ದೆಹಲಿ ಶೂಟೌಟ್​: ನಗರದ ಜೈಲುಗಳಲ್ಲಿ ಗ್ಯಾಂಗ್​​ವಾರ್ ಆತಂಕ.. ಹೈಅಲರ್ಟ್​​

ದೆಹಲಿ ರೋಹಿಣಿ ಕೋರ್ಟ್ ಆವರಣದಲ್ಲಿ ನಡೆದ ಶೂಟೌಟ್​​ನಿಂದಾಗಿ ಜೈಲಿನಲ್ಲಿರುವ ಈ ಗುಂಪುಗಳಿಗೆ ಸಂಬಂಧಪಟ್ಟ ಕೈದಿಗಳ ನಡುವೆ ಗ್ಯಾಂಗ್​​ವಾರ್ ಸಂಭವಿಸಬಹುದು ಎಂದು ಹೆಚ್ಚಿನ ಭದ್ರತೆ ನೀಡಲಾಗಿದೆ.

ನವದೆಹಲಿ: ರಾಷ್ಟ್ರ ರಾಜಧಾನಿ ನವದೆಹಲಿಯ ರೋಹಿಣಿ ಕೋರ್ಟ್​ ಆವರಣದಲ್ಲಿ ನಡೆದ ಶೂಟೌಟ್ ಇಡೀ ದೇಶವನ್ನ ಬೆಚ್ಚಿಬೀಳಿಸಿದೆ. ವಕೀಲರ ಉಡುಪಿನಲ್ಲಿ ಬಂದಿದ್ದ ದುಷ್ಕರ್ಮಿಗಳು ಗ್ಯಾಂಗ್​​ಸ್ಟರ್​ಗೆ ಗುಂಡು ಹಾರಿಸಿ ಹತ್ಯೆಗೈದಿದ್ದರು.

ಈ ಹತ್ಯೆಯ ಬಳಿಕ ಇದೀಗ ದೆಹಲಿಯ ಎಲ್ಲ ಜೈಲುಗಳಲ್ಲಿ ಗ್ಯಾಂಗ್​ವಾರ್ ನಡೆಯುವ ಸಾಧ್ಯತೆ ಇದ್ದು, ಹೈಅಲರ್ಟ್​​ ಘೋಷಿಸಿ ಪೊಲೀಸರ ನಿಯೋಜನೆ ಹೆಚ್ಚಿಸಲಾಗಿದೆ. ಇಲ್ಲಿನ ತಿಹಾರ್ ಜೈಲು, ಮಂಡೋಲಿ ಜೈಲು ಮತ್ತು ರೋಹಿಣಿ ಜೈಲಿನ ಮೇಲೆ ಹದ್ದಿನ ಕಣ್ಣಿಡಲಾಗಿದೆ.

ನಿನ್ನೆಯ ಗ್ಯಾಂಗ್​ವಾರ್​ನಲ್ಲಿ ಮೃತಪಟ್ಟ ಗೋಗಿಯನ್ನು ತಿಹಾರ್​ ಜೈಲಿನಲ್ಲಿರಸಲಾಗಿತ್ತು. ಜೊತೆಗೆ ಆತನ ಶತ್ರು ಎಂದು ಹೇಳಲಾಗುತ್ತಿರುವ ಟಿಲ್ಲು ಎಂಬಾತನನ್ನು ಮಂಡೋಲಿ ಜೈಲಿನಲ್ಲಿರಿಸಲಾಗಿದೆ. ಈ ಹಿನ್ನೆಲೆ ಎಲ್ಲಾ ಜೈಲಿನಲ್ಲಿ ಹೆಚ್ಚುವರಿ ಭದ್ರತೆ ಕಲ್ಪಿಸಲಾಗಿದೆ.

ಇದನ್ನೂ ಓದಿ:ದೆಹಲಿ ರೋಹಿಣಿ ಕೋರ್ಟ್​ ಆವರಣದಲ್ಲೇ ಶೂಟೌಟ್​; ಗ್ಯಾಂಗ್​​ಸ್ಟರ್ ಸೇರಿ ಮೂವರು ಸಾವು