ಹೈದರಾಬಾದ್:ಇಂದಿನ ತಾಂತ್ರಿಕ ಯುಗದಲ್ಲಿ ಹೊಸ ಪೀಳಿಗೆಗೆ ಹಬ್ಬಗಳ ಆಚರಣೆ ಬಗ್ಗೆ ಜ್ಞಾನ ಕಡಿಮೆ. ಬಹಳಷ್ಟು ಅವಿಭಕ್ತ ಕುಟುಂಬಗಳು ದೀಪಾವಳಿಯಂಥ ಹಬ್ಬಗಳ ಆಚರಣೆ ಹೇಗೆ ಮಾಡಬೇಕು ತಿಳಿಯಲು ಅಂತರ್ಜಾಲವನ್ನು ಜಾಲಾಡುತ್ತಾರೆ. ಆದರೆ ಹಿರಿಯರು ವಾಸವಿರುವ ಮನೆಗಳಲ್ಲಿ ಹಿಂದೂ ಸಂಸ್ಕೃತಿಯಂತೆ ಸಂಪ್ರದಾಯ ಬದ್ಧವಾಗಿ ದೀಪಾವಳಿ ಹಬ್ಬವನ್ನು ಸಡಗರದಿಂದ ಆಚರಿಸಲಾಗುತ್ತದೆ.
ದೀಪಾವಳಿ ಹಬ್ಬದ ದಿನ ಲಕ್ಷ್ಮಿ ದೇವಿಗೆ ವಿಶೇಷ ವಿಧಿ ವಿಧಾನಗಳಲ್ಲಿ ಪೂಜೆ ಸಲ್ಲಿಸುವುದು. ಲಕ್ಷ್ಮೀ ದೇವಿ ಪೂಜಿಸಿದ ಬಳಿಕ ಮುಂಭಾಗ ಎರಡು ದೊಡ್ಡ ಮಣ್ಣಿನ ದೀಪಗಳನ್ನು ರಾತ್ರಿಯಿಡೀ ಬೆಳಗಿಸಬೇಕು. ರಾತ್ರಿಯಿಡೀ ದೀಪ ಉರಿಸಿದಿರೆ ವ್ಯಕ್ತಿ ಅಥವಾ ಕುಟುಂಬಕ್ಕೆ ಸಂಪತ್ತು, ಕೀರ್ತಿ, ಉತ್ತಮ ಆರೋಗ್ಯ ಲಭಿಸುತ್ತದೆ ಎಂಬ ನಂಬಿಕೆ ಹಿಂದಿನಿಂದಲೂ ಪ್ರಚಲಿತ.
ಶುಭಕಾಲ:ಅಕ್ಟೋಬರ್ 24ರಂದು 2022, ಸಂಜೆ 07:02 ರಿಂದ 08.23 ರವರೆಗೆ ಲಕ್ಷ್ಮಿ ದೇವಿಯ ಆರಾಧನೆಗೆ ಅತ್ಯಂತ ಶುಭ ಸಮಯ. ಪ್ರದೋಷ ಕಾಲ: 05:50 pm - 08:23 pm. ವೃಷಭ ಕಾಲ: 07:02 ಗಂಟೆ - 08:58 ಗಂಟೆಗಳು ಲಕ್ಷ್ಮಿ ದೇವಿಯನ್ನು 'ಚೋಗಡಿಯಾ' ಅಥವಾ ಮಂಗಳಕರ ಸಂಜೆ ಸಮಯದಲ್ಲಿ ಪೂಜಿಸಲಾಗುತ್ತದೆ. ಲಾಭದಾಯಕ ಪರಿಸ್ಥಿತಿಗಳಿಗೆ ದೀಪಾವಳಿಯಂದು ರಾತ್ರಿ 10:36 ರಿಂದ 12:11 ರವರೆಗೆ ಇರುತ್ತದೆ.
'ನಿಶ್ಚಿತಾ ಮುಹೂರ್ತ' ಅಥವಾ ಮಧ್ಯೆರಾತ್ರಿ ಲಕ್ಷ್ಮಿ ದೇವಿಯನ್ನು ಪೂಜಿಸಲು ಅತ್ಯುತ್ತಮ ಗಳಿಗೆ ಎನ್ನಲಾಗಿದೆ. ಆ ನಿಶ್ಚಿತ ಮುಹೂರ್ತದ ಸಮಯದಲ್ಲಿ ಲಕ್ಷ್ಮಿ ದೇವಿಯು ಪ್ರತಿ ಮನೆಗೆ ಭೇಟಿ ನೀಡುತ್ತಾಳೆ ಎಂದು ನಂಬಲಾಗಿದೆ. ಅಕ್ಟೋಬರ್ 24, 2022 ರಂದು, ನಿಶ್ಚಿತಾ ಮುಹೂರ್ತವು ರಾತ್ರಿ 11:46 ರಿಂದ ಪ್ರಾರಂಭವಾಗಿ, 12:37ಕ್ಕೆ ಕೊನೆಗೊಳ್ಳುತ್ತದೆ.
ದೀಪಾವಳಿ ಹಬ್ಬ ಆಚರಣೆ ಹೇಗೆ? ಯಾವ ಕೆಲಸ ಮಾಡಬೇಕು, ಅಶುಭ ಗಳಿಗೆ ಹೇಗೆ ತಪ್ಪಿಸಬೇಕೆನ್ನುವುದನ್ನು ಗಾಜಿಯಾಬಾದ್‌ನ ಏವಂ ವಾಸ್ತು ಅನುಸಂಧಾನ ಕೇಂದ್ರದ ಆಚಾರ್ಯ ಶಿವಕುಮಾರ ಶರ್ಮಾ ಅವರು ಹೀಗೆ ಮಾಹಿತಿ ನೀಡುತ್ತಾರೆ.
ಹೊಸ ಪೊರಕೆ ಖರೀದಿಸಿ: ದೀಪಾವಳಿ ಹಬ್ಬದಂದು ಹೊಸ ಪೊರಕೆಯನ್ನು ಖರೀದಿಸಬೇಕು. ಹಳೆಯ ಪೊರೆಕೆ ಬಳಕೆ ಬೇಡ. ಪುರಾತನ ಕಾಲದಲ್ಲಿ ದೀಪಾವಳಿಯಿಂದ ಮರುದಿನ ಬೆಳಗ್ಗೆ ಸೂರ್ಯೋದಯಕ್ಕೆ ಮುನ್ನ ಮನೆಯನ್ನು ಗುಡಿಸಿ ಮನೆಯ ಹೆಂಗಸರು ಮನೆಯ ದ್ವಾರದಲ್ಲಿ ರಂಗೋಲಿ ಹಾಕುತ್ತಿದ್ದರು. ಆದರೆ, ಲಕ್ಷ್ಮಿ ದೇವಿಯ ಆವಾಹನೆಯು ದಿನವು ಜಾಗೃತಿಯ ಮಾರ್ಗ. ಆದರೆ ಬ್ರಾಹ್ಮಿ ಮುಹೂರ್ತದಲ್ಲಿ ಬೆಳಗ್ಗೆ ಬೇಗ ಎದ್ದು ಮನೆಯನ್ನು ಸ್ವಚ್ಛಗೊಳಿಸಿದರೆ ಲಕ್ಷ್ಮಿಯು ಪ್ರಸನ್ನಳಾಗುತ್ತಾಳೆ.