ರೈಲ್ವೆ ಟ್ರ್ಯಾಕ್​ ಮೇಲೆ ನಿಂತಿದ್ದ ಬಾಲಕಿ ರಕ್ಷಣೆ ಮಾಡಿದ ಆರ್​​​​​ಪಿಎಫ್​ ಸಿಬ್ಬಂದಿ!

ಆತ್ಮಹತ್ಯೆ ಮಾಡಿಕೊಳ್ಳುವ ಉದ್ದೇಶದಿಂದಲೇ ಬಾಲಕಿಯೊಬ್ಬರು ರೈಲ್ವೆ ಟ್ರ್ಯಾಕ್​ ಮೇಲೆ ನಿಂತಿದ್ದು, ಆರ್​ಪಿಎಫ್​ ಯೋಧನೋರ್ವ ಆಕೆಯ ರಕ್ಷಣೆ ಮಾಡಿದ್ದಾನೆ.

ಧನ್ಬಾದ್​​(ಜಾರ್ಖಂಡ್​):ಇಲ್ಲಿನ ರೈಲ್ವೆ ನಿಲ್ದಾಣದ ಪ್ಲಾಟ್​ಫಾರ್ಮ್​​ ಸಂಖ್ಯೆ 6 & 7 ರ ರೈಲ್ವೆ ಟ್ರ್ಯಾಕ್​​ ಮೇಲೆ ನಿಂತಿದ್ದ ಬಾಲಕಿಯೊಬ್ಬಳನ್ನು ಆರ್​ಪಿಎಫ್​​ ಸಿಬ್ಬಂದಿ ರಕ್ಷಿಸಿರುವ ಘಟನೆ ನಡೆದಿದೆ. ಆತ್ಮಹತ್ಯೆ ಮಾಡಿಕೊಳ್ಳುವ ಉದ್ದೇಶದಿಂದಲೇ ಬಾಲಕಿ ರೈಲ್ವೆ ಟ್ರ್ಯಾಕ್​ ಮೇಲೆ ನಿಂತಿದ್ದಳು.

ಈ ವೇಳೆ ಅನೇಕರು ಸ್ಥಳದಲ್ಲಿದ್ದರೂ, ಆಕೆಯನ್ನು ರಕ್ಷಿಸಲು ಯಾರೂ ಕೂಡ ಮುಂದಾಗಲಿಲ್ಲ. ಈ ಹೊತ್ತಿಗೆ ರೈಲು ಹತ್ತಿರಕ್ಕೆ ಬರುತ್ತಿತ್ತು. ತಕ್ಷಣವೇ ಕಾರ್ಯಪ್ರವೃತ್ತರಾದ ಆರ್​ಪಿಎಫ್​​ ಪೊಲೀಸ್​ ಓಡಿ ಹೋಗಿ ಬಾಲಕಿ ರಕ್ಷಿಸಿದ್ದಾರೆ. ನಂತರ ಆತ್ಮಹತ್ಯೆಗೆ ಕಾರಣ ಕೇಳಿದಾಗ ಆಕೆ ಕಣ್ಣೀರು ಹಾಕಿದ್ದಾಳೆ ಎಂದು ತಿಳಿದು ಬಂದಿದೆ.

ರೈಲ್ವೆ ಟ್ರ್ಯಾಕ್​ ಮೇಲೆ 01448 ಹೌರಾ - ಜಬಲ್ಪುರ್​ ಶಕ್ತಿಪುಂಜ್​ ಎಕ್ಸ್​ಪ್ರೆಸ್​ ಬರುತ್ತಿತ್ತು. ಈ ವೇಳೆ, ಅನೇಕ ಪ್ರಯಾಣಿಕರು ಅಲ್ಲಿ ನಿಂತಿದ್ದರು. ಬಾಲಕಿ ರೈಲ್ವೆ ಟ್ರ್ಯಾಕ್​ ಮೇಲೆ ನಿಂತಿರುವುದನ್ನ ನೋಡಿದ್ರೂ ಆಕೆಯ ಸಹಾಯಕ್ಕೆ ಧಾವಿಸಿಲ್ಲ. ಕೆಲವರು ಬಚಾವೋ ಬಚಾವೋ ಎಂದು ಕೂಗಿದ್ದಾರೆ. ಶಬ್ದ ಕೇಳಿದ ತಕ್ಷಣವೇ ಆರ್​ಪಿಎಫ್​​ ಜವಾನ್​ ಪ್ರಭಾಸ್​ ಕುಮಾರ್​​ ಬಾಲಕಿಯ ರಕ್ಷಣೆ ಮಾಡಿದ್ದಾರೆ. ಆತ್ಮಹತ್ಯೆಗೆ ಕಾರಣ ಏನು ಎಂಬು ಪ್ರಶ್ನೆ ಮಾಡಿದಾಗ ಬಾಲಕಿ ತುಂಬಾ ಸಮಯದವರೆಗೆ ಕಣ್ಣೀರು ಹಾಕಿರುವುದಾಗಿ ತಿಳಿದು ಬಂದಿದೆ.