ನಕ್ಸಲರಿಂದ ಕೋಬ್ರಾ ಕಮಾಂಡೋ ಅಪಹರಣ: ಹುಡುಕಾಟ ಚುರುಕುಗೊಳಿಸಿದ ಭದ್ರತಾ ಪಡೆ

ಶನಿವಾರ - ಭಾನುವಾರ ಛತ್ತೀಸ್‌ಗಢದಲ್ಲಿ ನಡೆದ ಭೀಕರ ಎನ್​ಕೌಂಟರ್​ ವೇಳೆ ಸುಮಾರು 400 ಮಂದಿ ನಕ್ಸಲರು ಭದ್ರತಾ ಸಿಬ್ಬಂದಿಯನ್ನು ಸುತ್ತುವರೆದಿದ್ದರು. ಈ ಕಾಳಗದಲ್ಲಿ 22 ಮಂದಿ ಭದ್ರತಾ ಸಿಬ್ಬಂದಿ ಹುತಾತ್ಮರಾಗಿದ್ದಾರೆ. 31 ಮಂದಿ ಭದ್ರತಾ ಸಿಬ್ಬಂದಿ ಗಾಯಗೊಂಡಿದ್ದು, ಇವರಲ್ಲಿ 16 ಮಂದಿ ಸಿಆರ್‌ಪಿಎಫ್ ಯೋಧರಾಗಿದ್ದರು.

ನವದೆಹಲಿ:ಛತ್ತೀಸ್​ಗಢದಲ್ಲಿ ನಡೆದ ನಕ್ಸಲರು ಹಾಗೂ ಭದ್ರತಾ ಪಡೆ ನಡುವಿನ ಎನ್​ಕೌಂಟರ್​ನಲ್ಲಿ ಓರ್ವ ಕೋಬ್ರಾ ಕಮಾಂಡೋನನ್ನು ನಕ್ಸಲರು ಅಪಹರಿಸಿದ್ದಾರೆ ಎಂದು ವರದಿಯಾಗಿತ್ತು. ನಕ್ಸಲರು ಬಿಜಾಪುರಮೂಲದ ಪತ್ರಕರ್ತರೊಬ್ಬರಿಗೆ ಕರೆ ಮಾಡಿ ಕಮಾಂಡೋವನ್ನು ಅಪರಿಸಿರುವುದಾಗಿ ಹೇಳಿದ್ದರು.

210ನೇ ಬೆಟಾಲಿಯನ್​​ನ ಕೋಬ್ರಾ ಕಮಾಂಡರ್ ಅವರನ್ನು ಪತ್ತೆ ಮಾಡಲು ಇದಿಗ ಎಲ್ಲಾ ಕಾರ್ಯ ನಡೆಯುತ್ತಿದೆ. ಆದರೆ ನಕ್ಸಲರು ಅವರನ್ನು ಅಪಹರಿಸಿದ್ದಾರೆ ಎಂಬುದನ್ನು ಸಾಬೀತು ಪಡಿಸಲು ನಮ್ಮಬಳಿ ಪ್ರಬಲ ಪುರಾವೆಯಿಲ್ಲ ಎಂದು ಹಿರಿಯ ಅಧಿಕಾರಿಯೊಬ್ಬರು ಮಾಧ್ಯಮಗಳಿಗೆ ಹೇಳಿದ್ದಾರೆ.

ಭಾನುವಾರ ನಕ್ಸಲ್ ವಿರುದ್ಧದ ಕಾರ್ಯಾಚರಣೆಗಾಗಿ ಕಮಾಂಡೋ ಮಿನ್ಹಾಸ್​ ತಂಡದ ಜೊತೆ ಹೊರಬಂದಿದ್ದ. ಆದರೆ ಕಾರ್ಯಾಚರಣೆ ವೇಳೆ 22 ಮಂದಿ ಭದ್ರತಾ ಪಡೆ ಸಿಬ್ಬಂದಿ ಹುತಾತ್ಮರಾದರೆ, 31 ಮಂದಿ ಗಾಯಗೊಂಡಿದ್ದರು. ಈ ನಡುವೆ ಜಮ್ಮುವಿನಲ್ಲಿರುವ ವಿನ್ಹಾಸ್ ನಿವಾಸಕ್ಕೆ ಭದ್ರತಾ ಅಧಿಕಾರಿ ಭೇಟಿ ನೀಡಿದ್ದು, ಮಾಹಿತಿ ಪಡೆದಿದ್ದಾರೆ.

ಇದನ್ನೂ ಓದಿ:'U' ಆಕಾರದಲ್ಲಿ ಭದ್ರತಾ ಸಿಬ್ಬಂದಿಯನ್ನು ಸುತ್ತುವರೆದಿದ್ದ 400 ನಕ್ಸಲರು!