ಬಾಲಿವುಡ್ನ ಹಾಟ್ ಬೆಡಗಿಯರಲ್ಲಿ ದೀಪಿಕಾ ಪಡುಕೋಣೆ ಕೂಡ ಒಬ್ಬರು. ಅವರ ಮೈಮಾಟವೇ ಮಾದಕ. ನಟನೆ ವಿಷಯಕ್ಕೆ ಬಂದರೆ ಯಾವುದೇ ಪಾತ್ರಕ್ಕೂ ಸೈ. ಒನ್ಟೇಕ್ ಆರ್ಟಿಸ್ಟ್ ಎಂದೇ ಖ್ಯಾತರು. ಇಂತಹ ನಟಿ ಗೆಹ್ರಿಯಾನ್ ಸಿನಿಮಾದ ಒಂದು ಸನ್ನಿವೇಶಕ್ಕಾಗಿ ಬರೋಬ್ಬರಿ 48 ರಿಟೇಕ್ ತೆಗೆದುಕೊಂಡಿದ್ದರಂತೆ..!
ಹೌದು, ಗೆಹ್ರಿಯಾನ್ ಸಿನಿಮಾ ಪ್ರಚಾರದ ವೇಳೆ ತಾವು ಈ ಸಿನಿಮಾದ ಸನ್ನಿವೇಶವೊಂದರಲ್ಲಿ ನಟಿಸಲು ಬರೋಬ್ಬರಿ 48 ಟೇಕ್ ಪಡೆದುಕೊಂಡ ಕುತೂಹಲಕಾರಿ ವಿಷಯವನ್ನು ದೀಪಿಕಾ ಹಂಚಿಕೊಂಡಿದ್ದಾರೆ.
ನಟ ಸಿದ್ಧಾಂತ್ ಜೊತೆ ರೊಮ್ಯಾನ್ಸ್ ಮಾಡುವ ಸೀನ್ ಅದಾಗಿದ್ದು, ಆ ಸನ್ನಿವೇಶದಲ್ಲಿ ನಟನೆ ಮಾಡುವುದು ನನಗೆ ಭಾರಿ ಸವಾಲಿನದ್ದಾಗಿತ್ತು. ಅಲ್ಲದೇ, ಸಿದ್ದಾಂತ್ ಜೊತೆ ರೊಮ್ಯಾನ್ಸ್ ಮಾಡುವ ಆ ಸೀನ್ನಲ್ಲಿ ನಟಿಸಲು ಸಿಕ್ಕಾಪಟ್ಟೆ ಮುಜುಗರ ಉಂಟಾಯಿತು. ಇದರಿಂದಾಗಿ 48 ಸಲ ರೀಟೇಕ್ ಪಡೆದುಕೊಳ್ಳಬೇಕಾಯಿತು ಎಂದು ತಮ್ಮ ಅನುಭವದ ಬಗ್ಗೆ ಬಿಚ್ಚಿಟ್ಟಿದ್ದಾರೆ.
ಗೆಹ್ರಿಯಾನ್ ಸಿನಿಮಾ ಫೆಬ್ರವರಿ 11 ರಂದು ಒಟಿಟಿ ಅಮೆಜಾನ್ ಪ್ರೈಮ್ನಲ್ಲಿ ಬಿಡುಗಡೆಯಾಗಲಿದೆ. ಅಲ್ಲದೇ, ಸಿನಿಮಾದ ಟ್ರೈಲರ್ ಬಿಡುಗಡೆಯಾಗಿದ್ದು, ದೀಪಿಕಾ ಮತ್ತು ನಟ ಸಿದ್ಧಾಂತ್ ಸಿನಿಮಾದಲ್ಲಿ ಬೋಲ್ಡ್ ಆಗಿ ನಟಿಸಿದ್ದಾರೆ. ವಿಶೇಷವಾಗಿ ದೀಪಿಕಾ ಪಡುಕೋಣೆ ತುಂಡುಡುಗೆಯಲ್ಲೇ ಹೆಚ್ಚಾಗಿ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ:Watch : ವೀಕೆಂಡ್ನಲ್ಲಿ ಮುದ್ದು ಮಗಳು ಐರಾಗೆ ಅಆಇಈ ಕಲಿಸಿದ ಯಶ್
