cylinder blast video: ವಿದ್ಯುತ್​ ತಂತಿ ತುಂಡಾಗಿ ಅಂಗಡಿಗೆ ಬೆಂಕಿ, ಸಿಲಿಂಡರ್​ ಸ್ಫೋಟದ ಭೀಕರ ದೃಶ್ಯ

ವಿದ್ಯುತ್​ ತಂತಿ ತುಂಡಾಗಿ ಬಿದ್ದು ಅಂಗಡಿಗೆ ಬೆಂಕಿ ಆವರಿಸಿದ ಪರಿಣಾಮ, ಅಂಗಡಿಯೊಳಗಿದ್ದ ಗ್ಯಾಸ್‌ ಸಿಲಿಂಡರ್ ಸ್ಫೋಟಗೊಂಡಿದೆ. ಮಧ್ಯಪ್ರದೇಶದಲ್ಲಿ ನಡೆದ ಘಟನೆಯ ಭೀಕರ ದೃಶ್ಯ ಲಭ್ಯವಾಗಿದೆ.

ಆಗರ್​ ಮಾಲ್ವಾ(ಮಧ್ಯಪ್ರದೇಶ):ವಿದ್ಯುತ್​ ತಂತಿ ತುಂಡಾಗಿ​ ಅಂಗಡಿ ಮೇಲೆ ಬಿದ್ದಿದ್ದು, ಬೆಂಕಿ ಹೊತ್ತಿಕೊಂಡ ಪರಿಣಾಮ ಸಿಲಿಂಡರ್​ ಸ್ಫೋಟಗೊಂಡ ಘಟನೆ ಇಲ್ಲಿನ ನಲ್ಖೇಡಾದಲ್ಲಿ ನಡೆದಿದೆ.

ನಿನ್ನೆ ಮಧ್ಯಾಹ್ನದ ಹೊತ್ತಿಗೆ ಗ್ರಾಮದಲ್ಲಿ ವಿಪರೀತ ಗಾಳಿ ಬೀಸಿದ್ದು, ರಸ್ತೆ ಪಕ್ಕದಲ್ಲಿರುವ ಶಾಪ್​ಗಳ ಮೇಲೆ ವಿದ್ಯುತ್​ ತಂತಿ ತುಂಡಾಗಿ ಬಿದ್ದಿದೆ. ಪರಿಣಾಮ ಅಂಗಡಿಯೊಂದರಲ್ಲಿ ಬೆಂಕಿ ಕಾಣಿಸಿಕೊಂಡಿತು. ಕೂಡಲೇ ಅಂಗಡಿಯಲ್ಲಿದ್ದ ಜನರು ಓಡಿ ಹೊರ ಬಂದಿದ್ದಾರೆ.

ಈ ವೇಳೆ ಅಂಗಡಿಯೊಂದರಲ್ಲಿದ್ದ ಗ್ಯಾಸ್‌ ಸಿಲಿಂಡರ್​ ಬ್ಲಾಸ್ಟ್ ಆಗಿದೆ. ಈ ಭಯಾನಕ ದೃಶ್ಯವನ್ನು ಕೆಲವರು ತಮ್ಮ ಮೊಬೈಲ್​ನಲ್ಲಿ ಸೆರೆಹಿಡಿದಿದ್ದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗ್ತಿದೆ.