ಕೊರೊನಾಕ್ಕೆ ಬಲಿಯಾದ ತಂದೆ.. ಅಪ್ಪನ ಅಂತ್ಯಕ್ರಿಯೆ ನೆರವೇರಿಸಿ ಮಾದರಿಯಾದ ಹೆಣ್ಮಕ್ಕಳು ​

ಕೋವಿಡ್​​​ನಿಂದ ಮೃತಪಟ್ಟ ವ್ಯಕ್ತಿಯ ಅಂತ್ಯಸಂಸ್ಕಾರವನ್ನು ಆತನ ಹೆಣ್ಣುಮಕ್ಕಳೇ ನೆರವೇರಿಸಿದ್ದಾರೆ. ಈ ಮೂಲಕ ಹಳೆಯ ಕಟ್ಟುಪಾಡುಗಳಿಗೆ ಸೆಡ್ಡು ಹೊಡೆದಿದ್ದಾರೆ.

ವಾರಣಾಸಿ(ಉತ್ತರ ಪ್ರದೇಶ):ಹಳೆಯಸಂಪ್ರದಾಯಗಳನ್ನು ಬದಿಗಿರಿಸಿ, ಕೊರೊನಾದಿಂದ ಮೃತಪಟ್ಟ ತಮ್ಮ ತಂದೆಯ ಅಂತ್ಯಕ್ರಿಯೆ ನಡೆಸುವ ಮೂಲಕ ಮೂವರು ಹೆಣ್ಣು ಮಕ್ಕಳು ಸಮಾಜಕ್ಕೆ ಮಾದರಿಯಾಗಿದ್ದಾರೆ.

ಉತ್ತರ ಪ್ರದೇಶದ ಮಣಿಕರ್ಣಿಕಾ ಘಾಟ್​ನಲ್ಲಿ ಹೆಣ್ಣು ಮಕ್ಕಳು ತಮ್ಮ ತಂದೆಯ ಕ್ರಿಯಾ ವಿಧಾನಗಳನ್ನು ಪುರೈಸಿದ್ದು, ಹಳೆಯ ಕಟ್ಟು ಸಂಪ್ರದಾಯಗಳಿಗೆ ಸೆಡ್ಡು ಹೊಡೆದು, ಅಚ್ಚರಿ ಮೂಡಿಸಿದ್ದಾರೆ.

ಕೆಲವು ದಿನಗಳ ಹಿಂದೆ ಗಾಜಿಯಾಬಾದ್ ಮೂಲದ ವಕೀಲ ಗಿರಿಜೇಶ್ ಸಿಂಗ್ ಕೋವಿಡ್ ಸೋಂಕಿನಿಂದ ಮೃತಪಟ್ಟಿದ್ದರು. ಈ ವೇಳೆ ಅಂತ್ಯ ಸಂಸ್ಕಾರ ವಿಧಾನವಾದ 'ಮುಖಾಗ್ನಿ' ಅನ್ನು ಆತನ ಹೆಣ್ಣುಮಕ್ಕಳಾದ ಕಾತ್ಯಾಯಿನಿ, ದಿವ್ಯ, ತೃಪ್ತಿ ನೆರವೇರಿಸಿದ್ದಾರೆ.

ಇದನ್ನೂ ಓದಿ:ಮೋದಿ ರಾಜೀನಾಮೆಗೆ ಆಗ್ರಹಿಸಿದ್ದ ಪೋಸ್ಟ್​ಗಳನ್ನು ಹೈಡ್ ಮಾಡಿದ ಫೇಸ್​ಬುಕ್

ತಂದೆಗೆ ಕೋವಿಡ್ ದೃಢಪಟ್ಟಿದೆ ಎಂದು ತಿಳಿದುಬಂದಾಗ ಹಲವು ಆಸ್ಪತ್ರೆಗೆ ಅವರನ್ನು ಕರೆದುಕೊಂಡು ಈ ಮೂವರು ಹೆಣ್ಣು ಮಕ್ಕಳು ತಿರುಗಾಡಿದ್ದರು. ಆದ್ರೆ ಯಾವುದೇ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಿರಲಿಲ್ಲ.

ಹೆಣ್ಣು ಮಕ್ಕಳನಿಂದ ಯಾಕೆ ಈ ನಿರ್ಧಾರ..?

ಸರಿಯಾದ ಚಿಕಿತ್ಸೆ ಸಿಗದೆ ಗಿರಿಜೇಶ್​​ ಸಿಂಗ್ ಮೃತಪಟ್ಟಾಗ ಅಂತ್ಯ ಕ್ರಿಯೆಯಲ್ಲಿ ಪಾಲ್ಗೊಳ್ಳಲು ಯಾರೂ ಮುಂದೆ ಬಂದಿರಲಿಲ್ಲ. ಸ್ವತಃ ಸಂಬಂಧಿಗಳೇ ಅಂತ್ಯಸಂಸ್ಕಾರ ನೆರವೇರಿಸಿಕೊಡಲು ನಿರಾಕರಿಸಿದರು. ಈ ಹಿನ್ನೆಲೆಯಲ್ಲಿ ಹೆಣ್ಣು ಮಕ್ಕಳೇ ಅಂತಿಮ ವಿಧಿವಿಧಾನಗಳನ್ನು ಪೂರೈಸಿದ್ದಾರೆ.

ಕೋವಿಡ್ ಭೀತಿಯಿಂದ ಯಾರೂ ಸಹಕಾರ ನೀಡಿಲ್ಲವೆಂದು ಮಗಳು ಕಾತ್ಯಾಯಿನಿ ಹೇಳಿದ್ದು, ವೈದ್ಯಕೀಯ ವ್ಯವಸ್ಥೆ ಹದಗೆಟ್ಟಿರುವುದರ ವಿರುದ್ಧ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.