ವಿವಾಹ ಔತಣಕೂಟದಲ್ಲಿ ಊಟ ಮುಟ್ಟಿದ್ದಕ್ಕೆ ದಲಿತ ಯುವಕನ ಮೇಲೆ ಹಲ್ಲೆ, ಕೇಸ್​ ದಾಖಲು

ವಿವಾಹ ಔತಣಕೂಟದಲ್ಲಿ ಊಟ ಮುಟ್ಟಿದ ಎಂಬ ಕಾರಣಕ್ಕಾಗಿ ದಲತ ಯುವಕನನ್ನು ಥಳಿಸಿದ ಘಟನೆ ಉತ್ತರಪ್ರದೇಶದ ವಾಜೀರ್​ಗಂಜ್​ನಲ್ಲಿ ನಡೆದಿದೆ.

ಗೊಂಡಾ (ಉತ್ತರ ಪ್ರದೇಶ):ಮದುವೆ ಕಾರ್ಯಕ್ರಮದಲ್ಲಿ ಊಟದ ವೇಳೆ ಆಹಾರವನ್ನು ಮುಟ್ಟಿದ್ದಕ್ಕಾಗಿ ದಲಿತ ಯುವಕನನ್ನು ನಿಂದಿಸಿ ಅಮಾನುಷವಾಗಿ ಥಳಿಸಿದ ಆಘಾತಕಾರಿ ಘಟನೆ ಉತ್ತರಪ್ರದೇಶದ ವಾಜೀರ್​ಗಂಜ್​ನಲ್ಲಿ ಬೆಳಕಿಗೆ ಬಂದಿದೆ. ಎಸ್​ಸಿ, ಎಸ್​​ಟಿ ಕಾಯ್ದೆಯಡಿ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆಯುತ್ತಿದೆ.

ಲಲ್ಲಾ ಹಲ್ಲೆಗೊಳಗಾದ ದಲಿತ ಯುವಕ. ತನ್ನ ಸಹೋದರನ ಜೊತೆಗೆ ಪರಿಚಯದ ಮನೆಯಲ್ಲಿ ನಡೆಯುತ್ತಿದ್ದ ವಿವಾಹದಲ್ಲಿ ಭಾಗಿಯಾಗಿದ್ದರು. ಔತಣಕೂಟದ ವೇಳೆ ಲಲ್ಲಾ ತಟ್ಟೆಯನ್ನು ತೆಗೆದುಕೊಂಡು ಊಟ ಬಡಿಸಿಕೊಂಡಾಗ ಅಲ್ಲಿದ್ದವರು ಇದನ್ನು ವಿರೋಧಿಸಿದ್ದಾರೆ. ಬಳಿಕ ಲಲ್ಲಾನನ್ನು ನಿಂದಿಸಿ, ಹಲ್ಲೆ ಮಾಡಿದ್ದಾರೆ. ತಡೆಯಲು ಬಂದ ಸಹೋದರನನ್ನೂ ಥಳಿಸಿದ್ದಾರೆ.

ಅವಮಾನಿತನಾದ ಯುವಕ ಪೊಲೀಸ್​ ಠಾಣೆಯಲ್ಲಿ ದೂರು ನೀಡಿದ್ದಾನೆ. ಇದನ್ನು ತಿಳಿದ ಮದುವೆ ಮನೆಯವರು ಲಲ್ಲಾನ ಮನೆಗೆ ಬಂದು ಮತ್ತೆ ಹಲ್ಲೆ ಮಾಡಿದ್ದಾರೆ. ದೂರು ದಾಖಲಿಸಿಕೊಂಡ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

ಓದಿ:1992 ಗಲಭೆ ಪ್ರಕರಣ.. ಬರೋಬ್ಬರಿ 30 ವರ್ಷಗಳ ನಂತರ ಆರೋಪಿ ಸೆರೆ