ಚಿರತೆ ಮಾತ್ರ ಇಲ್ಲ, ಆನೆಗಳ ಹಿಂಡುಗಳನ್ನು ಸಹ ಕಾಣಬಹುದು. ಅರಣ್ಯ ಮತ್ತು ನೀರಿನ ಅದ್ಭುತ ಸಂಗಮ ಈ ಅರಣ್ಯ ಪ್ರದೇಶದಲ್ಲಿದೆ. ಚುಕಾ ಬೀಚ್ ರೆಸಾರ್ಟ್ ಪ್ರಕೃತಿಯು ವಿಶಿಷ್ಟವಾಗಿದೆ.

ನವಾಬ್‌ಗಂಜ್ ಪಕ್ಷಿಧಾಮ, ಉನ್ನಾವ್:ಲಖನೌದಿಂದ ಸುಮಾರು 45 ಕಿಮೀ ದೂರದ ಕಾನ್ಪುರ್ ರಸ್ತೆಯಲ್ಲಿ ವಲಸೆ ಹಕ್ಕಿ ಕಲರವ ದಿನ ನಿತ್ಯವೂ ನೋಡಬಹುದು. ನವಾಬ್‌ಗಂಜ್ ಪಕ್ಷಿಧಾಮದ ಸರೋವರದಲ್ಲಿ ವಿವಿಧ ಪಕ್ಷಿ ವೀಕ್ಷಣೆ ,ಸುಮಧುರ ಗಾಯನ ಆಲಿಸುವದರೊಂದಿಗೆ ಪಕ್ಷಿ ಪ್ರಿಯರಿಗೆ ಅದ್ಭುತ ಅನುಭವ ನೀಡಲಿದೆ. ಈ ಪ್ರದೇಶವು ಛಾಯಾಗ್ರಹಣಕ್ಕೂ ಹೆಸರುವಾಸಿ.

ಇದನ್ನೂ ಓದಿ:ಪರಿಹಾರ ಪೂಜೆಗಾಗಿ ಹಾವಿನ ಮುಂದೆ ನಾಲಿಗೆ ಚಾಚಿದ ಅಧಿಕಾರಿ.. ಪರಿಸ್ಥಿತಿ ಮುಂದೇನಾಯ್ತು ನೋಡಿ