ತಾಂತ್ರಿಕ ದೋಷದಿಂದ 2 ದಿನಗಳ ಸಿಟಿಇಟಿ ಸ್ಥಗಿತ.. ಸೋಮವಾರದಿಂದ ಯಥಾಸ್ಥಿತಿಯಲ್ಲಿ ನಡೆಯಲಿವೆ ಪರೀಕ್ಷೆಗಳು

ನಿನ್ನೆ ಮತ್ತು ಇಂದು ನಡೆಯಬೇಕಿದ್ದ ಪರೀಕ್ಷೆಗಳನ್ನು ತಾಂತ್ರಿಕ ದೋಷಗಳಿಂದಾಗಿ ತಡೆಹಿಡಿಯಲಾಗಿದೆ. ಸೋಮವಾರದಿಂದ ನಡೆಯಬೇಕಿರುವ ಪರೀಕ್ಷೆಗಳು ಯಥಾಸ್ಥಿತಿಯಲ್ಲಿ ನಡೆಯಲಿವೆ ಎಂದು ಸಿಬಿಎಸ್​​​​​ಸಿ ತಿಳಿಸಿದೆ.

ನವದೆಹಲಿ: ಕೇಂದ್ರೀಯ ಪ್ರೌಢ ಶಿಕ್ಷಣ ಮಂಡಳಿ (ಸಿಬಿಎಸ್‌ಇ) ನಡೆಸಬೇಕಿದ್ದ ಶಿಕ್ಷಕರ ಅರ್ಹತಾ ಪರೀಕ್ಷೆ (ಸಿಟಿಇಟಿ)ಯನ್ನು ಮುಂದೂಡಲಾಗಿದೆ. ಈ ಸಂಬಂಧ ಸಿಬಿಎಸ್‌ಇ ಸುತ್ತೋಲೆ ಹೊರಡಿಸಿದೆ. ನಿನ್ನೆ ಮತ್ತು ಇಂದು ನಡೆಯಬೇಕಿದ್ದ ಪರೀಕ್ಷೆಗಳನ್ನು ತಾಂತ್ರಿಕ ದೋಷಗಳಿಂದಾಗಿ ತಡೆಹಿಡಿಯಲಾಗಿತ್ತು.

ನಿನ್ನೆಯ ಪೇಪರ್​ 2 ಎಕ್ಸಾಂ ನಡೆದಿರಲಿಲ್ಲ ಮತ್ತು ಇಂದು ನಡೆಯಬೇಕಿದ್ದ ಎರಡೂ ಪೇಪರ್​ನ ಪರೀಕ್ಷೆ ನಡೆದಿಲ್ಲ. ಎರಡೂ ಪರೀಕ್ಷೆಗಳ ಹೊಸ ದಿನಾಂಕವನ್ನು ಶೀಘ್ರದಲ್ಲೇ ಪ್ರಕಟಿಸಲಾಗುವುದು ಎಂದು ಮಂಡಳಿ ತಿಳಿಸಿದೆ.

ಇದನ್ನೂ ಓದಿ:ಬಾಂಬ್​​ ಸ್ಫೋಟ ಪ್ರಕರಣ: 3 ಉಗ್ರರಿಗೆ ಜೀವಾವಧಿ, ಐವರಿಗೆ 10 ವರ್ಷ ಜೈಲು ಶಿಕ್ಷೆ

ಸಿಟಿಇಟಿ ಪರೀಕ್ಷೆಗಳನ್ನು ಕಂಪ್ಯೂಟರ್ ಮೂಲಕ ನಡೆಸಲಾಗುತ್ತಿದ್ದು, ಕೆಲವು ತಾಂತ್ರಿಕ ದೋಷಗಳಿಂದಾಗಿ ಈ ಪರೀಕ್ಷೆಗಳನ್ನು ತಡೆಹಿಡಿಯಲಾಯಿತು ಎಂದು ಸಿಬಿಎಸ್‌ಇ ಹೊರಡಿಸಿರುವ ಅಧಿಸೂಚನೆಯಲ್ಲಿ ತಿಳಿಸಿದೆ. ಜೊತೆಗೆ ಸೋಮವಾರದಿಂದ ನಡೆಯಬೇಕಿರುವ ಪರೀಕ್ಷೆಗಳು ಯಥಾಸ್ಥಿಯಲ್ಲಿ ನಡೆಯಲಿವೆ ಎಂದು ಸಿಬಿಎಸ್​​​​ಸಿ ಹೊರಡಿಸಿರುವ ಸುತ್ತೋಲೆಯಲ್ಲಿ ತಿಳಿಸಲಾಗಿದೆ.