ಪುಣೆ(ಮಹಾರಾಷ್ಟ್ರ):ಪುಣೆಯ ಖಡ್ಕಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿರುವ ಘಟನೆಯ ದೃಶ್ಯಾವಳಿ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಕುಡಿದು ಅಮಲಿನಲ್ಲಿ ಕ್ರಿಮಿನಲ್ ಒಬ್ಬ ನಿವೃತ್ತ ಪೊಲೀಸ್ ಅಧಿಕಾರಿ ಜತೆ ಜಗಳ ತೆಗೆದು, ಸಾವನ್ನಪ್ಪಿದ್ದಾನೆ.
ಬೈಕ್ ಮೇಲೆ ಹೋಗುತ್ತಿದ್ದ ನಿವೃತ್ತ ಪೊಲೀಸನನ್ನು ನಿಲ್ಲಿಸಿರುವ ಕ್ರಿಮಿನಲ್ ಜಗಳ ತೆಗೆದಿದ್ದಾನೆ. ಇಬ್ಬರ ನಡುವಿನ ಜಗಳ ತಾರಕ್ಕೇರಿದ್ದು, ಪರಸ್ಪರ ಹೊಡೆದಾಡಿಕೊಂಡಿದ್ದಾರೆ. ಈ ವೇಳೆ ಕ್ರಿಮಿನಲ್ ಹತ್ಯೆಗೊಳಗಾಗಿದ್ದಾನೆ. ಇದರ ಸಿಸಿಟಿವಿ ದೃಶ್ಯಾವಳಿ ವೈರಲ್ ಆಗಿವೆ.
ಪ್ರಕರಣಕ್ಕೆ ಸಂಬಂಧಿಸಿದಂತೆ ಈಗಾಗಲೇ ಪೊಲೀಸರು ಪ್ರಕರಣ ದಾಖಲು ಮಾಡಿಕೊಂಡಿದ್ದು, ನಿವೃತ್ತ ಪೊಲೀಸ್ ಅಧಿಕಾರಿಯ ಬಂಧನ ಮಾಡಿದ್ದಾರೆ. ಮನೀಶ್ ಕಲುರಾಮ್ ಭೋಸಲೆ ಸಾವನ್ನಪ್ಪಿದ್ದು, ನಿವೃತ್ತ ಪೊಲೀಸ್ ಕಾನ್ಸ್ಟೇಬಲ್ ಅನಂತ್ ಓವಲ್ ಬಂಧಿತ ನಿವೃತ್ತ ಪೊಲೀಸ್. ಮನೀಶ್ ವಿರುದ್ಧ ಐದು ಪ್ರಕರಣ ದಾಖಲಾಗಿದ್ದು, ಅವರು ಮದ್ಯದ ಚಟ ಹೊಂದಿದ್ದರು.
ಇದನ್ನೂ ಓದಿ: ಭರತ್ಪುರದ ರಾಷ್ಟ್ರೀಯ ಉದ್ಯಾನದೊಂದಿಗೆ ಸೈಬೀರಿಯನ್ ಕೊಕ್ಕರೆಗಳಿಗಿದೆ ಶತ -ಶತಮಾನಗಳ ನಂಟು!
ಅನಂತ್ ಓವಲ್ ಏಪ್ರಿಲ್ 12 ರಂದು ಸಂಜೆ ಬೋಪೋಡಿಯ ಆನಂದನಗರ ಪ್ರದೇಶಕ್ಕೆ ತೆರಳಿದ್ದರು. ಈ ವೇಳೆ, ಮನೀಶ್ ಭೋಸಲೆ ಅವರ ಬೈಕ್ ನಿಲ್ಲಿಸಿ, ವಾದಕ್ಕಿಳಿದಿದ್ದಾರೆ. ಈ ವೇಳೆ ಇಬ್ಬರು ಪರಸ್ಪರ ಕೈ-ಕೈ ಮಿಲಾಯಿಸಿದ್ದು, ಮನೀಶ್ ಮೇಲೆ ಅನಂತ್ ಜೋರಾಗಿ ಹಲ್ಲೆ ನಡೆಸಿದ್ದರಿಂದ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.